ᠤᠳᠤᠭ ᠤᠨ ᠡᠮᠤᠨᠠᠳᠤ ᠬᠤᠰᠢᠭᠤ ᠪᠠ ᠦᠤᠰᠢᠨ ᠬᠤᠰᠢᠭᠤᠨ ᠤ ᠪᠠᠷᠠᠭᠤᠨ ᠪᠠᠶᠠ ᠪᠠᠷ ᠲᠠᠭᠠᠷᠢᠨ ᠦᠩᠭᠡᠷᠡᠵᠤ ᠪᠠᠶᠢᠭᠠ ᠬᠠᠳᠤᠨ ᠭᠤᠤᠯ ᠤᠨ ᠰᠠᠯᠪᠤᠷᠢ | ᠤᠷᠤᠰᠬᠠᠯ ᠪᠤᠯᠬᠤ ᠰᠢᠷᠬᠤᠰᠤᠨ ᠭᠤᠤᠯ ︵ᠬᠢᠳᠠᠳ ᠢᠶᠠᠷ无定河︶ ︽ᠰᠢᠷᠬᠤᠰᠤ ᠭᠤᠤᠯ︾ ᠭᠡᠰᠡᠨ ᠬᠤᠴᠢ ᠨᠠᠷᠠ ᠲᠠᠢ ᠪᠠᠶᠢᠳᠠᠭ᠃ ᠡᠷᠳᠡ ᠤᠷᠢᠳᠤ | ᠶᠢᠨ ᠴᠠᠭ ᠲᠤ ᠭᠡᠨᠠ᠃ ︽ᠲᠦᠪᠡᠢ︾ ᠨᠠᠷᠠ ᠲᠠᠢ ︵ᠲᠤᠳᠤᠢ ᠲᠤᠰᠠᠯᠠᠭᠴᠢ ᠭᠡᠵᠤ ᠴᠤ ᠬᠡᠯᠡᠳᠡᠭ︶ ᠨᠢᠭᠡᠨ ᠲᠠᠶᠢᠵᠢ ᠤᠭᠰᠠᠭᠠᠳᠠᠨ ᠠᠷᠢᠬᠢ ᠤᠤᠭᠤᠵᠤ | ᠰᠤᠭᠳᠤᠴᠢᠬᠠᠭᠠᠳ ᠭᠠᠯᠵᠠᠭᠤ ᠰᠢᠷᠭᠠ ᠮᠤᠷᠢ ᠪᠠᠨ ᠤᠨᠤᠭᠠᠳ ᠲᠦᠭᠡᠷᠢᠨ ᠶᠠᠪᠤᠵᠤ ᠲᠠᠷᠠ ᠪᠠᠷᠠᠭᠤᠨᠳᠠᠢ ᠵᠦᠭ ᠤᠨ ︽ᠪᠠᠶᠢᠰᠢᠩ︾ ᠨᠠᠷᠠ ᠲᠠᠢ ᠭᠠᠵᠡᠷ ᠭᠦᠷᠤᠭ᠍ᠰᠡᠨ | ᠳᠤ ᠨᠢᠭᠡᠨ ᠶᠡᠭᠡ ᠤᠰᠤ ᠠᠭᠤᠯᠠ ᠬᠠᠳᠠᠨ ᠳᠤ ᠬᠠᠰᠢᠭᠳᠠᠨ ᠤᠷᠤᠰᠤᠨ ᠭᠠᠷᠬᠤ ᠭᠠᠵᠡᠷ ᠢᠶᠠᠨ ᠤᠯᠵᠤ ᠶᠠᠳᠠᠨ ᠴᠠᠯᠬᠢᠯᠠᠵᠤ ᠪᠠᠶᠢᠵᠡᠢ ᠭᠡᠨᠠ᠃ ᠲᠦᠪᠡᠢ ᠲᠠᠶᠢᠵᠢ | ᠲᠠᠨᠵᠢᠨ ᠳᠤᠨᠢ ᠵᠤᠭᠰᠤᠨ ᠲᠠᠷᠠ ᠤᠰᠤ ᠶᠢ ᠬᠠᠷᠠᠨ ᠬᠠᠷᠠᠭᠰᠠᠭᠠᠷ᠄ ︽ᠲᠦᠪᠡᠢ ᠲᠠᠶᠢᠵᠢ \ ᠲᠦᠷᠤᠯ ᠢᠶᠠᠨ ᠤᠯ \ ᠲᠦᠭᠡᠷᠢᠭᠰᠡᠨ ᠤᠰᠤ \ ᠵᠠᠮ ᠢᠶᠠᠨ ᠤᠯ \ | ᠭᠠᠯᠵᠠᠭᠤ ᠰᠢᠷᠭᠠ \ ᠵᠠᠮ ᠲᠠᠭᠠᠭᠤᠯ \ ᠬᠠᠰᠢᠭᠳᠠᠭᠰᠡᠨ ᠤᠰᠤ \ ᠮᠦᠷ ᠲᠠᠭᠠ︾ ᠭᠡᠵᠤ ᠬᠠᠰᠢᠬᠢᠷᠤᠭᠠᠳ ᠮᠤᠷᠢᠨ ᠤ ᠪᠠᠨ ᠠᠮᠠ ᠶᠢ ᠰᠤᠯᠠ ᠲᠠᠯᠪᠢᠨ ᠲᠠᠰᠢᠭᠤᠷ | ᠨᠠᠮᠡᠵᠤ ᠮᠤᠷᠢᠨ ᠤ ᠠᠶᠠ ᠪᠠᠷ ᠲᠤᠭᠤᠰᠤ ᠲᠠᠳᠠᠭᠤᠯᠤᠨ ᠲᠠᠪᠬᠢᠵᠤ ᠭᠡᠨᠠ᠃ ᠲᠡᠭᠡᠭᠦ ᠳᠤ ᠬᠠᠰᠢᠭᠳᠠᠭᠠᠳ ᠪᠠᠶᠢᠭᠰᠡᠨ ᠰᠡᠶ᠋ᠢᠬᠢ ᠤᠰᠤ ᠲᠦᠪᠡᠢ ᠲᠠᠶᠢᠵᠢ ᠶᠢᠨ | ᠲᠠᠪᠬᠢᠭᠰᠡᠨ ᠵᠦᠭ ᠲᠤ ᠬᠠᠰᠢᠯᠭᠠ ᠪᠠᠨ ᠰᠡᠳᠡᠯᠵᠤ ᠭᠠᠷᠤᠭᠠᠳ ᠰᠢᠷᠭᠠ ᠮᠤᠷᠢᠨ ᠤ ᠮᠦᠷ ᠢ ᠲᠠᠭᠠᠵᠤ᠂ ᠠᠭᠤᠯᠠ ᠲᠠᠪᠠᠭᠠ ᠶᠢ ᠰᠠᠳᠡᠯᠤᠨ᠂ ᠡᠯᠡᠰᠤ ᠮᠠᠩᠬᠠ ᠶᠢ | ᠵᠦᠰᠤᠴᠢᠨ ᠲᠠᠭᠠᠷᠢᠭᠰᠡᠨ ᠭᠠᠵᠡᠷ ᠪᠦᠭᠦᠨ ᠢᠶᠠᠷ ᠭᠠᠩᠭᠠ ᠵᠠᠪᠡ ᠭᠠᠷᠭᠠᠨ ᠭᠠᠯᠵᠠᠭᠤᠷᠠᠭᠰᠡᠨ ᠶᠤᠮ ᠰᠢᠭ᠋ ᠤᠯᠠᠭᠠᠨ ᠰᠢᠷᠠ ᠪᠠᠷ ᠡᠷᠬᠢᠨ ᠦᠶᠠᠷᠯᠡᠨ ᠤᠷᠤᠰᠴᠤ ᠭᠡᠨᠠ | ᠃ ᠲᠦᠪᠡᠢ ᠲᠠᠶᠢᠵᠢ ᠭᠠᠯᠵᠠᠭᠤ ᠰᠢᠷᠭᠠ ᠪᠠᠷ ᠢᠶᠠᠨ ᠤᠷᠤᠯᠳᠤᠭᠰᠠᠭᠠᠷ ᠪᠠᠶᠢᠵᠤ ᠭᠡᠳᠤᠨ ᠵᠠᠭᠤ ᠮᠢᠩᠭᠠᠨ ᠭᠠᠵᠡᠷ ᠶᠠᠪᠤᠭᠠᠳ ᠬᠠᠳᠤᠨ ᠭᠤᠤᠯ ᠤᠨ ᠵᠠᠬᠠ ᠳᠤ | ᠭᠦᠷᠤᠭᠡᠳ ᠬᠠᠷᠠᠬᠤᠯᠠ ᠭᠠᠯᠵᠠᠭᠤ ᠰᠢᠷᠭᠠ ᠮᠤᠷᠢ ᠨᠢ ᠭᠦᠨᠳᠤᠷᠤᠨ ᠭᠦᠨᠳᠤᠷᠤᠨ ᠲᠠᠪᠬᠢᠭᠰᠠᠭᠠᠷ ᠪᠠᠶᠢᠵᠤ ᠭᠠᠩ ᠪᠤᠯᠤᠳ ᠠᠮᠠᠭᠠᠢ ᠪᠠᠨ ᠲᠠᠰᠤᠯᠴᠢᠬᠠᠭᠠᠳ ᠪᠠᠶᠢᠨᠠ | ᠭᠡᠨᠠ᠃ ᠡᠷᠬᠢᠭᠡᠳ ᠬᠠᠷᠠᠬᠤ ᠳᠤ ᠬᠠᠰᠢᠯᠭᠠ ᠪᠠᠨ ᠰᠡᠳᠡᠯᠵᠤ ᠦᠶᠠᠷᠯᠡᠭᠰᠡᠨ ᠤᠰᠤ ᠭᠠᠯᠵᠠᠭᠤᠷᠠᠭᠰᠡᠨ ᠮᠡᠳᠤ ᠰᠢᠷᠠ ᠪᠠᠷ ᠲᠠᠪᠠᠯᠭᠠᠯᠡᠨ ᠠᠶᠢᠰᠤᠢ ᠪᠠᠶᠢᠨᠠ ᠭᠡᠨᠠ᠃ | ᠢᠩᠬᠢᠬᠦ ᠳᠤ ᠲᠦᠪᠡᠢ ᠲᠠᠶᠢᠵᠢ ᠪᠠᠰᠠ᠄ ︽ᠭᠠᠰᠢᠭᠤᠨ ᠠᠷᠢᠬᠢ ᠤᠤᠭᠤᠵᠤ ᠰᠤᠭᠳᠤᠭᠰᠡᠨ ᠲᠦᠪᠡᠢ ᠨᠢᠭᠡ ᠭᠠᠯᠵᠠᠭᠤ \ ᠭᠠᠩ ᠠᠮᠠᠭᠠᠢ ᠪᠠᠨ ᠵᠠᠭᠤᠵᠤ | ᠲᠠᠰᠤᠯᠤᠭᠰᠡᠨ ᠮᠤᠷᠢ ᠨᠢᠭᠡ ᠭᠠᠯᠵᠠᠭᠤ \ ᠬᠠᠰᠢᠯᠭᠠ ᠪᠠᠨ ᠰᠡᠳᠡᠯᠵᠤ ᠰᠢᠷᠠ ᠪᠠᠷ ᠦᠶᠠᠷᠯᠡᠭᠰᠡᠨ ᠤᠰᠤ ᠨᠢᠭᠡ ᠭᠠᠯᠵᠠᠭᠤ \ ᠵᠧ︕ ᠤᠳᠤ ᠭᠤᠷᠪᠠᠨ ᠭᠠᠯᠵᠠᠭᠤ | ᠬᠠᠳᠤᠨ ᠭᠤᠤᠯ ᠢ ᠬᠡᠳᠤᠯᠤᠶᠠ︾ ᠭᠡᠳ ᠴᠢᠨᠠᠭᠰᠢ ᠤᠷᠤᠯᠳᠤᠭᠰᠡᠨ ᠴᠢᠨᠢ ᠦᠨᠡᠭᠡᠷ ᠬᠠᠳᠤᠨ ᠭᠤᠤᠯ ᠤᠨ ᠤᠰᠤ ᠶᠢ ᠭᠦᠨᠳᠡᠯᠡᠨ ᠤᠭᠳᠤᠯᠤᠭᠠᠳ ᠭᠠᠷᠴᠤ ᠭᠡᠨᠠ᠃ | ᠢᠩᠬᠢᠭᠡᠳ ᠯᠠ ᠲᠠᠷᠠ ᠭᠤᠤᠯ ᠢ ︽ᠭᠠᠯᠵᠠᠭᠤ ᠰᠢᠷᠬᠤᠰᠤ︾ ᠭᠡᠭᠦ ᠪᠤᠯᠤᠭᠰᠡᠨ ᠶᠤᠮ ᠭᠡᠨᠠ᠃ ᠭᠠᠯᠵᠠᠭᠤ ᠰᠢᠷᠬᠤᠰᠤ ᠴᠤ ᠬᠠᠳᠤᠨ ᠭᠤᠤᠯ ᠢ ᠤᠭᠳᠤᠯᠵᠤ | ᠭᠠᠷᠤᠭᠠᠳ ᠡᠷᠬᠢᠵᠤ ᠬᠠᠳᠤᠨ ᠭᠤᠤᠯ ᠳᠤ ᠴᠢᠳᠬᠤᠵᠤ ᠪᠠᠶᠢᠳᠠᠭ ᠭᠡᠨᠠ᠃ | | | ︽ᠤᠷᠳᠤᠰ ᠤᠨ ᠭᠠᠵᠠᠷ ᠤᠰᠤᠨ ᠤ ᠨᠡᠷᠡ ᠶᠢᠨ ᠳᠤᠮᠤᠭ ᠤᠨ ᠳᠤᠯᠢ︾ ᠠᠴᠠ ᠪᠠᠭᠤᠯᠭᠠᠪᠠ | | | | |