ᠮᠤᠩᠭᠤᠯ ᠭᠠᠵᠠᠷ ᠤᠨᠤᠪᠤᠭᠠ ᠳᠠᠬᠢᠯᠭᠠ ᠶᠢᠨ ᠠᠩᠬᠠ ᠡᠭᠦᠰᠦᠯᠳᠡ ᠶᠢᠨ ᠳᠤᠬᠠᠢ ᠨᠤᠮ ᠰᠤᠳᠤᠷ ᠪᠠ ᠪᠤᠭᠤᠷᠤᠯᠴᠤᠳ ᠤᠨ ᠶᠠᠷᠢᠵᠦ ᠪᠠᠶᠢᠭᠰᠠᠨ ᠢ | ᠦᠨᠳᠦᠰᠦᠯᠡᠪᠡᠯ᠂ ᠡᠷᠳᠡ ᠳᠡᠭᠡᠳᠦ ᠴᠠᠭ ᠲᠤ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠨᠡᠭᠦᠳᠡᠯ ᠮᠠᠯᠵᠢᠯ ᠶᠠᠪᠤᠬᠤ ᠳᠤᠳᠤᠮ ᠪᠠᠭᠠᠰᠴᠤ᠂ ᠰᠠᠭᠤᠷᠢᠰᠢᠨ ᠮᠠᠯᠵᠢᠬᠤ ᠪᠤᠯᠵᠦ | ᠴᠦᠭᠡᠨ ᠳᠤᠭᠠᠨ ᠤ ᠮᠤᠩᠭᠤᠯᠴᠤᠳ ᠭᠡᠷ ᠤᠨ ᠢᠶᠠᠨ ᠠᠷᠤ ᠬᠤᠶᠢᠨᠠ ᠵᠦᠭ ᠲᠤ ᠪᠠᠶᠢᠭᠠ ᠦᠨᠳᠦᠷ ᠤᠷᠤᠢ ᠪᠤᠶᠤ ᠬᠦᠳᠦᠭᠦᠷ ᠳᠤᠪᠤᠴᠠᠭ ᠳᠡᠭᠡᠷᠡ ᠰᠢᠷᠤᠢ ᠨᠠᠮᠠᠵᠦ | ᠭᠠᠯ ᠰᠢᠳᠠᠭᠠᠨ ᠴᠤᠭ ᠭᠠᠷᠭᠠᠵᠦ᠂ ᠠᠷᠴᠠ ᠪᠤᠯᠤᠨ ᠠᠬᠢ ᠬᠢᠯᠠᠭᠠᠨᠠ ᠮᠡᠳᠦ ᠶᠢᠨ ᠠᠷᠢᠭᠤᠨ ᠰᠠᠶᠢᠬᠠᠨ ᠦᠨᠦᠷ ᠲᠠᠢ ᠡᠪᠡᠰᠦ ᠤᠷᠭᠤᠮᠠᠯ ᠢ ᠰᠢᠳᠠᠭᠠᠵᠦ᠂ ᠳᠡᠭᠷᠢ ᠳᠤ | ᠮᠦᠷᠭᠦᠵᠦ ᠤᠷᠴᠢᠨ ᠠᠬᠤᠢ ᠪᠡᠨᠠᠷᠢᠭᠤᠳᠬᠠᠵᠦ ᠪᠠᠶᠢᠪᠠ ᠭᠡᠳᠡᠭ᠃ ᠦᠨᠳᠦᠷ ᠤᠷᠤᠢ ᠳᠤ ᠦᠷᠯᠦᠭᠡ ᠶᠢᠨ ᠨᠠᠷᠠ ᠡᠷᠳᠡ ᠳᠤᠰᠴᠤ ᠤᠷᠴᠢᠨ ᠲᠤᠭᠤᠷᠢᠨ ᠢᠶᠠᠨ | ᠬᠡᠷᠡᠯᠳᠦᠭᠦᠯᠳᠡᠭ ᠪᠤᠯᠬᠤᠷ᠂ ᠮᠤᠩᠭᠤᠯᠴᠤᠳ ᠶᠡᠷᠦ ᠳᠤ ᠪᠠᠨ ᠦᠨᠳᠦᠷ ᠭᠠᠵᠠᠷ ᠢ ᠬᠦᠨᠳᠦᠳᠬᠡᠨ᠂ ᠦᠨᠳᠦᠷ ᠲᠤᠯᠤᠭᠠᠢ ᠶᠢᠨ ᠤᠷᠤᠢ ᠶᠢᠨ ᠳᠡᠭᠡᠷᠡ ᠭᠠᠷᠴᠤ ᠠᠯᠤᠰ ᠢ | ᠪᠠᠷᠠᠯᠠᠬᠤ᠂ ᠦᠨᠳᠦᠷ ᠤᠷᠤᠢ ᠶᠢᠨ ᠡᠩᠭᠡᠷ ᠲᠤ ᠨᠤᠳᠤᠭᠰᠢᠨ ᠰᠠᠭᠤᠬᠤ ᠪᠠ ᠭᠡᠷ ᠤᠨ ᠠᠷᠤ ᠶᠢᠨ ᠦᠨᠳᠦᠷ ᠤᠷᠤᠢ ᠤᠷᠤᠢ ᠪᠠᠨ ᠤᠢ ᠮᠤᠳᠤ ᠲᠠᠷᠢᠵᠦ ᠬᠠᠮᠠᠭᠠᠯᠠᠬᠤ᠂ | ᠴᠠᠭᠠᠰᠢᠯᠠᠪᠠᠯ ᠵᠠᠷᠢᠮ ᠨᠢ ᠤᠪᠤᠭᠠ ᠪᠤᠰᠬᠠᠵᠦ ᠳᠠᠬᠢᠬᠤ ᠮᠡᠳᠦ ᠶᠢᠨ ᠦᠢᠯᠡ ᠶᠠᠪᠤᠳᠠᠯ ᠢ ᠬᠢᠵᠦ ᠪᠠᠶᠢᠵᠠᠢ᠃ ᠴᠢᠩ ᠤᠯᠤᠰ ᠤᠨ ᠦᠶᠡ ᠪᠤᠯᠬᠤ ᠳᠤ᠂ ᠮᠤᠩᠭᠤᠯ | ᠭᠠᠵᠠᠷ ᠲᠤ ᠰᠢᠷᠠ ᠶᠢᠨ ᠱᠠᠰᠢᠨ ᠳᠡᠯᠭᠡᠷᠡᠬᠦ ᠶᠢ ᠳᠠᠭᠠᠯᠳᠤᠨ ᠰᠦᠮᠡ ᠬᠡᠶᠢᠳ ᠤᠨ ᠤᠪᠤᠭᠠ᠂ ᠬᠤᠰᠢᠭᠤ ᠴᠢᠭᠤᠯᠭᠠᠨ ᠤ ᠤᠪᠤᠭᠠ᠂ ᠬᠡᠭᠡᠨ ᠬᠤᠪᠢᠯᠭᠠᠨ ᠤ ᠤᠪᠤᠭᠠ | ᠪᠤᠰᠬᠠᠬᠳᠠᠵᠦ᠂ ᠪᠠᠰᠠ ᠮᠤᠩᠭᠤᠯᠴᠤᠳ ᠤᠨ ᠳᠤᠳᠤᠷᠠ ᠪᠠᠶᠠᠨ ᠬᠦᠮᠦᠨ ᠪᠤᠶᠤ ᠨᠤᠶᠠᠨ ᠵᠡᠷᠭᠡᠳᠡᠨ ᠨᠠᠷ ᠪᠤᠶᠠᠨ ᠭᠡᠰᠢᠭ ᠢᠶᠠᠨ ᠨᠡᠮᠡᠭᠳᠡᠭᠦᠯᠵᠦ᠂ ᠦᠯᠵᠡᠢ ᠬᠤᠳᠤᠭ | ᠤᠷᠤᠰᠢᠭᠤᠯᠬᠤ ᠶᠢᠨ ᠲᠦᠯᠦᠭᠡ ᠡᠷᠦᠬᠡ ᠭᠡᠷ ᠤᠨ ᠢᠶᠠᠨ ᠠᠷᠤ ᠬᠤᠶᠢᠭᠤᠷ ᠦᠨᠳᠦᠷ ᠭᠠᠵᠠᠷ ᠳᠡᠭᠡᠷᠡ ᠯᠠᠮᠠ ᠬᠤᠸᠠᠷᠠᠭ ᠵᠠᠯᠠᠵᠦ ᠳᠠᠯᠠᠯᠭᠠ ᠪᠦᠳᠦᠭᠡᠬᠦ᠂ ᠰᠠᠩ ᠰᠡᠷᠵᠢᠮ | ᠡᠷᠭᠦᠵᠦ᠂ ᠱᠠᠩ ᠳᠠᠷᠤᠵᠦ ᠤᠪᠤᠭᠠ ᠪᠤᠰᠬᠠᠵᠦ ᠳᠠᠬᠢᠳᠠᠭ ᠪᠤᠯᠵᠠᠢ᠃ ᠢᠩᠬᠢᠭᠡᠳ ᠤᠪᠤᠭᠠ ᠨᠢ ᠮᠤᠩᠭᠤᠯᠴᠤᠳ ᠤᠨ ᠤᠤᠭᠠᠨ ᠰᠢᠳᠦᠭᠡᠨ ᠪᠤᠯᠤᠭᠰᠠᠨ ᠭᠡᠳᠡᠭ᠃ | ᠭᠡᠪᠡᠴᠤ ᠤᠪᠤᠭᠠ ᠶᠢ ᠡᠷᠦᠬᠡ ᠪᠦᠷᠢ ᠬᠦᠮᠦᠨ ᠪᠦᠬᠦᠨ ᠳᠤᠷᠠ ᠪᠠᠷ ᠪᠤᠰᠬᠠᠳᠠᠭ ᠦᠭᠡᠢ᠃ ᠤᠴᠢᠷ ᠨᠢ ᠤᠪᠤᠭᠠ ᠳᠠᠬᠢᠯᠭᠠ ᠨᠢ ᠬᠦᠮᠦᠰ ᠤᠨ ᠳᠤᠭᠳᠠᠪᠤᠷᠢᠵᠢᠭᠰᠠᠨ | ᠭᠠᠵᠠᠷ ᠤᠰᠤᠨ ᠤ ᠰᠢᠳᠦᠭᠡᠨ ᠳᠠᠬᠢᠯᠭᠠ ᠪᠤᠯᠬᠤ ᠲᠤᠯᠠ ᠱᠠᠩ ᠳᠠᠷᠤᠵᠦ᠂ ᠪᠦᠳᠦᠭᠡᠭᠦᠯ ᠪᠦᠳᠦᠭᠡᠵᠦ ᠠᠮᠢᠯᠠᠭᠤᠯᠤᠭᠰᠠᠨ ᠬᠤᠶᠢᠨᠠ ᠰᠠᠶ᠋ᠢ ᠳᠠᠬᠢᠳᠠᠭ᠃ | ᠢᠷᠡᠯᠳᠡ᠄ 《ᠤᠷᠳᠤᠰ ᠰᠤᠶᠤᠯ ᠵᠠᠩ ᠦᠢᠯᠡ》ᠭᠡᠬᠦ ᠨᠤᠮ ᠠᠴᠠ ᠪᠠᠭᠤᠯᠭᠠᠪᠠ᠃ | | |