ᠰᠠᠩᠵᠠᠶᠢᠳᠤᠷᠵᠢ ᠭᠡᠮᠡᠭᠳᠡᠬᠦ ᠮᠢᠨᠤ ᠳᠤᠳᠤᠷᠠ | ᠰᠠᠨᠠᠨ ᠰᠠᠨᠠᠨ ᠪᠤᠳᠤᠬᠤᠯᠠ ᠪᠦᠳᠡᠨᠢᠳᠡᠭ ᠶᠤᠮ ᠳ᠋ᠤᠤ᠃ | ᠳᠠᠶᠢᠴᠢᠩ ᠬᠦᠷᠦ ᠶᠢᠨ ᠵᠢᠮᠡ ᠶᠤᠰᠤ ᠶᠢ ᠳᠠᠭᠠᠭᠰᠠᠨ ᠴᠦ ᠬᠤᠶᠢᠨᠠ | ᠲᠠᠰᠢᠶᠠ ᠪᠤᠷᠤᠭᠤ ᠪᠤᠯᠤᠨᠠ ᠭᠡᠭᠴᠢ ᠬᠠᠮᠢᠭᠠ ᠠᠴᠠ ᠪᠠᠶᠢᠬᠤ ᠪᠤᠢ︖ | ᠰᠠᠭᠠᠯᠢ ᠶᠢᠨ ᠰᠠᠶᠢᠨ ᠢᠶᠠᠷ ᠰᠦ ᠭᠠᠷᠤᠭᠠᠳ ᠲᠤᠰᠤ ᠪᠤᠯᠳᠠᠭ ᠶᠤᠮ | ᠰᠠᠨᠠᠭᠠᠨ ᠤ ᠰᠠᠶᠢᠨ ᠢᠶᠠᠷ ᠦᠷᠡ ᠭᠠᠷᠤᠭᠠᠳ ᠲᠤᠰᠠ ᠪᠤᠯᠳᠠᠭ ᠶᠤᠮ᠃ | ᠬᠦᠷᠬᠢᠷᠡᠬᠦ ᠯᠤᠤ ᠶᠢᠨ ᠳᠠᠭᠤ ᠰᠤᠨᠤᠷ ᠪᠤᠯᠪᠠᠴᠤ | ᠬᠦᠪᠴᠢᠨ ᠪᠡᠶᠡ ᠨᠢ ᠦᠵᠡᠭᠳᠡᠬᠦ ᠮᠠᠰᠢ ᠪᠡᠷᠬᠡ ᠰᠢᠤ᠃ | ᠱᠠᠵᠢ ᠶᠢᠨ ᠲᠠᠷᠢᠶᠠ ᠰᠢᠷᠠᠯᠠᠪᠠᠯ ᠬᠠᠳᠤᠯᠬᠦᠢ ᠳ᠋ᠤᠤ | ᠱᠠᠵᠢᠨ ᠪᠤᠷᠬᠠᠨ ᠳᠡᠯᠭᠡᠷᠡᠪᠡᠯ ᠰᠢᠳᠦᠯᠭᠦᠢ ᠳ᠋ᠤᠤ | ᠬᠡᠤᠬᠡᠨ ᠦᠷᠡ ᠭᠠᠷᠤᠭᠰᠠᠨ ᠴᠠᠭ ᠠᠴᠠ ᠬᠦᠮᠦᠨ ᠤ ᠬᠢ ᠪᠤᠯᠪᠠᠴᠤ | ᠬᠦᠷᠭᠡᠭᠡᠳ ᠦᠭᠬᠦ ᠶᠢᠨ ᠦᠶᠡᠰ ᠬᠦᠭᠡᠷᠦᠬᠦᠢ ᠪᠢᠰᠢ ᠦᠦ ᠳ᠋ᠤᠤ᠃ | ᠬᠠᠯᠢᠭᠤ ᠪᠤᠯᠠᠭᠠ ᠲᠤᠷᠭᠠ ᠳᠤᠷᠳᠤᠩ ᠬᠠᠭᠤᠴᠢᠷᠠᠪᠠᠴᠤ | ᠬᠠᠰᠢ ᠬᠡᠷᠡᠭ ᠬᠠᠶᠠᠪᠠᠯ ᠪᠤᠶᠠᠰᠤᠯᠬᠦᠢ ᠳ᠋ᠤᠤ᠃ | ᠦᠢᠮᠡᠯᠵᠡᠬᠦ ᠡᠭᠦᠯᠡᠨ ᠠᠴᠠ ᠪᠠᠨ ᠦᠰᠭᠡᠨ ᠬᠤᠷᠠ ᠪᠠᠶᠢᠨᠠ | ᠦᠢᠯᠡᠷ ᠲᠠᠢ ᠪᠠᠨ ᠪᠤᠳᠤᠪᠠᠯ ᠭᠤᠳᠤᠷᠠᠮᠠᠷ ᠪᠠᠶᠢᠨᠠ᠃ | ᠬᠠᠶᠢᠷᠠᠳᠤ ᠦᠷᠡ ᠪᠠᠨ ᠬᠦᠮᠦᠨ ᠤ ᠡᠭᠦᠳᠡᠨ ᠳᠤ ᠬᠦᠷᠭᠡᠭᠡᠳ ᠦᠭᠭᠦᠭᠰᠡᠨ ᠴᠦ | ᠬᠠᠯᠠᠮᠵᠢᠯᠠᠬᠤ ᠰᠠᠨᠠᠭᠠ ᠰᠡᠳᠬᠢᠯ ᠬᠤᠪᠢᠷᠠᠬᠤ ᠦᠭᠡᠢ ᠪᠠᠶᠢᠳᠠᠭ ᠰᠢᠤ᠃ | ᠭᠡᠰᠡᠭ ᠪᠦᠯᠦᠭ ᠡᠭᠦᠯᠡᠨ ᠠᠴᠠ ᠪᠠᠨ ᠴᠠᠭ ᠤᠨ ᠬᠤᠷᠠ ᠪᠠᠶᠢᠨᠠ | ᠭᠡᠰᠡᠭ ᠦᠶᠡᠰ ᠪᠤᠳᠤᠬᠤᠯᠠ ᠭᠡᠷ ᠲᠡᠭᠡᠨ ᠰᠠᠭᠤᠮᠠᠷ ᠪᠠᠶᠢᠨᠠ᠃ | ᠬᠠᠷᠠᠬᠤ ᠳᠤ ᠪᠠᠰᠠ ᠬᠠᠷᠠᠬᠦᠤ ᠶᠢ ᠬᠠᠩᠬᠢ ᠭᠡᠲᠡᠯᠡ | ᠬᠠᠪᠢᠷ ᠦᠭᠳᠡᠷ ᠬᠠᠵᠠᠯᠳᠤᠬᠤ ᠨᠢ ᠬᠠᠷᠢᠨ ᠭᠡᠴᠡᠭᠦᠤ ᠪᠠᠶᠢᠨᠠ᠃ | ᠽᠠᠨᠠ᠂ ᠡᠩᠬᠡ᠂ ᠪᠠᠳᠤ᠂ ᠳᠤᠷᠵᠢ᠂ ᠪᠠᠯᠭᠤ᠂ ᠨᠠᠳᠤ ᠲᠠᠨ | ᠼᠠᠪᠠ ᠭᠦᠳᠦᠩ ᠡᠯᠪᠠᠭᠦᠯᠦᠮᠠᠨᠵᠢᠨ ᠪᠠᠰᠠ ᠴᠦ ᠵᠢᠷᠭᠤᠭᠠᠬᠠᠨ᠃ | ᠰᠠᠷᠯᠠᠢ ᠪᠠᠰᠠ ᠰᠡᠮᠡᠭᠡᠷ ᠳᠤᠤᠭᠤᠷ ᠬᠠᠳᠬᠤᠰ ᠭᠡᠵᠤ ᠪᠠᠶᠢᠨᠠ | ᠰᠢᠪᠠᠷ ᠵᠠᠪᠡᠷ ᠬᠡᠯᠡᠯᠴᠡᠬᠦ ᠶᠢ ᠴᠢᠨᠢ ᠪᠠᠰᠠ ᠯᠠ ᠮᠠᠳᠡᠯᠠ ᠳ᠋ᠤᠤ᠃ | ᠰᠡᠭᠡᠭᠡ ᠦᠭᠡᠢ ᠮᠤᠩᠬᠠᠭ ᠤᠳ ᠢ ᠦᠳᠤᠭᠡᠭᠡᠳ ᠪᠠᠶᠢᠪᠠᠯ | ᠰᠢᠮᠡᠷᠭᠡᠵᠤ ᠬᠡᠷᠡᠭ ᠭᠠᠷᠭᠠᠬᠤ ᠶᠠᠭᠤᠨ ᠤ ᠮᠠᠭᠠᠳ ᠪᠤᠢ᠃ | ᠲᠠᠯᠠ ᠳᠦᠭᠦᠷᠡᠩ ᠲᠠᠷᠢᠶᠠ ᠮᠠᠭᠠᠵᠢ ᠲᠡᠭᠷᠢ ᠶᠢᠨ ᠬᠡᠰᠢᠭ ᠪᠠᠶᠢᠨᠠ | ᠲᠠᠷᠭᠤᠨ ᠮᠢᠬᠠ ᠲᠠᠩᠰᠤᠭ ᠢᠳᠡᠭᠡᠨ ᠠᠮᠠᠨ ᠬᠡᠰᠢᠭ ᠪᠠᠶᠢᠨᠠ᠃ | ᠬᠤᠷᠠ ᠶᠢᠨ ᠰᠠᠶᠢᠨ ᠢᠶᠠᠷ ᠡᠪᠡᠰᠦ ᠤᠰᠤ ᠰᠠᠶᠢᠵᠢᠷᠠᠳᠠᠭ ᠶᠤᠮ | ᠬᠤᠪᠢ ᠶᠢᠨ ᠰᠠᠶᠢᠨ ᠢᠶᠠᠷ ᠬᠡᠰᠢᠭ ᠪᠤᠶᠠᠨ ᠳᠡᠯᠭᠡᠷᠡᠳᠡᠭ ᠶᠤᠮ᠃ | ᠲᠠᠷᠨᠢ ᠶᠢᠨ ᠨᠤᠮ ᠤᠨ ᠤᠪᠠᠳᠢᠰ ᠢ ᠪᠢᠰᠢᠯᠭᠠᠭᠰᠠᠨ ᠠᠴᠠ ᠬᠤᠶᠢᠨᠠ | ᠲᠠᠮᠤ ᠶᠢᠨ ᠤᠷᠤᠨ ᠳᠤ ᠲᠦᠷᠦᠨᠠ ᠭᠡᠭᠴᠢ ᠬᠠᠮᠢᠭᠠ ᠠᠴᠠ ᠪᠠᠶᠢᠬᠤ ᠪᠤᠢ︖ | ᠲᠠᠪᠤᠨ ᠯᠤᠤ ᠪᠠᠷ ᠡᠷᠭᠦᠭᠳᠡᠭᠰᠡᠨ ᠤᠩᠭᠤᠨ ᠰᠢᠯᠢ ᠰᠢᠤ | ᠲᠠᠩᠰᠤᠭ ᠰᠠᠶᠢᠬᠠᠨ ᠰᠠᠭᠤᠯᠳᠠᠢ ᠲᠤᠯᠢ ᠶᠢᠨ ᠴᠠᠶᠢᠳᠠᠮ ᠰᠢᠤ᠃ | ᠲᠦᠷᠦ ᠶᠢᠨ ᠳᠡᠭᠡᠳᠤ ᠲᠦᠰᠢᠮᠡᠳ ᠮᠢᠨᠢ ᠳᠡᠭᠰᠢ ᠬᠤᠪᠢ ᠲᠠᠢ | ᠲᠦᠮᠡᠨ ᠤᠯᠠᠨ ᠪᠢᠳᠠᠨ ᠳᠠᠶᠠᠭᠠᠷ ᠳᠡᠭᠰᠢ ᠬᠤᠪᠢ ᠲᠠᠢ᠃ | ᠰᠢᠷᠠ ᠦᠨᠳᠤᠷ ᠬᠠᠯᠵᠠᠨ ᠮᠠᠩᠬᠠ ᠨᠠᠮᠰᠠᠷᠠᠢ ᠶᠢᠨ ᠰᠢᠨᠵᠢ ᠲᠠᠢ | ᠴᠢᠨᠳᠠᠮᠦᠨᠢ ᠶᠢᠨ ᠡᠷᠳᠡᠨᠢᠰ ᠨᠢ ᠽᠠᠨᠳᠠᠨ ᠰᠠᠩ ᠳᠠᠭᠠᠨ ᠪᠠᠶᠢᠨᠠ᠃ | ᠰᠠᠯᠠᠭᠠ ᠨᠢ ᠦᠨᠳᠤᠷ ᠦᠵᠡᠭᠳᠡᠭᠴᠢ ᠪᠠᠭᠰᠠᠢ ᠮᠤᠳᠤ ᠰᠢᠤ | ᠰᠠᠷᠠᠭᠤᠯ ᠰᠠᠶᠢᠬᠠᠨ ᠰᠠᠭᠤᠯᠲᠠᠢ ᠨᠤᠳᠤᠭ ᠲᠤᠯᠢ ᠶᠢᠨ ᠴᠠᠶᠢᠳᠠᠮ ᠰᠢᠤ᠃ | ᠰᠡᠭᠦᠳᠡᠷᠯᠠᠵᠤ ᠬᠠᠷᠠᠭᠳᠠᠬᠤ ᠰᠡᠭᠦᠵᠢ ᠶᠢᠨ ᠰᠢᠯᠢ ᠪᠠᠶᠢᠨᠠ | ᠰᠦᠰᠦᠭᠯᠡᠵᠤ ᠮᠦᠷᠬᠦᠬᠦ ᠰᠢᠨᠡ ᠰᠦᠮᠡ ᠪᠠᠶᠢᠨᠠ᠃ | ᠬᠦᠷᠢᠶᠡ ᠬᠠᠰᠢᠶᠠ ᠦᠨᠳᠦᠷ ᠭᠡᠮᠡᠨ ᠨᠠᠷᠠ ᠶᠢ ᠬᠠᠭᠠᠳᠠᠭ ᠶᠤᠮ ᠤᠤ | ᠬᠦᠮᠦᠨ ᠠᠮᠢᠳᠠᠨ ᠤᠯᠠᠨ ᠭᠡᠮᠡᠨ ᠮᠠᠨ ᠢ ᠪᠠᠨ ᠬᠠᠭᠠᠳᠠᠭ ᠶᠤᠮ ᠤᠤ︖ | ᠳᠡᠭᠰᠢ ᠲᠠᠯᠠ ᠭᠠᠵᠠᠷ ᠲᠤ ᠶᠠᠪᠤᠭᠰᠠᠨ ᠠᠴᠠ ᠬᠤᠶᠢᠨᠠ | ᠲᠠᠮᠳᠤᠴᠢᠵᠤ ᠤᠨᠠᠬᠤ ᠭᠡᠭᠴᠢ ᠬᠠᠮᠢᠭᠠ ᠠᠴᠠ ᠪᠤᠢ︖ | ᠰᠤᠬᠠᠢ ᠮᠤᠳᠤ ᠬᠠᠳᠠᠭᠤ ᠭᠡᠮᠡᠨ ᠵᠤᠷᠤᠬᠤ ᠪᠠᠨ ᠪᠠᠶᠢᠨᠠ ᠤᠤ | ᠰᠤᠷᠤᠭᠰᠠᠨ ᠵᠠᠩ ᠢᠶᠠᠨ ᠮᠠᠭᠤᠬᠠᠢ ᠭᠡᠮᠡᠨ ᠬᠠᠶᠠᠬᠤ ᠪᠠᠨ ᠪᠠᠶᠢᠨᠠ ᠤᠤ ᠳ᠋ᠤᠤ᠃ | ᠰᠢᠮᠡ ᠶᠢᠨ ᠰᠠᠶᠢᠨ ᠢᠶᠠᠷ ᠰᠦ ᠭᠠᠷᠤᠭᠠᠳ ᠰᠠᠭᠠᠯᠢ ᠪᠤᠯᠳᠠᠭ ᠶᠤᠮ | ᠰᠢᠨᠵᠢ ᠰᠠᠶᠢᠨ ᠢᠶᠠᠷ ᠨᠤᠳᠤᠭᠯᠠᠪᠠᠯ ᠪᠠᠶᠠᠨ ᠪᠤᠯᠳᠠᠭ ᠶᠤᠮ ᠳ᠋ᠤᠤ᠃ | ᠤᠯᠠᠨ ᠰᠠᠶᠢᠬᠠᠨ ᠰᠦᠷᠦᠭ ᠮᠠᠯ ᠤᠨ ᠠᠷᠪᠢᠨ ᠵᠤᠵᠠᠭᠠᠨ | ᠤᠷᠤᠨ ᠭᠠᠵᠠᠷ ᠪᠡᠯᠴᠢᠭᠡᠷ ᠳᠦᠭᠦᠷᠡᠩ ᠠᠯᠠᠭᠰᠢᠳᠠᠭ ᠰᠢᠤ᠃ | ᠤᠳᠤ ᠬᠠᠷᠢᠨ ᠦᠵᠡᠭᠰᠡᠭᠡᠷ ᠡᠶᠢᠮᠤ ᠪᠤᠯᠬᠤᠯᠠ | ᠤᠷᠴᠢᠯᠠᠩ ᠤᠨ ᠦᠢᠯᠡ ᠶᠠᠪᠤᠳᠠᠯ ᠶᠠᠭᠤᠳᠠᠢ ᠭᠡᠴᠡᠭᠦᠦ ᠪᠤᠢ︕ | ᠬᠦᠰᠡᠯᠡᠩᠳᠤ ᠰᠠᠶᠢᠬᠠᠨ ᠴᠠᠭ ᠬᠦᠷᠴᠤ ᠢᠷᠡᠭᠰᠡᠨ ᠬᠤᠶᠢᠨᠠ | ᠬᠦᠬᠡ ᠤᠭᠲᠠᠷᠭᠤᠢ ᠠᠴᠠ ᠷᠠᠰᠢᠶᠠᠨ ᠬᠤᠷᠠ ᠪᠠᠭᠤᠨᠠ ᠰᠢᠤ | ᠬᠦᠰᠡᠷ ᠳᠡᠯᠡᠬᠡᠢ ᠶᠢᠨ ᠲᠦᠮᠡᠨ ᠪᠤᠳᠠᠰ ᠬᠦᠭᠵᠢᠨ ᠮᠠᠨᠳᠤᠭᠠᠳ | ᠬᠦᠪᠴᠢᠨ ᠤᠯᠤᠰ ᠪᠦᠭᠦᠳᠡᠭᠡᠷ ᠬᠦᠤᠷᠨᠢᠨ ᠵᠢᠷᠭᠠᠨᠠ ᠰᠢᠤ᠃ | ᠬᠤᠷᠠ ᠤᠰᠤ ᠴᠠᠭ ᠲᠠᠭᠠᠨ ᠪᠠᠭᠤᠵᠤ ᠡᠯᠪᠡᠭᠰᠢᠪᠠᠯ | ᠬᠤᠬᠢᠷ ᠵᠤᠳ ᠤᠨ ᠬᠤᠤᠷᠯᠠᠯ ᠰᠢᠯᠡᠭᠡ ᠠᠷᠢᠯᠤᠨᠠ ᠰᠢᠤ᠃ | ᠬᠤᠨᠢ ᠮᠤᠷᠢ ᠦᠬᠡᠷ ᠤᠨ ᠬᠤᠭ ᠨᠢ ᠪᠠᠶᠢᠭᠰᠠᠨ ᠬᠤᠶᠢᠨᠠ | ᠬᠤᠷᠳᠤᠨ ᠦᠰᠦᠭᠡᠳ ᠵᠤᠵᠠᠭᠠᠨ ᠪᠤᠯᠬᠤ ᠶᠠᠭᠤᠨ ᠤᠳᠠᠬᠤ ᠪᠤᠢ | ᠤᠨ ᠵᠢᠯ ᠤᠨ ᠦᠩᠭᠡ ᠪᠠᠶᠢᠳᠠᠯ ᠨᠠᠭᠠᠰᠢ ᠲᠠᠢ ᠪᠤᠯᠪᠠᠯ | ᠤᠯᠠᠷᠢᠬᠤ ᠴᠠᠭ ᠤᠨ ᠦᠩᠰᠢᠭ ᠮᠠᠯ ᠤᠳ ᠤᠯᠠᠮ ᠦᠰᠦᠨᠠ ᠰᠢᠤ | ᠤᠯᠢᠭ ᠦᠭᠡᠢ ᠮᠠᠭᠤ ᠬᠦᠮᠦᠰ ᠬᠤᠭᠵᠢᠷᠠᠪᠠᠯ | ᠤᠯᠠᠨ ᠳᠠᠶᠠᠭᠠᠷ ᠠᠮᠦᠷ ᠲᠠᠶᠢᠪᠤᠩ ᠵᠢᠷᠭᠠᠨ ᠰᠠᠭᠤᠨᠠ ᠰᠢᠤ᠃ | | | ᠵᠡᠭᠦᠯᠳᠠ | ᠲᠤᠰ ᠲᠠᠭᠤᠤ ᠶᠢ ᠰᠠᠩᠵᠠᠶᠢᠳᠤᠷᠵᠢ ᠵᠤᠬᠢᠶᠠᠪᠠ᠃ ᠴᠢᠩ ᠤᠯᠤᠰ ᠤᠨ ᠲᠦᠷᠦ ᠭᠡᠷᠡᠯᠳᠤ ᠶᠢᠨ ᠵᠢᠷᠭᠤᠳᠤᠭᠠᠷ ᠤᠨ ᠠᠴᠠ ᠪᠠᠳᠠᠷᠠᠭᠤᠯᠳᠤ ᠲᠦᠷᠦ ᠶᠢᠨ | ᠬᠤᠷᠢᠨ ᠶᠢᠰᠦᠳᠦᠭᠡᠷ ᠤᠨ ︵1826 — 1903 ᠤᠨ︶ ᠤ ᠬᠤᠭᠤᠷᠤᠨᠳᠤ ᠠᠮᠢᠳᠤᠷᠠᠵᠤ ᠪᠠᠶᠢᠭᠰᠠᠨ ᠪᠦᠭᠡᠳ ᠴᠢᠩ ᠤᠨ ᠳᠤᠷᠪᠡᠨ ᠬᠠᠭᠠᠨ ᠤ ᠦᠩᠭᠡ ᠶᠢ | ᠦᠡᠭᠭᠡᠷᠡᠭᠡᠭᠰᠡᠨ ᠴᠠᠬᠠᠷ ᠬᠠᠷᠢᠶᠠᠨ ᠤ ᠡᠷᠬᠡᠭᠦᠳ ᠤᠪᠤᠭᠳᠠᠨ ᠶᠤᠮ᠃ ᠦᠤᠰᠢᠨ ᠬᠤᠰᠢᠭᠤᠨ ᠤ ᠲᠤᠭᠤᠭᠠᠳᠤ ᠶᠢᠨ ᠴᠠᠶᠢᠳᠠᠮ ᠳᠤ ᠨᠤᠳᠤᠭᠯᠠᠨ ᠰᠠᠭᠤᠵᠤ ᠪᠠᠶᠢᠵᠠᠢ᠃ | ᠲᠤᠰ ᠳᠠᠭᠤᠤ ᠨᠢ ᠰᠠᠩᠵᠠᠶᠢᠳᠤᠷᠵᠢ ᠦᠪᠡᠷ ᠤᠨ ᠪᠡᠶᠡ ᠪᠠᠷ ᠰᠡᠳᠤᠪ ᠪᠤᠯᠭᠠᠨ ᠳᠠᠭᠤᠯᠬᠤ ᠪᠠᠷ ᠳᠠᠮᠵᠢᠭᠤᠯᠵᠤ ᠴᠠᠭ ᠲᠦᠷᠤ ᠶᠢᠨ ᠪᠠᠶᠢᠳᠠᠯ ᠢ ᠲᠤᠰᠬᠠᠭᠰᠠᠨ ᠠᠷᠠᠳ | ᠤᠨ ᠳᠠᠭᠤᠤ ᠶᠤᠮ᠃ ᠵᠤᠬᠢᠶᠠᠭᠴᠢ ᠨᠢᠭᠡᠨ ᠠᠶᠢᠯ ᠤᠨ ᠬᠡᠤᠬᠡᠨ ᠲᠠᠯᠠ ᠶᠢᠨ ᠬᠤᠷᠢᠮ ᠳᠡᠭᠡᠷᠡ ᠲᠦᠷᠦᠭᠦᠦ ᠬᠤᠳᠠ ᠪᠤᠯᠵᠤ ᠰᠠᠭᠠᠳᠠᠵᠤ ᠪᠠᠶᠢᠭᠰᠠᠨ ᠳᠤ᠂ ᠬᠤᠶᠠᠷ | ᠲᠠᠯᠠ ᠶᠢᠨ ᠲᠦᠷᠦᠯ ᠬᠤᠭᠤᠷᠤᠨᠳᠤ ᠪᠠᠨ ᠮᠦᠷᠭᠦᠯᠳᠦᠭᠡᠨ ᠪᠤᠯᠵᠤ᠂ ᠲᠤᠰ ᠳᠠᠭᠤᠤ ᠶᠢ ᠵᠤᠬᠢᠶᠠᠵᠤ᠂ ᠤᠶᠠᠷᠠᠯᠳᠠᠢ ᠠᠶᠠᠯᠭᠤ ᠪᠠᠷ ᠮᠦᠷᠭᠦᠯᠳᠦᠭᠡᠨ ᠢ ᠨᠠᠮᠬᠠᠳᠬᠠᠪᠠ᠃ | | | | |