ᠦᠨᠳᠤᠷ ᠬᠦᠬᠡ ᠤᠭᠳᠠᠷᠭᠤᠢ ᠳᠤᠷ ᠡᠬᠦᠯᠡ ᠬᠤᠷᠠᠨᠠ ᠰᠢᠤ | ᠦᠷᠭᠦᠯᠵᠢᠳᠡ ᠷᠠᠰᠢᠶᠠᠨ ᠤ ᠬᠤᠷᠠ ᠪᠠᠭᠤᠨᠠ ᠰᠢᠤ | ᠦᠷᠡᠵᠢᠯ ᠤᠨ ᠲᠠᠷᠢᠶᠠᠯᠠᠩ ᠦᠩᠰᠢᠭ ᠲᠠᠩᠰᠤᠭ ᠰᠢᠤ | ᠦᠯᠡᠮᠵᠢᠳᠠ ᠪᠠᠶᠠᠰᠬᠤᠯᠠᠩ ᠡᠩᠬᠡ ᠲᠦᠪᠰᠢᠨ ᠰᠢᠤ᠃ | ᠬᠦᠭᠡᠷᠡᠵᠤ ᠬᠠᠷᠠᠭᠳᠠᠬᠤ ᠬᠤᠯᠠ ᠶᠢᠨ ᠪᠠᠷᠠ ᠰᠢᠤ | ᠬᠦᠰᠡᠯᠡᠩᠲᠠᠢ ᠰᠠᠨᠠᠭᠳᠠᠬᠤ ᠡᠯᠢᠭᠡᠨ ᠬᠤᠩᠭᠤᠷ ᠰᠢᠤ | ᠬᠦᠮᠦᠨ ᠤ ᠦᠷᠡ ᠬᠦᠭᠡᠷᠦᠬᠦᠢ ᠴᠢ ᠮᠢᠨᠢ ᠬᠦᠷᠦᠭ ᠵᠢᠷᠤᠭ ᠰᠢᠤ | ᠬᠦᠪᠬᠡᠯᠵᠡᠭᠰᠡᠨ ᠰᠡᠳᠬᠢᠯ ᠮᠢᠨᠤ ᠬᠡᠶᠤᠷᠡᠨᠡ ᠰᠢᠤ᠃ | ᠽᠠᠨᠳᠠᠨ ᠮᠤᠳᠤᠨ ᠤ ᠰᠠᠯᠠᠭᠠᠨᠠ ᠨᠠᠪᠴᠢᠰ ᠤᠯᠠᠨ ᠰᠢᠤ | ᠵᠠᠯᠠᠭᠠᠳᠤ ᠦᠨᠳᠤᠷ ᠬᠤᠯᠤᠰᠤᠨᠠ ᠦᠶᠡᠰ ᠤᠯᠠᠨ ᠰᠢᠤ | ᠽᠠᠩ ᠱᠤ᠋ ᠮᠤᠳᠤᠨ ᠤ ᠨᠠᠪᠴᠢᠷᠭᠠᠨᠠ ᠰᠢᠷᠭᠡᠭ ᠤᠯᠠᠨ ᠰᠢᠤ | ᠽᠠᠮᠪᠠᠭᠠᠳᠤ ︵ᠵᠠᠮᠪᠠᠭᠠᠳᠤ︶ ᠬᠠᠶᠢᠯᠠᠰᠤᠨᠠ ᠰᠤᠶᠤᠭᠠ ᠤᠯᠠᠨ ᠰᠢᠤ᠃ | ᠬᠡᠵᠢᠶᠡᠳᠡ ᠵᠤᠯᠭᠠᠯᠴᠠᠬᠤ ᠶᠢᠨ ᠪᠤᠯᠵᠤᠭᠠᠲᠠᠢ ᠰᠢᠤ ᠬᠦ᠋ | ᠬᠡᠯᠡᠭᠰᠡᠨ ᠦᠭᠡᠨ ᠳᠡᠭᠡᠨ ᠬᠡᠯᠪᠡᠶᠢᠳᠡᠩ ᠦᠭᠡᠢ ᠬᠦ᠋ | ᠬᠡᠳᠤ ᠪᠠᠭᠠ ᠶᠢᠨ ᠴᠢ ︵ᠯᠠ︶ ᠮᠢᠨᠢ ᠮᠢᠨᠤ ᠵᠡᠬᠦᠳᠤᠨ ᠳᠤ ᠰᠢᠤ | ᠬᠡᠳᠦᠢ ᠬᠤᠯᠠ ᠪᠤᠯᠪᠠᠴᠤ ᠬᠦᠷᠦᠭᠡᠳ ᠠᠭᠤᠯᠵᠠᠨᠠ ᠰᠢᠤ᠃ | ᠠᠯᠠᠪᠤᠷ ᠲᠠᠢ ᠦᠯᠦᠩ ᠴᠠᠶᠢᠳᠠᠮ ᠤᠨ ᠠᠳᠤᠭᠤ ᠤᠯᠠᠨ ᠰᠢᠤ | ᠠᠵᠢᠨᠠᠢ ᠶᠢᠨ ᠬᠤᠷᠳᠤᠨ ᠮᠤᠷᠢ ᠭᠡᠭᠴᠢ ᠲᠡᠷᠡ ᠴᠤᠬᠠᠭ ᠰᠢᠤ | ᠠᠯᠢᠶᠠᠷᠬᠠᠨ ᠬᠠᠨᠢᠯᠠᠭᠰᠠᠨ ᠨᠦᠬᠦᠷ ᠤᠯᠠᠨ ᠰᠢᠤ | ᠠᠮᠢᠨ ᠭᠤᠤᠯ ᠤᠨ ᠰᠤᠳᠠᠰᠤ ᠭᠡᠭᠴᠢ ᠭᠠᠭᠴᠠ ᠴᠢ ᠮᠢᠨᠢ ᠰᠢᠤ᠃ | ᠰᠠᠨᠠᠭᠳᠠᠬᠤ ᠡᠷᠢᠭᠳᠡᠬᠦ ᠦᠨᠡᠭᠡᠷ ᠭᠡᠴᠡᠭᠦᠤ ᠪᠠᠶᠢᠨᠠ | ᠰᠠᠭᠤᠪᠠᠴᠤ ᠶᠠᠪᠤᠪᠠᠴᠤ ᠠᠮᠤᠷ ᠦᠭᠡᠢ ᠪᠠᠶᠢᠨᠠ | ᠰᠠᠷᠠ ᠶᠢᠨ ᠭᠤᠷᠪᠠ ᠵᠤᠯᠭᠠᠯᠴᠠᠪᠠᠯ ᠪᠤᠯᠬᠤ ᠪᠠᠶᠢᠨᠠᠮ ᠰᠢᠤ | ᠰᠠᠶ᠋ᠢᠬᠢ ᠠᠯᠪᠠ ᠶᠢᠨ ᠶᠠᠪᠤᠳᠠᠯ ᠳᠤ ᠡᠭᠦᠷᠳᠤᠨᠡᠮ ᠰᠢᠤ᠃ | ᠤᠭᠳᠠᠷᠭᠤᠢ ᠳᠤᠷ ᠨᠠᠷᠠ ᠰᠠᠷᠠ ᠬᠤᠶᠠᠷ ᠪᠠᠶᠢᠨᠠ ᠰᠢᠤ | ᠤᠷᠴᠢᠯᠠᠩ ᠳᠤᠷ ᠴᠢ ᠪᠢᠳᠡ ᠬᠤᠶᠠᠷ ᠪᠠᠶᠢᠨᠠ ᠰᠢᠣ | ᠤᠶᠠᠷᠠᠯᠳᠤ ᠰᠡᠳᠬᠢᠯ ᠴᠢᠩᠳᠠ ᠪᠠᠶᠢᠨᠠ ᠰᠢᠤ | ᠤᠭᠤᠭᠠᠳᠠ ᠨᠠᠰᠤᠨ ᠲᠤᠷᠰᠢ ᠵᠢᠷᠭᠠᠨ ᠰᠠᠭᠤᠶᠠ ᠳ᠋ᠤᠤ᠃ | | | ᠵᠡᠭᠦᠯᠳᠡ | ᠲᠤᠰ ᠳᠠᠭᠤᠤ ᠶᠢᠨ ᠢᠷᠡᠯᠳᠡ ᠪᠤᠯ ᠭᠡᠰᠢᠭᠪᠡᠳᠤ ᠪᠠᠷᠠᠭᠤᠨ ᠱᠠᠩ ᠤᠨ ᠨᠤᠶᠠᠳ ᠲᠦᠰᠢᠮᠡᠳ ᠢ ᠳᠠᠭᠠᠵᠤ ᠨᠢᠭᠡ ᠤᠳᠠᠭᠠᠨ ᠤ ᠴᠠᠭᠠᠨ ᠰᠠᠷᠠ ᠶᠢᠨ ︽ᠲᠠᠮᠠᠭᠠ | ᠶᠢᠨ ᠪᠦᠷᠢᠳᠭᠡᠯ︾ ᠤᠨ ᠶᠡᠭᠡ ᠴᠤᠭᠯᠠᠭᠠᠨ ᠳᠤ ᠤᠷᠤᠯᠴᠠᠭᠰᠠᠨ ᠵᠠᠪᠰᠢᠶᠠᠨ ᠢᠶᠠᠷ ︽ᠦᠨᠳᠤᠷ ᠬᠦᠬᠡ ᠤᠭᠳᠠᠷᠭᠤᠢ︾ ᠭᠡᠰᠡᠨ ᠰᠢᠯᠦᠭ ᠢᠶᠠᠨ ᠪᠢᠴᠢᠭᠡᠳ᠂ ᠲᠠᠮᠠᠭᠠ | ᠶᠢᠨ ᠪᠦᠷᠢᠳᠭᠡᠯ ᠳᠤ ᠢᠷᠡᠭᠰᠡᠳ ᠤᠨ ᠳᠤᠮᠳᠠ ᠪᠦᠳᠦᠭᠦᠨ ᠨᠠᠷᠢᠨ ᠬᠤᠭᠤᠯᠠᠢ ᠪᠠᠷ ᠡᠷᠡᠭᠲᠠᠢ ᠡᠮᠡᠭᠲᠡᠢ ᠬᠤᠶᠠᠷ ᠬᠦᠮᠦᠨ ᠬᠠᠷᠢᠯᠴᠠᠨ ᠰᠢᠯᠦᠭᠯᠡᠵᠤ ᠪᠠᠶᠢᠬᠤ ᠪᠠᠶᠢᠳᠠᠯ | ᠢᠶᠠᠷ ᠤᠩᠰᠢᠭᠰᠠᠨ ᠳᠤ᠂ ᠲᠡᠭᠦᠨ ᠤ ᠱᠤᠭ ᠲᠦᠷᠰᠦᠯᠡᠯ ᠲᠠᠢ ᠤᠩᠰᠢᠯᠭᠠ ᠨᠢ ᠤᠯᠠᠨ ᠳᠤ ᠶᠡᠭᠡᠳᠡ ᠳᠠᠭᠠᠰᠢᠶᠠᠭᠳᠠᠵᠤ ᠠᠷᠠᠳ ᠤᠨ ᠲᠤᠮᠳᠠ ᠳᠡᠯᠭᠡᠷᠡᠵᠡᠢ᠃ | |