ᠮᠣᠩᠭᠤᠯᠴᠤᠳ ᠮᠠᠨᠢ ᠶᠡᠭᠡ ᠡᠷᠳᠡ ᠦᠶᠡ ᠠᠴᠠ ᠪᠠᠨ ᠨᠠᠷᠠᠨ ᠰᠠᠷᠠᠨ ᠤᠳᠤᠳ ᠢ ᠰᠦᠰᠦᠭᠯᠡᠨ ᠰᠢᠳᠦᠵᠦ᠂ ᠠᠭᠤᠯᠠ ᠤᠰᠤ ᠭᠠᠵᠠᠷ ᠢᠶᠠᠨ ᠳᠠᠬᠢᠵᠦ | ᠳᠡᠭᠳᠦᠯᠡᠬᠦ ᠪᠠᠶᠢᠭᠠᠯᠢᠯᠢᠭ ᠰᠢᠳᠦᠭᠡᠨ ᠲᠠᠢ ᠪᠠᠶᠢᠭᠰᠠᠨ ᠠᠴᠠ ᠵᠢᠯ ᠴᠠᠭᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠲᠤᠯᠤᠭᠠᠨ ᠤ ᠦᠳᠡᠰᠢ ᠪᠤᠯᠪᠠᠯ ᠬᠦᠮᠦᠰ《ᠳᠤᠬᠢᠭᠤᠷ ᠲᠤᠯᠤᠭᠠᠨ | ᠤᠳᠤᠨ》 ᠢ ᠳᠠᠬᠢᠳᠠᠭ ᠵᠠᠩᠰᠢᠯ ᠲᠠᠢ ᠪᠠᠶᠢᠳᠠᠭ ᠶᠤᠮ᠃ ᠡᠭᠦᠨ ᠢ ᠪᠠᠰᠠ《 ᠳᠤᠯᠤᠭᠠᠨ ᠪᠤᠷᠬᠠᠨ》ᠳᠠᠬᠢᠬᠤ᠂《 ᠪᠠᠭᠠ ᠰᠢᠨᠡ ᠰᠢᠨᠡᠯᠡᠬᠦ》ᠭᠡᠳᠡᠭ᠃ | ᠰᠢᠨᠡ ᠶᠢᠨ ᠳᠤᠯᠤᠭᠠᠨ ᠤ ᠦᠳᠡᠰᠢ ᠪᠤᠯᠵᠦ ᠳᠤᠬᠢᠭᠤᠷ ᠳᠤᠯᠤᠭᠠᠨ ᠤᠳᠤᠨ ᠤ ᠳᠤᠯᠤᠭᠠᠢ ᠳᠡᠭᠡᠭᠰᠢᠯᠡᠮᠡᠭᠴᠡ ᠤᠯᠠᠩᠭᠢ ᠠᠶᠢᠯ ᠤᠨ ᠨᠠᠰᠤᠳᠠᠢ ᠳᠤᠮᠣᠭᠠᠳᠠᠳ | ᠬᠡᠦᠬᠡᠳ ᠰᠢᠦᠬᠠᠳ ᠢᠶᠠᠨ ᠳᠠᠭᠠᠭᠤᠯᠤᠨ ᠤᠰᠠᠩ ᠤᠨ ᠰᠦᠷᠦ ᠶᠢᠨ ᠢᠶᠠᠨ ᠳᠡᠭᠡᠷᠡ ᠳᠠᠪᠠᠭ ᠲᠤ 10 ᠴᠢᠪᠠᠭᠠ10 ᠪᠤᠭᠤᠷᠰᠤᠭ ᠬᠢᠵᠦ ᠲᠠᠯᠪᠢᠨ᠂ ᠳᠤᠤᠷᠠ | ᠬᠠᠵᠠᠭᠤ ᠳᠤ ᠨᠢ ᠭᠠᠯ ᠨᠤᠴᠤᠭᠠᠨ ᠴᠤᠭᠰᠢᠭᠤᠯᠤᠨᠠ᠃ ᠴᠤᠭ ᠭᠠᠷᠤᠭᠰᠠᠨ ᠤ ᠳᠠᠷᠠᠭᠠ ᠶᠡᠬᠡᠴᠤᠳ ᠰᠠᠩ ᠲᠠᠯᠪᠢᠨᠠ᠃ ᠪᠤᠰᠤᠳ ᠨᠢ ᠴᠡᠪᠡᠷ ᠰᠠᠶᠢᠬᠠᠨ ᠰᠢᠷᠤᠢ | ᠪᠠᠷ《ᠲᠤᠯᠤᠭᠠᠨ ᠪᠤᠷᠬᠠᠨ》 ᠤ ᠬᠡᠯᠪᠡᠷᠢᠳᠡᠢ ᠲᠤᠯᠤᠭᠠᠨ ᠰᠢᠷᠤᠢ ᠶᠢᠨ ᠤᠪᠤᠭᠠ ᠪᠤᠰᠬᠠᠭᠠᠳ ᠳᠡᠭᠡᠷᠡᠬᠢ ᠶᠢ ᠨᠢ ᠪᠠᠭ᠋ᠠᠨ ᠬᠤᠩᠬᠤᠶᠢᠯᠭᠠᠵᠦ ᠴᠤᠭ ᠠᠴᠠ ᠪᠠᠨ ᠰᠢᠨᠠᠭᠠ | ᠪᠠᠷ ᠤᠳᠬᠤᠵᠦ ᠲᠠᠯᠪᠢᠭᠠᠳ ᠳᠡᠭᠡᠷᠡ ᠨᠢ ᠠᠮᠳᠠᠳᠤ ᠢᠳᠡᠭᠡᠨ᠂ ᠠᠷᠴᠠ ᠬᠦᠵᠢ ᠲᠠᠯᠪᠢᠨᠠ᠃ ᠢᠩᠭᠢᠬᠡᠳ ᠤᠯᠠᠨ ᠢᠶᠠᠷ ᠢᠶᠠᠨ《ᠳᠤᠯᠤᠭᠠᠨ ᠪᠤᠷᠬᠠᠨ》 ᠤ ᠵᠦᠭ | ᠬᠠᠨᠳᠤᠨ ᠮᠦᠷᠬᠦᠵᠦ ᠠᠵᠠ ᠵᠢᠷᠭᠠᠯ᠂ ᠬᠤᠪᠢ ᠵᠠᠶᠠᠭᠠ᠂ ᠦᠯᠵᠡᠢ ᠬᠡᠶᠢᠮᠤᠷᠢ᠂ ᠬᠦᠰᠡᠯ ᠡᠷᠡᠮᠡᠯᠵᠡᠯ ᠢᠶᠠᠨ ᠳᠠᠭᠠᠳᠬᠠᠵᠦ ᠨᠠᠮᠠᠨᠴᠢᠯᠠᠨᠠ᠃ ᠢᠩᠬᠢᠭᠡᠳ ᠰᠡᠷᠵᠢᠮ | ᠡᠷᠭᠦᠬᠦ ᠳᠤ ᠪᠠᠨ ᠲᠤᠯᠤᠭᠠᠨ ᠤᠪᠤᠭᠠ ᠪᠠᠨ ᠳᠤᠭᠤᠷᠢᠭᠤᠯᠵᠦ ᠰᠠᠴᠤᠨᠠ᠃ ᠳᠠᠬᠢᠯᠭᠠ ᠳᠡᠭᠦᠰᠪᠡᠯ ᠳᠤᠯᠤᠭᠠᠨ ᠴᠢᠪᠠᠭᠠ ᠭᠤᠷᠪᠠᠨ ᠪᠤᠭᠤᠷᠰᠤᠭ ᠢ ᠳᠠᠬᠢᠯᠭᠠ ᠶᠢᠨ | ᠬᠡᠰᠢᠭ ᠭᠡᠵᠦ ᠭᠡᠷ ᠲᠤ ᠪᠠᠨ ᠠᠪᠴᠢᠷᠠᠵᠦ ᠳᠠᠶᠠᠭᠠᠷ ᠲᠤ ᠬᠤᠪᠢᠶᠠᠵᠦ ᠠᠮᠰᠠᠭᠤᠯᠤᠨᠠ᠃ ᠭᠡᠪᠡᠴᠦ ᠠᠶᠢᠯ ᠠᠶᠢᠯ ᠪᠠᠰᠠ ᠠᠳᠠᠯᠢ ᠦᠭᠡᠢ ᠪᠠᠶᠢᠳᠠᠭ᠃ ᠵᠠᠷᠢᠮ ᠨᠢ | ᠲᠤᠯᠤᠭᠠᠨ ᠵᠤᠯᠠ ᠨᠤᠴᠤᠭᠠᠨ《ᠳᠤᠯᠤᠭᠠᠨ ᠪᠤᠷᠬᠠᠨ》 ᠤ ᠬᠡᠯᠪᠡᠶᠢᠳᠡᠢ ᠲᠠᠯᠪᠢᠭᠠᠳ ᠮᠦᠷᠭᠦᠵᠦ ᠳᠠᠭᠠᠳᠬᠠᠳᠠᠭ ᠪᠠᠶᠢᠨᠠ᠃ ᠵᠠᠷᠢᠮ ᠨᠢ ᠳᠤᠯᠤᠭᠠᠨ ᠳᠠᠬᠢᠯ ᠵᠠᠰᠠᠵᠦ | ᠭᠤᠤᠯ ᠤᠷᠤᠭᠤᠯᠤᠨ ᠳᠤᠰᠤ ᠬᠢᠵᠦ ᠨᠤᠴᠤᠭᠠᠭᠳ ᠭᠠᠳᠠᠨᠠ ᠠᠪᠠᠴᠢᠵᠦ《ᠳᠤᠯᠤᠭᠠᠨ ᠪᠤᠷᠬᠠᠨ》 ᠤ ᠬᠡᠯᠪᠡᠷᠢᠳᠡᠢ ᠪᠤᠯᠭᠠᠨ ᠲᠠᠯᠪᠢᠭᠠᠳ ᠨᠠᠮᠠᠨᠴᠢᠯᠠᠨ ᠳᠠᠭᠠᠳᠬᠠᠵᠦ | ᠪᠠᠷᠠᠪᠠᠯ ᠡᠨᠡ ᠬᠦ ᠭᠤᠯᠢᠷ ᠢᠶᠠᠷ ᠵᠠᠰᠠᠭᠰᠠᠨ ᠵᠤᠯᠠ ᠪᠠᠨ ᠠᠪᠴᠢᠷᠠᠵᠦ ᠪᠤᠭᠤᠷᠰᠤᠭ ᠠᠳᠠᠯᠢ ᠪᠤᠴᠠᠯᠭᠠᠵᠦ ᠢᠳᠡᠳᠡᠭ ᠪᠠᠶᠢᠨᠠ᠃ ᠪᠠᠰᠠ ᠵᠠᠷᠢᠮ ᠠᠶᠢᠯ ᠰᠢᠷᠤᠢ ᠪᠠᠷ | ᠤᠪᠤᠭᠠᠯᠠᠭᠰᠠᠨ ᠲᠤᠯᠤᠭᠠᠨ ᠵᠢᠵᠢᠭ ᠤᠪᠤᠭᠠᠨ ᠳᠡᠭᠡᠷᠡ ᠬᠦᠵᠢ ᠬᠠᠳᠬᠤᠭᠠᠳ ᠳᠠᠬᠢᠳᠠᠭ ᠴᠤ ᠪᠠᠶᠢᠨᠠ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ ᠵᠠᠷᠢᠮ ᠠᠶᠢᠯ ᠪᠠᠰᠠ ᠰᠢᠨᠡ ᠶᠢᠨ | ᠳᠤᠯᠤᠭᠠᠨ ᠢ《 ᠪᠠᠭᠠ ᠰᠢᠨᠡ》ᠭᠡᠵᠦ ᠦᠵᠡᠨ ᠲᠤᠯᠤᠭᠠᠨ ᠪᠤᠷᠬᠠᠳ ᠲᠤ ᠪᠠᠨ ᠵᠤᠯᠠ ᠡᠷᠭᠦᠵᠦ ᠳᠠᠬᠢᠳᠠᠭ ᠨᠢ ᠴᠤ ᠪᠠᠶᠢᠳᠠᠭ᠃《 ᠳᠤᠯᠤᠭᠠᠨ ᠪᠤᠷᠬᠠᠳ》 ᠤᠨ | ᠵᠤᠯᠠ ᠨᠢ ᠲᠤᠯᠤᠭᠠᠨ ᠲᠤᠯᠤᠭᠠ ᠳᠦᠴᠢ ᠶᠢᠰᠦ᠂ ᠳᠤᠬᠤᠢ ᠢᠯᠡᠭᠦᠦ ᠤᠷᠳᠤ ᠵᠤᠯᠠ ᠪᠠᠶᠢᠳᠠᠭ᠃ | ᠤᠭᠳᠠᠷᠭᠤᠢ ᠳᠦᠭᠦᠷᠡᠩ ᠳᠦᠭᠡᠭᠰᠡᠨ ᠤᠳᠤᠳ ᠤᠨ ᠳᠤᠳᠤᠷᠠ ᠠᠴᠠ ᠤᠨᠴᠠᠯᠠᠨ ᠠᠯᠳᠠᠨ ᠭᠠᠳᠠᠰᠤ ᠤᠳᠤᠨ ᠢ ᠳᠤᠭᠤᠷᠢᠨ ᠡᠷᠭᠢᠯᠳᠤᠵᠦ | ᠪᠠᠶᠢᠭᠠ《ᠳᠤᠬᠢᠭᠤᠷ ᠳᠤᠯᠤᠭᠠᠨ ᠤᠳᠤᠨ》 ᠢ ᠵᠠᠷᠢᠮ ᠨᠢ《ᠳᠤᠯᠤᠭᠠᠨ ᠪᠤᠷᠬᠠᠨ》ᠭᠡᠵᠦ ᠳᠠᠬᠢᠳᠠᠭ ᠪᠠᠶᠢᠨᠠ᠃ ᠵᠠᠷᠢᠮ ᠨᠢ《ᠳᠤᠯᠤᠭᠠᠨ ᠮᠠᠨᠠᠭᠠᠴᠢ | ᠡᠪᠦᠭᠡᠨ》ᠭᠡᠵᠦ ᠳᠠᠬᠢᠳᠠᠭ᠃ ᠪᠠᠰᠠ ᠵᠠᠷᠢᠮ ᠨᠢ《ᠠᠬᠠ ᠳᠡᠭᠦᠦ ᠳᠤᠯᠤᠭᠠᠨ ᠬᠦᠴᠦᠳᠡᠨ》ᠭᠡᠵᠦ ᠳᠠᠶᠢᠯᠪᠤᠷᠢᠯᠠᠨ ᠳᠠᠬᠢᠳᠠᠭ ᠴᠤ ᠪᠤᠢ᠃ | | ᠢᠷᠡᠯᠳᠡ᠄ 《ᠤᠷᠳᠤᠰ ᠰᠤᠶᠤᠯ ᠵᠠᠩ ᠦᠢᠯᠡ》ᠭᠡᠬᠦ ᠨᠤᠮ ᠠᠴᠠ ᠪᠠᠭᠤᠯᠭᠠᠪᠠ᠃ | | |