ᠠᠯᠳᠠᠨ ᠬᠠᠷᠠ ᠭᠡᠵᠢᠭᠡ ᠴᠢᠨᠢ | ᠠᠷᠤ ᠶᠢᠨ ᠢᠶᠠᠨ ᠭᠤᠤᠯ ᠢᠶᠠᠷ ᠨᠤᠷᠬᠢᠰ ᠭᠡᠨᠠ | ᠠᠪᠦ ᠶᠢᠨ ᠦᠷᠡ ᠳᠦᠨᠵᠢᠳ ᠮᠢᠨᠢ | ᠠᠪᠤ ᠶᠢ ᠪᠠᠨ ᠲᠠᠨᠢᠬᠤ ᠦᠭᠡᠢ ᠶᠠᠭᠠᠬᠢᠬᠤ ᠪᠤᠢ | ᠴᠠᠭᠠᠨ ᠪᠤᠭᠤᠷᠤᠯ ᠮᠤᠷᠢ ᠮᠢᠨᠢ | ᠭᠠᠳᠠᠰᠤᠨ ᠳᠡᠭᠡᠷᠡ ᠪᠠᠨ ᠬᠠᠭᠰᠠᠭᠠ ᠲᠠᠢ | ᠴᠠᠭᠠᠨ ᠪᠤᠭᠤᠷᠤᠯ ᠠᠪᠤ ᠴᠢᠨᠢ | ᠬᠠᠴᠠᠪᠴᠢᠨ ᠳᠡᠭᠡᠷᠡ ᠪᠠᠨ ᠬᠠᠭᠰᠠᠭᠠ ᠲᠠᠢ | ᠬᠠᠷᠠ ᠪᠤᠭᠤᠷᠤᠯ ᠮᠤᠷᠢ ᠮᠢᠨᠢ | ᠭᠠᠳᠠᠰᠤᠨ ᠳᠡᠭᠡᠷᠡ ᠪᠠᠨ ᠬᠠᠭᠰᠠᠭᠠ ᠲᠠᠢ | ᠭᠠᠭᠴᠠ ᠪᠤᠭᠤᠷᠤᠯ ᠠᠪᠤ ᠴᠢᠨᠢ | ᠬᠠᠴᠠᠪᠴᠢᠨ ᠳᠡᠭᠡᠷᠡ ᠪᠠᠨ ᠬᠠᠭᠰᠠᠭᠠ ᠲᠠᠢ | ᠴᠢᠮᠡᠬᠦ ᠪᠠᠷ ᠢᠶᠠᠨ ᠴᠢᠮᠡᠯᠡ | ᠴᠡᠷᠢᠭ ᠢᠶᠠᠷ ᠢᠶᠠᠨ ᠬᠦᠷᠭᠡᠯᠡ | ᠠᠪᠤ ᠶᠢᠨ ᠦᠷᠡ ᠳᠦᠨᠵᠢᠳ ᠮᠢᠨᠢ | ᠠᠪᠤ ᠶᠢ ᠪᠠᠨ ᠶᠠᠭᠠᠬᠢᠭᠠᠳ ᠮᠠᠷᠳᠠᠪᠠ ᠳ᠋ᠠ | ᠨᠤᠭᠤᠯ ᠬᠠᠷᠠ ᠭᠡᠵᠢᠭᠡ ᠴᠢᠨᠢ | ᠨᠢᠷᠤᠭᠤᠨ ᠤ ᠭᠤᠤᠯ ᠢᠶᠠᠷ ᠨᠤᠷᠬᠢᠰ ᠭᠡᠨᠠ | ᠨᠠᠰᠤᠲᠠᠢ ᠪᠤᠭᠤᠷᠤᠯ ᠡᠵᠢ ᠶᠢ ᠪᠠᠨ | ᠨᠢᠯᠪᠤᠰᠤ ᠲᠠᠢ ᠴᠤ ᠤᠷᠬᠢᠯᠠ | ᠪᠤᠭᠤᠳᠠᠢ ᠪᠤᠷᠤ ᠮᠤᠷᠢ ᠮᠢᠨᠢ | ᠪᠠᠭᠠᠨᠠ ᠳᠡᠭᠡᠷᠡ ᠪᠠᠨ ᠬᠠᠭᠰᠠᠭᠠ ᠲᠠᠢ | ᠪᠤᠭᠤᠷᠤᠯ ᠪᠤᠯᠤᠭᠰᠠᠨ ᠠᠪᠤ ᠴᠢᠨᠢ | ᠪᠤᠱᠤᠭᠠᠨ ᠳᠡᠭᠡᠷᠡ ᠪᠠᠨ ᠬᠠᠭᠰᠠᠭᠠ ᠲᠠᠢ | ᠬᠠᠯᠢᠭᠤᠨ ᠪᠤᠭᠤᠷᠤᠯ ᠮᠤᠷᠢ ᠮᠢᠨᠢ | ᠭᠠᠳᠠᠰᠤᠨ ᠳᠡᠭᠡᠷᠡ ᠪᠠᠨ ᠬᠠᠭᠰᠠᠭᠠ ᠲᠠᠢ | ᠬᠠᠶᠢᠷᠠᠳᠤ ᠪᠤᠭᠤᠷᠤᠯ ᠠᠪᠤ ᠴᠢᠨᠢ | ᠬᠠᠴᠠᠪᠴᠢᠨ ᠳᠡᠭᠡᠷᠡ ᠪᠠᠨ ᠬᠠᠭᠰᠠᠭᠠ ᠲᠠᠢ | ᠵᠠᠰᠠᠬᠤ ᠪᠠᠷ ᠢᠶᠠᠨ ᠵᠠᠰᠠᠯᠠ | ᠵᠠᠰᠠᠭ ᠢᠶᠠᠷ ᠢᠶᠠᠨ ᠬᠦᠷᠭᠡᠯᠡ | ᠵᠢᠭᠠᠬᠠᠨ ᠦᠷᠡ ᠳᠦᠨᠵᠢᠳ ᠮᠢᠨᠢ | ᠠᠪᠤ ᠶᠢ ᠪᠠᠨ ᠶᠠᠭᠠᠬᠢᠭᠠᠳ ᠮᠠᠷᠳᠠᠪᠠ ᠳ᠋ᠠ | ᠠᠪᠳᠠᠷᠠ ᠱᠦᠭᠦᠢ ᠨᠠᠢᠮᠠᠨ ᠳ᠋ᠦᠢ | ᠠᠶᠠᠭᠠ ᠫᠢᠯᠠ ᠨᠠᠶᠠᠨ ᠳ᠋ᠦᠢ | ᠠᠪᠤ ᠶᠢᠨ ᠦᠷᠡ ᠳᠦᠨᠵᠢᠳ ᠮᠢᠨᠢ | ᠠᠪᠤ ᠶᠢ ᠪᠠᠨ ᠶᠠᠭᠠᠬᠢᠭᠠᠳ ᠮᠠᠷᠳᠠᠪᠠ ᠳ᠋ᠠ | ᠨᠠᠷᠠ ᠭᠠᠷᠬᠤ ᠳᠤ ᠢᠷᠡᠯᠡ | ᠨᠠᠮᠠᠢᠢ ᠶᠠᠭᠠᠬᠢᠭᠠᠳ ᠮᠠᠷᠳᠠᠪᠠ ᠳ᠋ᠠ | ᠰᠠᠷᠠ ᠭᠠᠷᠬᠤ ᠳᠤ ᠶᠠᠪᠤᠯᠠ | ᠰᠠᠨᠠᠭᠠ ᠴᠢᠨᠢ ᠶᠠᠭᠠᠬᠢᠭᠠᠳ ᠬᠤᠪᠢᠷᠠᠪᠠ ᠳ᠋ᠠ | ᠠᠷᠪᠢᠨ ᠰᠢᠷᠭᠠ ᠮᠤᠷᠢ ᠶᠢ ᠪᠠᠨ | ᠠᠯᠢ ᠶᠢ ᠨᠢ ᠤᠨᠤᠶᠠ ᠵᠢᠷᠤᠭᠠ ᠪᠤᠢ | ᠠᠪᠤ ᠶᠢᠨ ᠦᠷᠡ ᠳᠦᠨᠵᠢᠳ ᠮᠢᠨᠢ | ᠠᠪᠤ ᠪᠠᠨ ᠲᠠᠨᠢᠬᠤ ᠦᠭᠡᠢ ᠶᠠᠭᠠᠬᠢᠬᠤ ᠪᠤᠢ | ᠮᠦᠰᠦᠨ ᠳᠡᠭᠡᠭᠦᠷ ᠭᠦᠶᠦᠳᠡᠯ ᠲᠠᠢ | ᠮᠦᠩᠭᠦᠨ ᠴᠠᠭᠠᠨ ᠮᠤᠷᠢ ᠮᠢᠨᠢ | ᠮᠦᠩᠬᠦ ᠱᠢᠷᠦ ᠪᠠᠷ ᠴᠢᠮᠡᠭᠰᠡᠨ | ᠬᠡᠤᠬᠡᠨ ᠦᠷᠡ ᠬᠦᠮᠦᠨ ᠤ ᠳᠤ | ᠰᠤᠭᠤᠯ ᠳᠡᠭᠡᠭᠦᠷ ᠬᠦᠶᠦᠳᠡᠯ ᠲᠠᠢ | ᠰᠤᠬᠠᠢ ᠵᠡᠭᠡᠷᠳᠡ ᠮᠤᠷᠢ ᠮᠢᠨᠢ | ᠰᠤᠪᠤᠳ ᠱᠢᠷᠦ ᠪᠠᠷ ᠴᠢᠮᠡᠭᠰᠡᠨ | ᠬᠡᠤᠬᠡᠨ ᠦᠷᠡ ᠬᠦᠮᠦᠨ ᠤ ᠳᠤ | ᠮᠠᠩᠬᠠᠨ ᠳᠡᠭᠡᠭᠦᠷ ᠭᠦᠶᠦᠳᠡᠯ ᠲᠠᠢ | ᠮᠠᠩᠨᠠᠢ ᠬᠠᠯᠵᠠᠨ ᠮᠤᠷᠢ ᠮᠢᠨᠢ | ᠮᠠᠩᠨᠤᠭ ᠲᠤᠷᠭᠠ ᠪᠠᠷ ᠴᠢᠮᠡᠭᠰᠡᠨ | ᠬᠡᠤᠬᠡᠨ ᠦᠷᠡ ᠬᠦᠮᠦᠨ ᠤ ᠳᠤ | ᠬᠠᠳᠠᠨ ᠳᠡᠭᠡᠭᠦᠷ ᠭᠦᠶᠦᠳᠡᠯ ᠲᠠᠢ | ᠬᠠᠯᠠᠭᠤᠨ ᠴᠠᠭᠠᠨ ᠮᠤᠷᠢ ᠮᠢᠨᠢ | ᠬᠠᠯᠠ ᠲᠤᠷᠭᠠ ᠪᠠᠷ ᠴᠢᠮᠡᠭᠰᠡᠨ | ᠬᠡᠤᠬᠡᠨ ᠦᠷᠡ ᠬᠦᠮᠦᠨ ᠤ ᠳᠤ | ᠤᠳᠤᠨ ᠴᠤᠬᠤᠷ ᠮᠤᠷᠢ ᠮᠢᠨᠢ | ᠤᠷᠤᠭᠠ ᠭᠠᠯᠵᠠᠭᠤ ᠭᠦᠶᠦᠳᠠᠯ ᠲᠠᠢ | ᠤᠭ᠍ᠶᠤ ᠱᠢᠷᠤ ᠪᠠᠷ ᠴᠢᠮᠡᠭᠰᠡᠨ | ᠬᠡᠤᠬᠡᠨ ᠦᠷᠡ ᠬᠦᠮᠦᠨ ᠤ ᠳᠤ | ᠤᠤᠵᠢ ᠬᠦᠯᠮᠢᠭ ᠴᠢᠨᠢ ᠤᠷᠳᠤ ᠪᠤᠢ | ᠬᠢᠰᠬᠢᠭᠳᠡᠬᠦ ᠶᠢ ᠪᠠᠨ ᠬᠢᠴᠢᠶᠡ ᠳ᠋ᠠ | ᠤᠯᠠᠨ ᠤ ᠦᠭᠡ ᠬᠤᠷᠴᠠ ᠪᠤᠢ | ᠬᠡᠯᠡᠭᠳᠡᠬᠦ ᠶᠢ ᠪᠠᠨ ᠬᠢᠴᠢᠶᠡ ᠳ᠋ᠠ | ᠪᠦᠳᠦᠨ ᠡᠳᠦᠷ ᠢᠶᠠᠷ ᠬᠦᠯᠢᠶᠡᠯᠡ | ᠪᠦᠷᠦᠢ ᠪᠤᠯᠬᠤ ᠳᠤ ᠶᠠᠪᠤᠯᠠ | ᠪᠤᠭᠤᠷᠤᠯ ᠪᠤᠯᠤᠭᠰᠠᠨ ᠠᠪᠤ ᠴᠢᠨᠢ | ᠨᠢᠯᠪᠤᠰᠤ ᠪᠠᠨ ᠤᠨᠠᠭᠠᠭᠠᠳ ᠮᠤᠷᠳᠠᠯᠠ᠃ | ᠠᠯᠳᠠ ᠲᠤᠷᠭᠠᠨ ᠬᠠᠳᠠᠭ ᠢᠶᠠᠷ ᠢᠶᠠᠨ | ᠠᠪᠤ ᠶᠢᠨ ᠢᠶᠠᠨ ᠠᠮᠤᠷ ᠢ ᠡᠷᠢᠶᠡ | ᠠᠪᠤ ᠶᠢᠨ ᠦᠷᠡ ᠳᠦᠨᠵᠢᠳ ᠨᠢ | ᠠᠪᠤ ᠪᠠᠨ ᠶᠠᠭᠠᠬᠢᠭᠰᠠᠨ ᠴᠦ ᠮᠠᠷᠳᠠᠭᠰᠠᠨ ᠦᠭᠡᠢ | ᠡ᠊ᠡᠭᠳᠤ ᠲᠤᠷᠭᠠᠨ ᠬᠠᠳᠠᠭ ᠢᠶᠠᠷ ᠢᠶᠠᠨ | ᠡᠵᠢ ᠶᠢᠨ ᠢᠶᠠᠨ ᠠᠮᠤᠷ ᠢ ᠡᠷᠢᠶᠡ | ᠡᠵᠢ ᠶᠢᠨ ᠦᠷᠡ ᠳᠦᠨᠵᠢᠳ ᠨᠢ | ᠡᠵᠢ ᠪᠠᠨ ᠶᠠᠭᠠᠬᠢᠭᠰᠠᠨ ᠴᠦ ᠮᠠᠷᠳᠠᠭᠰᠠᠨ ᠦᠭᠡᠢ᠃ | | ᠵᠡᠭᠦᠯᠳᠠ | ᠲᠤᠰ ᠠᠷᠠᠳ ᠤᠨ ᠳᠠᠭᠤᠤ ᠳᠤ ᠭᠠᠷᠳᠠᠭ ᠳᠦᠨᠵᠢᠳ ᠤᠨ ᠪᠦᠬᠦᠯᠢ ᠨᠡᠷᠡ ᠶᠢ ᠳᠦᠨᠵᠢᠳᠮᠠ ᠭᠡᠳᠡᠭ᠃ ᠳᠦᠨᠵᠢᠳᠮᠠ ᠪᠤᠯ 1800 — 1850 | ᠤᠨ ᠤ ᠬᠤᠭᠤᠷᠤᠨᠳᠤ ᠤᠷᠳᠤᠰ ᠤᠨ ᠪᠠᠷᠠᠭᠤᠨ ᠭᠠᠷ ᠤᠨ ᠡᠮᠦᠨᠡᠳᠤ ᠬᠤᠰᠢᠭᠤᠨ ︵ᠦᠤᠰᠢᠨ︶ ᠳᠤ ᠠᠮᠢᠳᠤᠷᠠᠵᠤ ᠪᠠᠶᠢᠵᠠᠢ᠃ | ᠳᠦᠨᠵᠢᠳᠮᠠ ᠶᠢᠨ ᠡᠴᠢᠭᠡ ᠨᠢ ᠳᠤᠬᠠᠢ ᠶᠢᠨ ᠦᠶᠡ ᠳᠤ ᠰᠠᠶᠢᠨᠳᠤᠷᠠ ᠳᠤ ᠰᠠᠭᠤᠭᠠ ᠴᠢᠩ ᠤᠯᠤᠰ ᠤᠨ ᠭᠠᠳᠠᠭᠠᠳᠤ ᠮᠤᠩᠭᠤᠯ ᠤᠨ ᠳᠠᠶᠢᠯᠠᠯᠳᠤᠨ | ᠪᠠᠶᠢᠯᠳᠤᠬᠤ ᠰᠠᠶᠢᠳ ᠤᠨ ᠲᠤᠰᠢᠶᠠᠯ ᠢ ᠬᠠᠷᠢᠭᠤᠴᠠᠵᠤ ᠪᠠᠶᠢᠬᠤ ᠬᠤᠭᠤᠴᠠᠭᠠᠨ ᠳᠠᠭᠠᠨ ᠠᠯᠠᠭ ᠦᠷᠡ ᠲᠦᠨᠵᠢᠳᠮᠠ ᠪᠠᠨ ᠨᠢᠭᠡᠨ ᠪᠠᠶᠠᠨ ᠠᠶᠢᠯ ᠤᠨ ᠡᠭᠦᠳᠡᠨ ᠳᠤ | ᠬᠦᠷᠭᠡᠪᠡ᠃ ᠬᠤᠵᠢᠮ ᠨᠢ᠂ ᠡᠴᠢᠭᠡ ᠨᠢ ᠲᠤᠰᠢᠶᠠᠯ ᠠᠴᠠ ᠪᠠᠭᠤᠵᠤ ᠴᠡᠷᠢᠭ ᠤᠨ ᠠᠯᠪᠠᠨ ᠠᠴᠠ ᠬᠠᠯᠠᠭᠳᠠᠵᠤ ᠬᠠᠷᠠᠴᠤ ᠠᠷᠠᠳ ᠪᠤᠯᠤᠭᠰᠠᠨ ᠶᠤᠮ᠃ ᠳᠤᠬᠠᠢ ᠶᠢᠨ | ᠦᠶᠡ ᠳᠤ ᠡᠴᠢᠭᠡ ᠨᠢ ᠬᠡᠤᠬᠡᠨ ᠢᠶᠠᠨ ᠬᠠᠷᠭᠢᠰ ᠳᠤᠭᠰᠢᠨ ᠬᠠᠨ ᠢᠵᠠᠭᠤᠷᠳᠤ ᠶᠢᠨ ᠪᠠᠭᠠ ᠡᠬᠡᠨᠡᠷ ᠪᠤᠯᠭᠠᠪᠠ᠃ ᠳᠦᠨᠵᠢᠳᠮᠠ ᠰᠤᠨᠤᠰᠴᠤ ᠮᠡᠳᠡᠭᠡᠳ ᠡᠴᠢᠭᠡ ᠶᠢᠨ | ᠢᠶᠠᠨ ᠭᠡᠷ ᠤᠨ ᠡᠭᠦᠳᠠᠨ ᠡᠮᠦᠨᠠ ᠴᠢᠰᠤᠨ ᠨᠢᠯᠪᠤᠰᠤ ᠮᠡᠯᠮᠡᠷᠡᠵᠤ᠂ ᠶᠠᠰᠤ ᠭᠠᠷᠳᠠᠯᠠ ᠰᠦᠭᠦᠳᠦᠭᠰᠡᠨ ᠪᠤᠯᠪᠠᠴᠤ᠂ ᠡᠴᠢᠭᠡ ᠨᠢ ᠠᠯᠠᠭ ᠦᠷᠡ ᠪᠠᠨ ᠠᠯᠪᠠᠳᠠᠨ | ᠬᠦᠴᠦᠯᠠᠵᠤ ᠠᠶᠢᠯ ᠤᠨ ᠡᠭᠦᠳᠡᠨ ᠳᠤ ᠭᠦᠷᠭᠡᠪᠡ᠃ | ᠠᠶᠢᠯ ᠳᠤ ᠮᠤᠷᠳᠠᠭᠠᠳ ᠬᠠᠳᠠᠮ ᠤᠨ ᠬᠠᠯᠠ᠂ ᠠᠮᠢᠳᠤᠷᠠᠯ ᠤᠨ ᠬᠦᠴᠢᠷ ᠢ ᠲᠤᠭᠤᠯᠠᠭᠰᠠᠨ ᠳᠦᠨᠵᠢᠳᠮᠠ᠂ ᠤᠯᠠᠨ ᠵᠢᠯ ᠤᠨ ᠳᠠᠷᠠᠭᠠ ᠡᠴᠢᠭᠡ ᠲᠠᠢ ᠪᠠᠨ | ᠲᠠᠬᠢᠨ ᠵᠤᠯᠭᠠᠭᠰᠠᠨ ᠳᠤ᠂ ᠡᠴᠢᠭᠡ ᠪᠠᠨ ᠨᠢᠭᠡ ᠬᠠᠷᠠᠭᠠᠳ ᠲᠠᠬᠢᠵᠤ ᠬᠠᠷᠠᠭᠰᠠᠨ ᠦᠭᠡᠢ᠂ ᠦᠭᠡ ᠴᠦ ᠬᠡᠯᠡᠭᠰᠡᠨ ᠦᠭᠡᠢ ᠪᠠᠷ ᠭᠡᠷ ᠲᠡᠭᠡᠨ ᠤᠷᠤᠭᠤᠯᠤᠭᠰᠠᠨ ᠦᠭᠡᠢ | ᠶᠠᠪᠤᠭᠤᠯᠤᠭᠰᠠᠨ ᠭᠡᠨᠠ᠃ | ᠡᠨᠡ ᠳᠠᠭᠤᠤ ᠳᠤᠬᠠᠢ ᠶᠢᠨ ᠦᠶᠡ ᠳᠤ ᠠᠷᠠᠳ ᠤᠨ ᠳᠤᠮᠳᠠ ᠨᠦᠯᠦᠭᠡ ᠪᠠᠷ ᠶᠡᠬᠡᠲᠠᠢ᠂ ᠡᠴᠢᠭᠡ ᠡᠬᠡ ᠪᠠᠨ ᠡᠨᠡᠷᠢᠨ ᠬᠦᠨᠳᠦᠯᠡᠵᠤ ᠠᠰᠠᠷᠠᠨ ᠬᠠᠷᠠᠭᠠᠯᠵᠠᠵᠤ | ᠤᠭ ᠢᠶᠠᠨ ᠪᠤᠤ ᠮᠠᠷᠳᠠ ᠭᠡᠵᠤ ᠦᠷᠡ ᠬᠡᠤᠬᠡᠳ ᠢᠶᠠᠨ ᠰᠤᠷᠭᠠᠭᠰᠠᠨ ᠳᠠᠭᠤᠤ ᠪᠤᠯᠤᠨᠠ᠃ | | | | | | |