ᠤᠪᠤᠭᠠ ᠶᠢ ᠰᠢᠨᠵᠢ ᠪᠠᠶᠢᠳᠠᠯ ᠬᠢᠭᠡᠳ ᠲᠡᠭᠦᠨ ᠢ ᠳᠠᠬᠢᠬᠤ ᠬᠦᠷᠢᠶᠡ ᠬᠡᠪᠴᠢᠶᠡ ᠠᠴᠠ ᠨᠢ ᠠᠵᠢᠭᠯᠠᠪᠠᠯ ᠬᠤᠰᠢᠭᠤ ᠤᠪᠤᠭᠠ᠂ ᠨᠤᠳᠤᠭ ᠤᠰᠤᠨ ᠤ ᠤᠪᠤᠭᠠ᠂ | ᠤᠪᠤᠭ ᠤᠨᠤᠪᠤᠭᠠ᠂ ᠪᠠᠭᠠᠳᠤᠷ ᠵᠠᠩᠵᠤᠨ ᠤ ᠤᠪᠤᠭᠠ᠂ ᠳᠤᠷᠠᠰᠬᠠᠯ ᠤᠨ ᠤᠪᠤᠭᠠ᠂᠂᠂᠂ ᠭᠡᠬᠦ ᠬᠡᠳᠦᠨ ᠵᠦᠢᠯ ᠳᠤ ᠬᠤᠪᠢᠶᠠᠵᠦ ᠪᠠᠶᠢᠳᠠᠭ᠃ | ᠨᠤᠳᠤᠭ ᠤᠰᠤᠨ ᠤ ᠤᠪᠤᠭᠠ ᠤᠶᠢᠷᠠ ᠰᠭᠠᠬᠠᠯᠳᠠ ᠪᠠᠷ ᠢᠶᠠᠨ ᠳᠡᠭᠡᠳᠦ ᠳᠡᠭᠷᠢ ᠪᠤᠯᠤᠨ ᠨᠤᠳᠤᠭ ᠤᠰᠤᠨ ᠤ ᠪᠠᠨ ᠡᠵᠡᠳ ᠰᠠᠬᠢᠭᠤᠰᠤ ᠶᠢ ᠤᠪᠤᠭᠠ | ᠪᠤᠰᠬᠠᠨ ᠳᠠᠬᠢᠬᠤ ᠶᠢ ᠨᠤᠳᠤᠭ ᠤᠰᠤᠨ ᠤ ᠤᠪᠤᠭᠠ ᠳᠠᠬᠢᠯᠭᠠ ᠬᠡᠨᠡ᠃ ᠡᠨᠡ ᠨᠢ ᠮᠤᠩᠭᠤᠯᠴᠤᠳ ᠤᠨ ᠡᠷᠳᠡᠨ ᠠᠴᠠ ᠤᠯᠠᠮᠵᠢᠯᠠᠵᠦ ᠢᠷᠡᠭᠰᠡᠨ ᠲᠡᠭᠷᠢ ᠡᠴᠢᠭᠡ᠂ | ᠭᠠᠵᠠᠷ ᠡᠬᠡ ᠪᠠᠨ ᠪᠢᠰᠢᠷᠠᠨ ᠰᠢᠳᠦᠵᠦ ᠪᠠᠶᠢᠭᠠ ᠶᠢᠨ ᠢᠯᠡᠷᠡᠯ ᠮᠦᠨ᠃ ᠦᠭᠡᠷᠡ ᠪᠠᠷ ᠬᠡᠯᠡᠪᠡᠯ᠂ ᠳᠡᠭᠷᠢ ᠡᠴᠢᠭᠡ ᠭᠠᠵᠠᠷ ᠡᠬᠡ ᠪᠠᠨ ᠠᠭᠤᠷᠯᠠᠭᠤᠯᠵᠦ ᠬᠢᠯᠢᠩᠨᠡᠭᠦᠯᠬᠦ | ᠦᠭᠡᠢ᠂ ᠳᠡᠳᠡᠨ ᠤ ᠢᠪᠡᠭᠡᠯ ᠬᠠᠶᠢᠷᠠ ᠶᠢ ᠬᠦᠷᠳᠡᠬᠦ ᠶᠢᠨ ᠲᠦᠯᠦᠭᠡ ᠠᠶᠢᠷᠠᠭ ᠳᠠᠷᠠᠰᠤ᠂ ᠦᠳᠭᠡ ᠰᠢᠭᠦᠰᠦ᠂ ᠨᠢᠨᠳᠡᠷ ᠬᠠᠳᠠᠭ ᠢ ᠪᠦᠷᠢᠳᠦᠭᠦᠯᠦᠨ ᠠᠪᠴᠢᠷᠠᠵᠦ | ᠳᠠᠬᠢᠯᠭᠠ ᠶᠢᠨ ᠶᠤᠰᠤ ᠪᠠᠨ ᠬᠦᠢᠴᠡᠳᠬᠡᠬᠦ ᠶᠢᠨ ᠬᠠᠮᠳᠤ ᠰᠦ ᠰᠠᠭᠠᠯᠢ ᠶᠢᠨ ᠰᠠᠴᠤᠯᠢ ᠡᠷᠭᠦᠵᠦ᠂ ᠮᠤᠷᠤᠢ ᠮᠠᠯ ᠰᠠᠳᠠᠷᠯᠠᠨ᠂ ᠠᠨᠳᠠ ᠠᠬᠠ ᠳᠡᠭᠦᠦ ᠪᠠᠷᠢᠯᠳᠤᠬᠤ | ᠬᠦᠮᠦᠰ ᠳᠡᠭᠷᠢ ᠳᠤ ᠮᠦᠷᠭᠦᠵᠦ ᠠᠬᠠ ᠳᠡᠭᠦᠦ ᠪᠤᠯᠤᠭᠰᠠᠨ ᠢᠶᠠᠨ ᠭᠡᠷᠡᠴᠢᠯᠡᠬᠦ ᠪᠠᠷ ᠤᠪᠤᠭᠠᠨ ᠳᠤ ᠮᠦᠷᠭᠦᠵᠦ ᠦᠴᠢᠭ ᠦᠴᠢᠭᠯᠡᠵᠦ᠂ ᠳᠠᠭᠠᠳᠬᠠᠯ ᠠᠪᠳᠠᠭ᠃ ᠬᠡᠷᠪᠡ | ᠨᠤᠳᠤᠭ ᠰᠢᠯᠵᠢᠨ ᠪᠤᠰᠤᠳ ᠤᠨ ᠤᠪᠤᠭᠠ ᠶᠢ ᠳᠡᠬᠢᠬᠤ ᠲᠠᠢ ᠪᠤᠯ ᠤᠤᠯ ᠤᠨ ᠳᠠᠬᠢᠵᠦ ᠪᠠᠶᠢᠭᠰᠠᠨ ᠤᠪᠤᠭᠠᠨ ᠠᠴᠠ ᠪᠠᠨ ᠭᠡᠰᠡᠭ ᠬᠠᠳᠠ ᠪᠤᠶᠤ ᠰᠢᠷᠤᠢ ᠠᠪᠴᠦ | ᠳᠠᠬᠢᠬᠤ ᠭᠡᠵᠦ ᠪᠠᠶᠢᠭᠠ ᠤᠪᠤᠭᠠᠨ ᠳᠤ ᠨᠡᠮᠡᠷᠢ ᠡᠷᠭᠦᠳᠡᠭ ᠶᠤᠰᠤ ᠪᠤᠢ᠃ | ᠤᠪᠤᠭ ᠤᠨ ᠤᠪᠤᠭᠠ ᠨᠢᠭᠡ ᠤᠪᠤᠭ ᠤᠨ ᠬᠡᠪᠴᠢᠶᠡᠨ ᠳᠤ ᠳᠠᠬᠢᠳᠠᠭ ᠤᠪᠤᠭᠠ ᠶᠢ ᠤᠪᠤᠭ ᠤᠨ ᠤᠪᠤᠭᠠ ᠬᠡᠨᠡ᠃ ᠡᠨᠡ ᠪᠤᠯ ᠡᠷᠳᠡᠨ ᠤ ᠠᠶᠢᠮᠠᠭ | ᠤᠪᠤᠭ ᠤᠨ ᠳᠡᠭᠡᠳᠦᠰ᠂ ᠰᠢᠳᠦᠭᠡᠨ ᠵᠶ᠋ᠡᠨᠨᠢᠭᠡᠳᠦᠯᠳᠡᠢ ᠳᠠᠬᠢᠵᠤ ᠪᠠᠶᠢᠭᠠ ᠶᠠᠪᠤᠳᠠᠯ ᠮᠦᠨ᠃ ᠢᠩᠬᠢᠬᠦᠯᠡᠷ ᠤᠪᠤᠭ ᠤᠨ ᠶᠡᠬᠡᠴᠤᠳ ᠠᠴᠠ ᠵᠤᠬᠢᠶᠠᠨ ᠪᠠᠶᠢᠭᠤᠯᠵᠤ | ᠤᠪᠤᠭᠠ ᠳᠠᠬᠢᠯᠭᠠ ᠶᠢᠨ ᠰᠤᠭ ᠳᠡᠭᠡᠵᠢ᠂ ᠬᠤᠨᠢᠨ ᠰᠢᠭᠦᠰᠦ᠂ ᠠᠶᠢᠷᠠᠭ ᠰᠦ ᠪᠠᠨ ᠤᠪᠤᠭ ᠳᠦᠷᠦᠯ ᠢᠶᠠᠷ ᠢᠶᠠᠨ ᠪᠦᠷᠢᠳᠬᠡᠨ ᠠᠪᠴᠢᠷᠠᠵᠤ ᠳᠠᠬᠢᠯᠭᠠ ᠪᠠᠨ | ᠬᠦᠢᠴᠡᠳᠬᠡᠳᠡᠭ᠃ ᠲᠡᠷᠡ ᠨᠢ ᠤᠪᠤᠭ ᠤᠨ ᠪᠦᠷᠢᠯᠳᠦᠭᠦᠨ ᠪᠦᠭᠦᠳᠡ ᠡᠨᠡ ᠬᠦ ᠰᠢᠳᠦᠭᠡᠨ ᠢᠶᠠᠨ ᠬᠦᠨᠳᠦᠳᠬᠡᠨ ᠦᠵᠡᠬᠦ ᠶᠤᠰᠤᠳᠡᠢ ᠪᠦᠭᠡᠳ ᠤᠰᠤᠯᠳᠤᠯ ᠦᠭᠡᠢ ᠴᠠᠭ | ᠳᠤᠬᠠᠢ ᠳᠤ ᠨᠢ ᠳᠠᠬᠢᠬᠤ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠲᠠᠢ ᠪᠠᠶᠢᠳᠠᠭ ᠢ ᠭᠡᠷᠡᠴᠢᠯᠡᠨᠡ᠃ ᠤᠪᠤᠭ ᠤᠨ ᠤᠪᠤᠭᠠ ᠨᠢ ᠶᠠᠪᠤᠭᠠᠨ ᠳᠤ ᠪᠠᠨ ᠨᠤᠳᠤᠭ ᠤᠰᠤᠨ ᠤ ᠤᠪᠤᠭᠠ | ᠪᠤᠯᠬᠤ ᠶᠤᠰᠤ ᠪᠠᠰᠠ ᠪᠤᠢ᠃ ᠤᠪᠤᠭᠠᠨ ᠨᠠᠶᠢᠷ ᠳᠡᠭᠡᠷᠡ ᠤᠪᠤᠭ ᠤᠨ ᠠᠬᠠᠮᠠᠳ ᠠᠴᠠ ᠰᠤᠷᠭᠠᠯ ᠨᠤᠮ ᠬᠦᠷᠳᠡᠭᠡᠵᠦ᠂ ᠤᠪᠤᠭᠠᠨ ᠤ ᠰᠤᠭ ᠳᠡᠭᠡᠵᠢ᠂ ᠦᠳᠬᠡ | ᠰᠢᠭᠦᠰᠦ ᠶᠢ ᠭᠠᠵᠠᠷ ᠤᠰᠤᠨ ᠤ ᠨᠠᠪᠳᠠᠭ ᠰᠠᠪᠳᠠᠭ ᠲᠤ ᠡᠯᠪᠡᠭ ᠰᠠᠴᠦᠵᠦ ᠦᠯᠡᠳᠡᠭᠰᠡᠨ ᠢᠯᠡᠭᠦᠴᠡ ᠪᠠᠨ ᠳᠠᠶᠠᠭᠠᠷ ᠲᠤ ᠳᠦᠭᠡᠭᠡᠵᠦ ᠬᠦᠷᠦᠯᠴᠡᠭᠦᠯᠦᠨ ᠦᠭᠳᠡᠭ᠃ | ᠳᠠᠷᠠᠭᠠ ᠨᠢ ᠮᠤᠷᠢ ᠤᠷᠤᠯᠳᠤᠭᠤᠯᠤᠨ ᠪᠦᠬᠡ ᠪᠠᠷᠢᠯᠳᠤᠭᠤᠯᠵᠦ᠂ ᠨᠤᠮᠤ ᠰᠤᠮᠤ ᠬᠠᠷᠪᠤᠨ ᠬᠡᠬᠡᠷᠡ ᠬᠦᠳᠡᠭᠡ ᠨᠠᠶᠢᠷᠯᠠᠨ ᠴᠡᠩᠬᠡᠯᠳᠦᠳᠡᠭ ᠪᠠᠶᠢᠵᠠᠢ᠃ | ᠬᠤᠰᠢᠭᠤ ᠤᠪᠤᠭᠠ ᠴᠢᠩᠭᠢᠰ ᠤᠨ ᠬᠤᠶᠢᠴᠢᠰ ᠬᠢᠶᠠᠨ ᠶᠠᠰᠤᠳᠠᠨ ᠪᠤᠷᠵᠢᠭᠢᠨ ᠤᠪᠤᠭᠳᠤ ᠳᠠᠶᠢᠵᠢ ᠢᠵᠠᠭᠤᠷᠳᠠᠨ ᠤ ᠳᠠᠬᠢᠳᠠᠭ ᠤᠪᠤᠭᠠ ᠶᠢ ᠨᠤᠶᠠᠳ ᠤᠨ | ᠠᠯᠳᠠᠨ ᠤᠪᠤᠭᠠ ᠭᠡᠬᠦ ᠪᠤᠶᠤ ᠬᠤᠰᠢᠭᠤ ᠤᠪᠤᠭᠠ ᠭᠡᠳᠡᠭ᠃ ᠠᠯᠳᠠᠨ ᠤᠪᠤᠭᠠ ᠨᠢ ᠬᠠᠨ ᠬᠤᠷᠮᠤᠰᠳᠠ ᠳᠡᠭᠷᠢ ᠪᠤᠯᠤᠨ ᠳᠡᠭᠦᠨ ᠤ ᠳᠠᠭᠠᠯᠳᠠ ᠪᠤᠯᠬᠤ ᠠᠷᠪᠠᠨ | ᠬᠤᠶᠠᠷ ᠵᠢᠵᠢᠭ ᠬᠠᠨ ᠳᠡᠭᠷᠢ ᠪᠠᠷ ᠪᠦᠷᠢᠯᠳᠦᠭᠰᠡᠨ ᠲᠤᠯᠠ ᠠᠷᠪᠠᠨ ᠭᠤᠷᠪᠠᠨ ᠬᠠᠨ ᠳᠡᠭᠷᠢ ᠭᠡᠵᠦ᠂ ᠠᠷᠪᠠᠨ ᠭᠤᠷᠪᠠᠨ ᠤᠪᠤᠭᠠ ᠪᠤᠰᠬᠠᠳᠠᠭ᠃ ᠤᠤᠯ ᠨᠢ ᠠᠯᠳᠠᠨ | ᠤᠪᠤᠭᠠᠨ ᠤ ᠳᠠᠬᠢᠯᠭᠠ ᠳᠤ ᠸᠠᠡᠩ ᠭᠦᠩ ᠳᠠᠶᠢᠵᠢ ᠢᠵᠠᠭᠤᠷᠳᠠᠨ᠂ ᠬᠤᠰᠢᠭᠤᠨ ᠤ ᠶᠡᠭᠡ ᠪᠠᠭᠠ ᠠᠯᠪᠠᠨ ᠳᠤᠰᠢᠶᠠᠯᠳᠠᠨ ᠬᠢᠬᠡᠳ ᠤᠶᠢᠷᠠ ᠬᠠᠪᠢ ᠶᠢᠨ ᠬᠠᠷᠠᠴᠤ | ᠠᠷᠠᠳ ᠦᠪᠡᠷ ᠤᠨ ᠰᠠᠶᠢᠨ ᠳᠤᠷᠠ ᠠᠴᠠ ᠪᠠᠨ ᠳᠠᠬᠢᠯᠭᠠ ᠶᠢᠨ ᠨᠠᠶᠢᠷ ᠲᠤ ᠤᠷᠤᠯᠴᠠᠳᠠᠭ ᠪᠠᠶᠢᠵᠠᠢ᠃ | ᠣᠪᠤᠭᠠ ᠳᠠᠬᠢᠬᠤ ᠶᠤᠰᠤ ᠤᠪᠤᠭᠠ ᠳᠠᠬᠢᠬᠤ ᠶᠤᠰᠤᠨ ᠢ ᠳᠠᠬᠢᠯᠭᠠ ᠶᠢᠨ ᠵᠦᠢᠯ ᠢᠶᠠᠷ ᠨᠢ ᠬᠤᠶᠠᠷ ᠬᠤᠪᠢᠶᠠᠵᠦ ᠪᠤᠯᠤᠨᠠ᠃ ᠨᠢᠭᠡ ᠨᠢ ᠵᠠᠷᠢᠮ ᠤᠪᠤᠭᠠ ᠶᠢ | ᠦᠬᠡᠷ᠂ ᠬᠤᠨᠢᠨ ᠤ ᠰᠢᠭᠦᠰᠦ ᠪᠠᠷ ᠳᠠᠬᠢᠳᠠᠭ᠃ ᠨᠦᠬᠦᠭᠡ ᠨᠢᠭᠡ ᠨᠢ ᠤᠯᠠᠭᠠᠨ ᠢᠳᠡᠭᠡᠨ ᠢ ᠬᠡᠷᠡᠭᠯᠡᠬᠦ ᠦᠭᠡᠢ ᠴᠠᠭᠠᠨ ᠢᠳᠡᠭᠡᠨ ᠢᠶᠠᠷ ᠳᠠᠬᠢᠳᠠᠭ ᠪᠠᠶᠢᠨᠠ᠃ | ᠤᠪᠤᠭᠠ ᠶᠢ ᠡᠷᠳᠡ ᠳᠤ ᠪᠠᠨ ᠴᠤᠯ ᠮᠤᠩᠭᠤᠯ ᠶᠤᠰᠤ ᠵᠠᠩᠰᠢᠯ ᠢᠶᠠᠷ ᠳᠠᠬᠢᠳᠠᠭ ᠪᠠᠶᠢᠭᠰᠠᠨ ᠪᠠᠶᠢᠵᠠᠢ᠃ ᠰᠡᠭᠦᠯᠳᠡᠵᠦ ᠰᠢᠷᠠ ᠶᠢᠨ ᠱᠠᠰᠢᠨ ᠮᠤᠩᠭᠤᠯ ᠤᠷᠤᠨ ᠳᠤ | ᠳᠡᠯᠭᠡᠷᠡᠭᠰᠡᠨ ᠤ ᠳᠠᠷᠠᠭᠠ ᠤᠪᠤᠭᠠ ᠳᠠᠬᠢᠬᠤ ᠦᠢᠯᠡ ᠶᠠᠪᠤᠳᠠᠯ ᠳᠤ ᠰᠢᠷᠠ ᠶᠢᠨ ᠱᠠᠰᠢᠨ ᠤ ᠨᠦᠯᠦᠭᠡ ᠨᠡᠪᠴᠢᠨ ᠤᠷᠤᠵᠦ ᠢᠷᠡᠭᠡᠳ ᠯᠠᠮᠠ ᠵᠠᠯᠠᠵᠦ ᠨᠤᠮ | ᠤᠩᠰᠢᠭᠤᠯᠬᠤ᠂ ᠪᠦᠳᠦᠭᠡᠯᠭᠡ ᠪᠦᠳᠦᠭᠡᠬᠦ ᠵᠡᠷᠭᠡ ᠶᠢᠨ ᠦᠢᠯᠡ ᠠᠵᠢᠯᠯᠠᠭᠠ ᠶᠢ ᠨᠡᠮᠡᠭᠳᠡᠭᠦᠯᠵᠦ᠂ ᠡᠮᠦᠨᠡ ᠬᠡᠳᠦᠨ ᠡᠳᠦᠷ ᠠᠴᠠ ᠨᠢ ᠤᠷᠢᠳᠴᠢᠯᠠᠨ ᠡᠳᠦᠷ ᠰᠦᠨᠢ | ᠦᠭᠡᠢ ᠬᠦᠵᠢ ᠰᠢᠳᠠᠭᠠᠵᠦ ᠵᠤᠯᠠ ᠠᠰᠠᠭᠠᠳᠠᠭ ᠪᠤᠯᠵᠠᠢ᠃ | ᠢᠷᠡᠯᠳᠡ᠄ 《ᠤᠷᠳᠤᠰ ᠰᠤᠶᠤᠯ ᠵᠠᠩ ᠦᠢᠯᠡ》ᠭᠡᠬᠦ ᠨᠤᠮ ᠠᠴᠠ ᠪᠠᠭᠤᠯᠭᠠᠪᠠ᠃ | | |