ᠤᠪᠤᠭᠠ ᠭᠡᠳᠡᠭ ᠪᠤᠯ ᠤᠤᠯ ᠳᠤ ᠪᠠᠨ ᠮᠤᠩᠭᠤᠯᠴᠤᠳ ᠤᠨ ᠡᠪᠦᠭᠡ ᠳᠡᠭᠡᠳᠦᠰ ᠠᠴᠠ ᠤᠯᠠᠮᠵᠢᠯᠠᠭᠰᠠᠨ ᠵᠦᠭ ᠴᠢᠭ᠂ ᠠᠭᠤᠯᠠ ᠤᠰᠤᠨ ᠤ ᠬᠠᠭᠠᠯᠪᠤᠷᠢ᠂ | ᠡᠷᠭᠢ ᠭᠠᠩᠭᠠ᠂ ᠪᠡᠷᠬᠡ ᠪᠠᠷᠳᠠᠭᠠᠨ ᠤ ᠳᠡᠮᠳᠡᠭ ᠪᠠᠶᠢᠵᠠᠢ᠃ ᠤᠪᠤᠭᠠ ᠳᠠᠬᠢᠬᠤ ᠪᠤᠯ ᠮᠤᠩᠭᠤᠯᠴᠤᠳ ᠤᠨ ᠳᠤᠮᠳᠠ ᠠᠯᠢ ᠡᠷᠳᠡ ᠪᠤᠢ ᠪᠤᠯᠤᠭᠰᠠᠨ ᠰᠢᠳᠦᠯᠭᠡ | ᠪᠢᠰᠢᠷᠡᠯ ᠤᠨ ᠬᠡᠪ ᠵᠠᠩᠰᠢᠯ ᠶᠤᠮ᠃ ᠮᠦᠨ ᠴᠤ ᠪᠠᠳᠤ ᠴᠢᠩᠭᠠ ᠰᠠᠭᠤᠷᠢ ᠲᠠᠢ᠂ ᠮᠤᠩᠭᠤᠯ ᠰᠤᠶᠤᠯ ᠤᠨ ᠤᠮᠳᠤᠭᠠᠶᠢᠯᠠᠵᠦ ᠪᠤᠯᠤᠰᠢ ᠦᠭᠡᠢ ᠲᠡᠦᠬᠡᠨ ᠤᠯᠠᠮᠵᠢᠯᠠᠯᠳᠤ | ᠦᠪ ᠰᠤᠶᠤᠯ᠃ ᠤᠪᠤᠭᠠᠨ ᠤ ᠳᠠᠬᠢᠯᠭᠠ ᠳᠤ ᠲᠡᠦᠬᠡ ᠳᠤᠷᠠᠰᠬᠠᠯ ᠤᠨ ᠰᠢᠨᠵᠢ ᠠᠭᠤᠯᠤᠭᠳᠠᠵᠦ ᠪᠠᠶᠢᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ ᠮᠤᠩᠭᠤᠯᠴᠤᠳ ᠤᠨ ᠪᠠᠶᠢᠭᠠᠯᠢ | ᠤᠷᠴᠢᠨ ᠢᠶᠠᠨ ᠬᠠᠶᠢᠷᠠᠯᠠᠨ ᠬᠠᠮᠠᠭᠠᠯᠠᠬᠤ ᠰᠠᠶᠢᠨ ᠰᠠᠶᠢᠬᠠᠨ ᠵᠠᠩᠰᠢᠯ ᠴᠤ ᠠᠭᠤᠯᠤᠭᠳᠠᠵᠦ ᠪᠠᠶᠢᠭᠠ ᠶᠤᠮ᠃ ᠮᠤᠩᠭᠤᠯᠴᠤᠳ ᠤᠨ《ᠡᠷᠡ ᠶᠢᠨ ᠭᠤᠷᠪᠠᠨ | ᠨᠠᠭᠠᠳᠤᠮ》ᠴᠤ ᠤᠪᠤᠭᠠᠨ ᠳᠠᠬᠢᠯᠭᠠ ᠲᠠᠢ ᠬᠤᠯᠪᠤᠭᠠ ᠲᠠᠢ ᠶᠤᠮ᠃ | ᠤᠪᠤᠭᠠ ᠳᠠᠬᠢᠯᠭᠠ ᠶᠢᠨ ᠢᠷᠡᠯᠳᠡ ᠶᠢ ᠮᠦᠷᠳᠡᠪᠡᠯ ᠤᠤᠯ ᠨᠢ ᠮᠤᠩᠭᠤᠯᠴᠤᠳ ᠤᠪᠤᠭᠠ ᠶᠢ ᠨᠦᠯᠦᠭᠡ ᠶᠡᠬᠡᠳᠡᠢ ᠦᠨᠳᠦᠷ ᠤᠷᠤᠢ ᠪᠤᠶᠤ ᠠᠭᠤᠯᠠ | ᠬᠠᠶᠢᠷᠬᠠᠨ ᠤ ᠤᠷᠤᠢ ᠳᠤ ᠴᠢᠯᠠᠭᠤ᠂ ᠮᠤᠳᠤ ᠪᠤᠷᠭᠠᠰᠤ᠂ ᠳᠤᠭᠤᠰᠬᠠ ᠪᠤᠰᠬᠠᠵᠦ ᠳᠡᠭᠷᠢ᠂ ᠭᠠᠵᠠᠷ᠂ ᠯᠤᠤᠰ᠂ ᠠᠭᠤᠯᠠ ᠤᠰᠤᠨ ᠤ ᠨᠠᠪᠳᠠᠭ ᠰᠠᠪᠳᠠᠭ ᠢ ᠰᠢᠳᠤᠨ | ᠳᠠᠬᠢᠳᠠᠭ ᠪᠠᠶᠢᠵᠠᠢ᠃ ᠦᠪᠳᠦᠷ ᠰᠦᠷᠯᠢᠭ ᠭᠠᠵᠠᠷ ᠦᠭᠡᠢ ᠪᠤᠯ ᠤᠪᠤᠭᠠ ᠪᠤᠰᠬᠠᠳᠠᠭ ᠭᠠᠵᠠᠷ ᠨᠢ ᠤᠶᠢᠷᠠ ᠬᠠᠪᠢ ᠳᠤ ᠪᠠᠨ ᠦᠨᠳᠦᠷᠬᠡᠨ ᠪᠠᠶᠢᠬᠤ ᠶᠢ ᠠᠩᠬᠠᠷᠤᠨᠠ᠃ | ᠪᠦᠳᠦᠴᠡ ᠠᠴᠠ ᠨᠢ ᠦᠵᠡᠪᠡᠯ᠂ ᠤᠪᠤᠭᠠ ᠨᠢ ᠭᠤᠤᠯ ᠤᠪᠤᠭᠠ ᠪᠠ ᠴᠡᠷᠢᠭ ᠤᠪᠤᠭᠠ ᠪᠠᠷ ᠪᠦᠷᠢᠯᠳᠤᠳᠡᠭ᠃ ᠭᠤᠤᠯ ᠤᠪᠤᠭᠠᠨ ᠤ ᠨᠢᠭᠡ ᠲᠠᠯᠠ ᠳᠤ ᠠᠷᠪᠠᠨ | ᠬᠤᠶᠠᠷ ᠵᠢᠵᠢᠭ ᠤᠪᠤᠭᠠ ᠶᠢ ᠨᠢᠭᠡ ᠱᠤᠭᠤᠮ ᠳᠡᠭᠡᠷᠡ ᠪᠤᠰᠬᠠᠳᠠᠭ ᠢ ᠵᠠᠩᠵᠤᠨ ᠤᠪᠤᠭᠠ ᠪᠤᠶᠤ ᠴᠡᠷᠢᠭ ᠤᠪᠤᠭᠠ᠂ ᠪᠠᠰᠠ ᠡᠯᠴᠢ ᠤᠪᠤᠭᠠ ᠭᠡᠳᠡᠭ᠃ | ᠢᠷᠡᠯᠳᠡ᠄ 《ᠤᠷᠳᠤᠰ ᠰᠤᠶᠤᠯ ᠵᠠᠩ ᠦᠢᠯᠡ》ᠭᠡᠬᠦ ᠨᠤᠮ ᠠᠴᠠ ᠪᠠᠭᠤᠯᠭᠠᠪᠠ᠃ | | | | |