ᠶᠢᠰᠤᠨ ᠭᠦᠯᠳᠤ ᠴᠠᠭᠠᠨ ᠲᠤᠭ ᠨᠢ ᠭᠤᠤᠯ ᠰᠦᠯᠳᠠ ᠪᠠ ᠡᠯᠴᠢ ᠰᠦᠯᠳᠠ ᠪᠠᠷ ᠪᠦᠷᠢᠯᠳᠤᠨᠠ᠃ ᠭᠤᠤᠯ ᠰᠦᠯᠳᠠ ᠶᠢᠨ ᠤᠷᠤᠢ ᠨᠢ ᠨᠢᠭᠡ ᠲᠤᠬᠤᠢ ᠤᠷᠳᠤ | ᠠᠯᠳᠠ ᠰᠢᠷᠠᠭᠰᠡᠨ ᠭᠤᠷᠪᠠᠨ ᠦᠵᠤᠭᠦᠷᠳᠤ ᠲᠡᠮᠤᠷ ᠰᠡᠷᠡᠭᠡ ᠮᠠᠶ᠋ᠢᠭ ᠲᠠᠢ ᠡᠳ᠋ ︵ᠡᠭᠦᠨ ᠢ ᠪᠠᠰᠠ ᠰᠠᠶᠢᠰᠤᠮ ᠬᠡᠳᠡᠭ︶᠃ ᠢᠩᠬᠢᠵᠤ ᠬᠢᠭᠰᠡᠨ ᠨᠢ ᠬᠤᠶᠠᠷ ᠲᠠᠯᠠ | ᠶᠢᠨ ᠬᠢᠨᠢ ᠨᠤᠮᠤ ᠪᠠᠨ ᠲᠦᠯᠤᠭᠡᠯᠡᠵᠤ᠂ ᠭᠤᠤᠯ ᠤᠨ ᠬᠢᠨᠢ ᠰᠤᠮᠤ ᠪᠠᠨ ᠲᠦᠯᠤᠭᠡᠯᠡᠵᠤ ᠪᠠᠶᠢᠨᠠ ᠬᠡᠮᠡᠳᠡᠭ᠃ ᠵᠠᠷᠢᠮ ᠭᠦᠮᠤᠰ ᠭᠤᠤᠯ ᠤᠨ ᠰᠢᠯᠤᠭᠤᠨ ᠰᠡᠷᠡᠭᠡ ᠶᠢ ᠨᠢ | ᠢᠯᠳᠤ᠂ ᠵᠢᠳᠠ ᠶᠢ ᠢᠯᠡᠳᠭᠡᠵᠡᠢ ᠭᠡᠵᠤ ᠬᠡᠯᠡᠳᠡᠭ᠃ ᠮᠤᠩᠭᠤᠯ ᠤᠯᠤᠰ ᠲᠤ ᠲᠠᠬᠢᠵᠤ ᠪᠠᠶᠢᠭᠰᠡᠨ ᠵᠠᠷᠢᠮ ᠴᠠᠭᠠᠨ ᠰᠦᠯᠳᠠ ᠨᠢ ᠭᠠᠯ ᠤᠨ ᠲᠦᠯᠤ ᠲᠠᠢ ᠭᠤᠷᠪᠠᠨ | ᠦᠵᠤᠭᠦᠷᠳᠤ ᠰᠡᠷᠡᠭᠡ ᠪᠡᠶᠢᠵᠡᠢ᠃ ᠭᠠᠯ ᠤᠨ ᠰᠤᠷ ᠭᠠᠷᠭᠠᠭᠰᠡᠨ ᠢᠶᠠᠨ ︽ᠮᠦᠩᠭᠡᠵᠢᠭᠦ ᠶᠢᠨ ᠤᠳᠬᠠᠳᠤ ᠭᠤᠷᠪᠠᠨ ᠲᠦᠯᠤ ᠳᠤ ᠭᠠᠯ︾ ᠬᠡᠮᠡᠨ ᠲᠠᠶᠢᠯᠪᠤᠷᠢᠯᠡᠵᠡᠢ᠃ | ᠡᠶᠢᠮᠤ ᠭᠠᠯ ᠤᠨ ᠰᠤᠷ ᠲᠠᠢ ᠰᠠᠶᠢᠰᠤᠮ ᠤᠷᠳᠤᠰ ᠤᠨ ᠮᠠᠯᠴᠢᠳ ᠤᠨ ᠡᠭᠦᠳᠡᠨ ᠡᠮᠤᠨᠡᠬᠢ ᠰᠠᠩ ᠤᠨ ᠰᠦᠷ ᠲᠤ ᠪᠢᠰᠢᠭᠦᠢ ᠦᠵᠡᠭᠳᠡᠵᠤ ᠪᠠᠶᠢᠳᠠᠭ᠃ ᠴᠠᠭᠠᠨ | ᠰᠦᠯᠳᠠ ᠶᠢᠨ ᠰᠡᠷᠡᠭᠦᠨ ︵ᠰᠠᠶᠢᠰᠤᠮ︶ ᠤ ᠲᠤᠤᠷᠠ ᠲᠠᠯᠠ ᠶᠢ ᠱᠤᠷᠤᠯᠡᠨ ᠦᠵᠤᠭᠦᠷᠯᠡᠵᠤ ᠡᠰᠢ ᠮᠤᠳᠤᠨ ᠳᠤ ᠬᠠᠳᠬᠤᠵᠤ ᠪᠤᠯᠬᠤ ᠪᠠᠷ ᠤᠶᠢᠯᠡᠳᠤᠭ᠍ᠰᠡᠨ ᠪᠠᠶᠢᠨᠠ᠃ | ᠭᠦᠭᠦᠯ ᠢ ᠲᠤᠭᠳᠠᠭᠠᠬᠤ ᠴᠠᠷᠠ ︵ᠪᠠᠰᠠ ᠲᠠᠪᠠᠭ ᠭᠡᠭᠦ︶ ᠶᠢ ᠰᠡᠷᠡᠭᠡᠨ ᠤ ᠲᠤᠤᠷᠠ ᠲᠤᠭᠳᠠᠭᠠᠵᠤ ᠭᠦᠭᠦᠯ ᠢ ᠬᠤᠶᠠᠷ ᠵᠤᠶᠢᠯ ᠤᠨ ᠠᠷᠭᠠ ᠪᠠᠷ ᠲᠤᠭᠳᠠᠭᠠᠳᠠᠭ᠃ ︽ | ᠡᠪᠦᠭᠡ ᠶᠢᠨ ᠦᠭᠦᠯᠡᠭᠰᠡᠨ ᠲᠡᠤᠭᠡ︾ ᠳᠤ ᠮᠤᠩᠭᠤᠯ ᠤᠯᠤᠰ ᠲᠠᠬᠢ ᠴᠠᠭᠠᠨ ᠰᠦᠯᠳᠠ ᠨᠢ ᠴᠠᠷᠠ ᠶᠢᠨ ᠭᠦᠪᠡᠭᠡ ᠪᠠᠷ ᠨᠠᠶᠠᠨ ᠨᠢᠭᠡ ᠨᠦᠭᠡ ᠴᠤᠭᠤᠯᠵᠤ ᠭᠦᠭᠦᠯ ᠲᠠᠯ | ᠢᠶᠠᠨ ᠢᠮᠠᠭᠠᠨ ᠠᠷᠠᠰᠤᠨ ᠲᠠᠰᠠᠮᠠ ᠪᠠᠷ ᠰᠦᠯᠵᠢᠨ ᠲᠠᠷᠤᠵᠤ ᠲᠤᠭᠳᠠᠭᠠᠭᠰᠡᠨ ᠪᠠᠶᠢᠨᠠ᠃ ᠦᠤᠰᠢᠨ ᠬᠤᠰᠢᠭᠤᠨ ᠳᠤ ᠲᠠᠬᠢᠵᠤ ᠪᠦᠬᠦᠢ ᠴᠠᠭᠠᠨ ᠰᠦᠯᠳᠠ ᠨᠢ | ᠰᠡᠷᠡᠭᠡᠨ ᠤ ᠲᠤᠤᠷᠠ ᠲᠠᠯᠠ ᠳᠤ ᠨᠢᠭᠡ ᠢᠮᠠᠬᠤ ᠲᠠᠪᠤᠨ ᠹᠦᠨ ᠵᠤᠵᠠᠭᠠᠨ ᠳ᠋ᠢᠶᠠᠮᠧᠲᠷ ᠨᠢ ᠨᠠᠢᠮᠡᠨ ᠢᠮᠠᠬᠤ ᠲᠤᠭᠤᠢ ᠪᠠᠨᠵᠡᠨ ᠮᠤᠳᠤ ᠲᠠᠭᠠᠷᠠᠭᠤᠯᠵᠤ ᠮᠤᠳᠤᠨ ᠤ | ᠭᠠᠳᠠᠭᠤᠷ ᠮᠤᠳᠤᠨ ᠤ ᠵᠤᠵᠠᠭᠠᠨ ᠲᠠᠢ ᠠᠳᠠᠯᠢᠬᠠᠨ ᠨᠠᠷᠢᠬᠠᠨ ᠢᠰᠡᠬᠡᠢ ᠲᠤᠭᠤᠷᠢᠭᠤᠯᠤᠨ ᠬᠠᠳᠠᠵᠤ ᠰᠡᠷᠡᠯ ᠠᠵᠢᠷᠭᠠᠨ ᠲᠠᠯ ᠢᠶᠠᠨ ᠨᠢᠭᠡᠨ ᠲᠡᠭᠰᠢ ᠲᠤᠭᠤᠷᠢᠭᠤᠯᠤᠨ | ᠰᠤᠯᠡ ᠲᠠᠯᠪᠢᠵᠤ᠂ ᠴᠠᠭᠠᠨ ᠶᠤᠷᠤᠭ ᠢᠶᠠᠷ ᠬᠠᠪᠴᠢᠨ ᠲᠠᠷᠤᠵᠤ ᠭᠠᠳᠠᠭᠤᠷ ᠨᠢ ᠠᠯᠳᠠ ᠰᠢᠷᠠᠭᠰᠡᠨ ᠭᠠᠤᠯᠢᠨ ᠴᠠᠭᠠᠷᠢᠭ ᠤᠷᠤᠭᠤᠯᠵᠤ ᠴᠢᠩᠭᠠᠯᠡᠨ ᠲᠠᠯ ᠢ | ᠤᠨᠵᠠᠶᠢᠯᠭᠠᠳᠠᠭ ᠪᠠᠶᠢᠨᠠ᠃ ᠤᠨᠵᠠᠶᠢᠯᠭᠠᠭᠰᠡᠨ ᠲᠠᠯ ᠬᠢᠯᠭᠠᠰᠤ ᠶᠢ ᠭᠦᠭᠦᠯ ᠬᠡᠳᠡᠭ᠃ ᠪᠠᠰᠠ ︽ᠵᠢᠪᠠᠷ᠂ ᠮᠠᠨᠵᠢᠯᠭᠠ︾ ᠭᠡᠵᠤ ᠬᠡᠯᠡᠭᠰᠡᠨ ᠴᠤ ᠪᠠᠶᠢᠳᠠᠭ᠃ ᠰᠦᠯᠳᠠ | ᠶᠢᠨ ᠲᠤᠬᠠᠢ ᠬᠠᠭᠤᠴᠢᠨ ᠰᠤᠳᠤᠷ ᠪᠢᠴᠢᠭ ᠪᠠᠷᠢᠮᠳᠠ ᠠᠴᠠ ᠦᠵᠡᠪᠠᠯ ᠪᠦᠷ ᠯᠠ ︽ᠭᠦᠭᠦᠯ︾ ᠬᠡᠮᠡᠨ ᠪᠢᠴᠢᠭᠰᠡᠨ ᠪᠠᠶᠢᠬᠤᠯᠠ ᠬᠤᠶᠢᠰᠢᠳᠠ ᠡᠨᠡ ᠨᠠᠷᠡᠶᠢᠳᠤᠯ ᠢ ᠨᠢ | ᠨᠢᠭᠡᠳᠤᠯᠳᠠᠢ ᠬᠡᠷᠡᠭᠯᠡᠪᠠᠯ ᠵᠤᠬᠢᠰᠳᠠᠢ ᠪᠤᠶᠤ᠃ ᠭᠦᠭᠦᠯ ᠵᠡᠭᠦᠭᠰᠡᠨ ᠴᠠᠷᠠ ᠮᠡᠳᠤ ᠲᠦᠭᠦᠷᠢᠭ ᠮᠤᠳᠤ ᠪᠠᠨ ᠰᠦᠯᠳᠠ ᠶᠢᠨ ᠮᠠᠯᠠᠭᠠ ᠭᠡᠵᠤ ᠬᠡᠯᠡᠳᠡᠭ ᠵᠠᠩᠰᠢᠯ ᠪᠤᠢ᠃ | ᠢᠰᠡᠬᠡᠢ ᠪᠠ ᠶᠤᠷᠤᠭ ᠢᠶᠠᠷ ᠲᠠᠯ ᠢᠶᠠᠨ ᠬᠠᠪᠴᠢᠵᠤ ᠭᠠᠳᠠᠭᠤᠷ ᠨᠢ ᠴᠠᠭᠠᠷᠢᠭ ᠤᠷᠤᠭᠤᠯᠤᠭᠰᠡᠨ ᠢᠶᠠᠨ ᠪᠠᠰᠠ ︽ᠮᠠᠩᠷᠠ︾ ︽ᠲᠤᠵᠢᠷᠭᠠ︾ ᠬᠡᠳᠡᠭ᠃ ᠭᠤᠤᠯ | ᠰᠦᠯᠳᠠ ᠳᠡᠭᠡᠨ ᠪᠦᠳᠤᠭᠦᠨ ᠢᠶᠠᠷ ᠢᠶᠠᠨ ᠲᠠᠪᠤᠨ ᠢᠮᠠᠬᠤ᠂ ᠤᠷᠳᠤ ᠪᠠᠷ ᠢᠶᠠᠨ ᠠᠷᠪᠠᠨ ᠭᠤᠷᠪᠠᠨ ᠲᠤᠬᠤᠢ ᠬᠠᠷᠠ ᠮᠤᠳᠤᠨ ᠡᠰᠢ ᠲᠠᠭᠠᠷᠠᠭᠤᠯᠳᠠᠭ᠃ ᠡᠭᠦᠨ ᠢ ᠨᠢ | ᠰᠦᠯᠳᠠ ᠶᠢᠨ ᠰᠢᠯᠪᠢ ᠬᠡᠳᠡᠭ᠃ ᠰᠦᠯᠳᠠ ᠶᠢᠨ ᠡᠰᠢ ᠪᠠᠨ ᠲᠤᠮᠳᠠ ᠪᠠ ᠨᠦᠭᠡ ᠲᠠᠢ ᠭᠤᠵᠤᠭᠤᠷ ᠲᠦᠷᠪᠠᠯᠵᠢᠨ ᠪᠤᠷᠵᠢᠨ ᠴᠢᠯᠠᠭᠤᠨ ᠳᠤ ᠬᠠᠳᠬᠤᠵᠤ ᠪᠤᠰᠬᠠᠳᠠᠭ᠃ | ᠡᠭᠦᠨ ᠢ ᠨᠢ ᠰᠦᠯᠳᠠ ᠶᠢᠨ ᠰᠠᠭᠤᠳᠠᠯ ᠬᠡᠳᠡᠭ᠃ ᠴᠠᠭᠠᠨ ᠰᠦᠯᠳᠠ ᠶᠢᠨ ᠰᠠᠭᠤᠳᠠᠯ ᠢ ᠵᠠᠷᠢᠮ ᠭᠠᠵᠡᠷ ᠲᠤ ᠰᠢᠪᠠᠷ ᠲᠤᠭᠤᠰᠬᠠ ᠪᠠᠷ ᠪᠠᠷᠢᠭᠰᠡᠨ ᠲᠠᠪᠴᠠᠩ ᠪᠤᠶᠤ | ᠪᠤᠷᠭᠠᠰᠤ ᠪᠠᠷ ᠲᠤᠭᠤᠶᠢᠯᠠᠨ ᠭᠦᠷᠤᠵᠤ ᠲᠤᠳᠤᠷᠠ ᠨᠢ ᠰᠢᠷᠤᠢ ᠬᠢᠵᠤ ᠤᠶᠢᠯᠡᠳᠳᠡᠭ ᠪᠠᠶᠢᠵᠡᠢ᠃ ᠭᠤᠤᠯ ᠰᠦᠯᠳᠠ ᠠᠴᠠ ᠪᠠᠨ ᠭᠤᠷᠪᠠᠨ ᠠᠯᠳᠠ ᠵᠠᠶᠢᠳᠠᠢ ᠲᠦᠷᠪᠠᠨ | ᠦᠨᠴᠤᠭ᠌᠂ ᠲᠦᠷᠪᠠᠨ ᠲᠠᠯᠠ ᠳᠤᠨᠢ ᠨᠠᠢᠮᠡᠨ ᠡᠯᠴᠢ ᠰᠦᠯᠳᠠ ᠪᠤᠰᠬᠠᠵᠤ ᠬᠢᠯᠭᠠᠰᠤ ᠪᠠᠷ ᠲᠠᠮᠤᠭᠰᠡᠨ ᠭᠦᠭᠡᠨᠠᠴᠤᠭ᠌ ᠢᠶᠠᠷ ᠭᠤᠤᠯ ᠰᠦᠯᠳᠠ ᠲᠠᠢ ᠪᠠᠨ ᠴᠢᠭᠳᠠᠯᠡᠨ | ᠬᠤᠯᠪᠤᠳᠠᠭ᠃ ᠡᠯᠴᠢ ᠰᠦᠯᠳᠠ ᠶᠢᠨ ᠡᠰᠢ ᠨᠢ ᠶᠢᠰᠤᠨ ᠲᠤᠬᠤᠢ᠂ ᠰᠡᠷᠡᠭᠡ ᠨᠢ ᠭᠤᠤᠯ ᠰᠦᠯᠳᠠ ᠲᠠᠢ ᠪᠠᠨ ᠠᠳᠠᠯᠢ᠃ ᠡᠯᠴᠢ ᠰᠦᠯᠳᠠ ᠶᠢ ᠪᠠᠰᠠ ︽ᠪᠠᠭᠠ | ᠰᠦᠯᠳᠠ︾᠂ ︽ᠲᠠᠭᠠᠯᠳᠠ ᠰᠦᠯᠳᠠ︾᠂ ︽ᠵᠠᠷᠤᠴᠠ ᠰᠦᠯᠳᠠ︾᠂ ︽ᠭᠦᠯ ᠰᠦᠯᠳᠠ︾ ᠬᠡᠮᠡᠨ ᠲᠡᠮᠳᠡᠭᠯᠡᠭᠰᠡᠨ ᠪᠠᠶᠢᠨᠠ᠃ ᠡᠯᠴᠢ ᠰᠦᠯᠳᠠ ᠶᠢᠨ ᠤᠶᠢᠯᠡᠳᠤᠯ | ᠨᠢ ᠭᠤᠤᠯ ᠰᠦᠯᠳᠠ ᠪᠠᠨ ᠪᠠᠳᠤ ᠪᠠᠬᠢ ᠲᠤᠭᠳᠠᠭᠠᠬᠤ᠂ ᠨᠠᠰᠢ ᠴᠠᠰᠢ ᠵᠠᠯᠠᠵᠤ ᠲᠠᠬᠢᠬᠤ ᠳᠤ ᠬᠡᠷᠡᠭᠯᠡᠭᠦ ᠪᠡᠯᠡᠳᠭᠡᠯ ᠰᠦᠯᠳᠠ ᠪᠤᠯᠳᠠᠭ᠃ ᠴᠠᠭᠠᠨ ᠰᠦᠯᠳᠠ ᠶᠢ ᠦᠪᠤᠷ | ᠮᠤᠩᠭᠤᠯ ᠤᠨ ᠰᠢᠯᠢ ᠶᠢᠨ ᠭᠤᠤᠯ ᠴᠢᠭᠤᠯᠭᠠᠨ ᠤ ᠠᠪᠠᠭᠠ ᠬᠤᠰᠢᠭᠤ᠂ ᠶᠡᠭᠡ ᠵᠤᠤ ᠴᠢᠭᠤᠯᠭᠠᠨ ᠤ ᠦᠤᠰᠢᠨ ᠬᠤᠰᠢᠭᠤ᠂ ᠠᠷᠤ ᠮᠤᠩᠭᠤᠯ ᠤᠨ ᠰᠡᠴᠡᠨ ᠬᠠᠨ ᠤ | ᠰᠠᠷᠠᠭᠤᠯ ᠭᠦᠩ ᠤᠨ ᠬᠤᠰᠢᠭᠤ᠂ ᠰᠠᠶᠢᠨ ᠨᠤᠶᠠᠨ ᠬᠠᠨ ᠤ ᠡᠷᠳᠡᠨᠢ ᠵᠤᠤ ᠬᠡᠶᠢᠳ᠂ ᠵᠠᠰᠠᠭᠳᠤ ᠬᠠᠨ ᠤ ᠯᠤ ᠵᠠᠩᠵᠤᠨ ᠭᠦᠩ ᠤᠨ ᠬᠤᠰᠢᠭᠤᠳ ᠢᠶᠠᠷ ᠲᠠᠬᠢᠵᠤ | ᠪᠠᠶᠢᠵᠡᠢ᠃ | | | ︽ᠮᠤᠩᠭᠤᠯ ᠳᠠᠬᠢᠯᠭᠠ︾ ᠠᠴᠠ ᠪᠠᠭᠤᠯᠭᠠᠪᠠ | | |