| ᠤᠪᠤᠭᠠ ᠪᠤᠰᠠᠬᠵᠦ ᠱᠠᠩ ᠳᠠᠷᠤᠬᠤ ᠨᠢ ᠮᠤᠩᠭᠤᠯᠴᠤᠳ ᠡᠬᠡ ᠪᠠᠶᠢᠭᠠᠯᠢ ᠪᠠ ᠨᠤᠳᠤᠭ ᠤᠰᠤ ᠪᠠᠨ ᠳᠠᠬᠢᠵᠦ ᠪᠠᠶᠢᠬᠤ ᠠᠭᠤᠯᠭᠠ ᠲᠠᠢ ᠪᠦᠭᠡᠳ ᠮᠤᠩᠭᠤᠯ | ᠬᠦᠮᠦᠨ ᠬᠦᠬᠡ ᠮᠦᠩᠬᠡ ᠳᠡᠭᠷᠢ ᠶᠢ ᠠᠪᠤ ᠭᠡᠵᠦ᠂ ᠬᠦᠷᠦᠰᠦᠳᠦ ᠠᠯᠳᠠᠨ ᠲᠠᠯᠡᠬᠡᠢ ᠶᠢ ᠡᠵᠢ ᠪᠠᠨ ᠪᠤᠯᠭᠠᠨ ᠰᠢᠳᠦᠳᠡᠭ᠃ ᠲᠡᠦᠬᠡ ᠶᠢᠨ ᠨᠤᠮ ᠪᠢᠴᠢᠭ ᠪᠠ | ᠶᠡᠬᠡᠴᠤᠳ ᠤᠨ ᠶᠠᠷᠢᠵᠦ ᠪᠠᠶᠢᠬᠤ ᠶᠢ ᠦᠨᠳᠦᠰᠦᠯᠡᠪᠡᠯ ᠤᠪᠤᠭᠠ ᠪᠤᠰᠬᠠᠵᠦ ᠱᠠᠩ ᠳᠠᠷᠤᠬᠤ ᠭᠡᠭᠴᠢ ᠲᠡᠶᠢᠮᠦ ᠬᠢᠯᠪᠡᠷ ᠶᠠᠪᠤᠳᠠᠯ ᠪᠢᠰᠢ ᠭᠡᠳᠡᠭ᠃ ᠳᠤᠬᠠᠶᠢᠯᠠᠪᠠᠯ | ᠤᠪᠤᠭᠠᠨ ᠤ ᠱᠠᠩ ᠳᠠᠷᠤᠵᠦ ᠪᠦᠳᠦᠭᠡᠬᠦ ᠳᠤ᠂ ᠠᠯᠳᠠ᠂ ᠮᠦᠩᠭᠦ᠂ ᠨᠤᠮᠢᠨ᠂ ᠱᠢᠷᠦ ᠮᠡᠳᠦ ᠶᠢᠨ ᠡᠷᠳᠡᠨᠢᠰ ᠤᠨ ᠲᠠᠪᠤᠨ ᠵᠦᠢᠯ ᠤᠷᠤᠳᠠᠭ ᠪᠦᠭᠡᠳ ᠲᠤᠷᠭᠠ᠂ | ᠳᠤᠷᠳᠤᠩ᠂ ᠬᠤᠷᠭᠤᠢ᠂ ᠮᠠᠩᠨᠤᠭ᠂ ᠬᠢᠯᠢᠩ ᠮᠡᠳᠦ ᠶᠢᠨ ᠡᠳ᠋ ᠤᠨ ᠲᠠᠪᠤᠨ ᠵᠦᠢᠯ ᠪᠠᠶᠢᠳᠠᠭ᠃ ᠠᠮᠤ᠂ ᠳᠤᠳᠤᠷᠭᠠ᠂ ᠠᠷᠪᠠᠢ᠂ ᠪᠤᠭᠤᠳᠠᠢ᠂ ᠪᠤᠷᠴᠠᠭ ᠵᠡᠷᠭᠡ ᠶᠢᠨ | ᠢᠳᠡᠭᠡᠨ ᠤ ᠲᠠᠪᠤᠨ ᠲᠠᠷᠢᠶᠠ ᠪᠤᠢ᠃ ᠯᠢᠳᠡᠷᠢ᠂ ᠭᠠᠨᠳᠠᠭᠠᠷᠢ᠂ ᠱᠤᠳᠠ᠂ ᠸᠠᠩᠯᠠ᠂ ᠵᠠᠮᠽᠤᠶᠢᠪᠤᠪᠠ ᠮᠡᠳᠦ ᠡᠮ ᠤᠨ ᠲᠠᠪᠤᠨ ᠵᠦᠢᠯ ᠤᠷᠤᠳᠠᠭ᠃ ᠠᠭᠠᠷᠦ᠂ ᠽᠠᠨᠳᠠᠨ᠂ | ᠭᠠᠪᠤᠷ᠂ ᠠᠷᠴᠠ᠂ ᠬᠦᠬᠦᠯ ᠵᠡᠷᠭᠡ ᠦᠨᠦᠷᠳᠤ ᠲᠠᠪᠤᠨ ᠵᠦᠢᠯ ᠤᠷᠤᠳᠠᠭ ᠪᠤᠯᠬᠤᠷ ᠡᠳᠡᠭᠡᠷ ᠪᠦᠬᠦᠨ ᠢ ᠪᠦᠷᠢᠯᠳᠦᠭᠦᠯᠵᠦ᠂ ᠱᠠᠩ ᠳᠠᠷᠤᠨ ᠵᠢᠩᠬᠢᠨᠢ ᠤᠪᠤᠭᠠ ᠪᠤᠯᠭᠠᠨ | ᠪᠤᠰᠬᠠᠵᠦ᠂ ᠠᠮᠢᠯᠠᠭᠤᠯᠤᠨ ᠳᠠᠬᠢᠪᠠᠯ ᠰᠠᠶ᠋ᠢ ᠬᠦᠴᠦᠨ ᠳᠡᠭᠦᠯᠳᠡᠷ ᠭᠡᠵᠦ ᠬᠡᠯᠡᠳᠡᠭ᠃ ᠵᠠᠷᠢᠮ ᠤᠪᠤᠭᠠ ᠶᠢᠨ ᠳᠤᠤᠷᠠ ᠪᠠᠭᠠᠳᠤᠷ ᠵᠠᠩᠵᠤᠨ ᠢ ᠱᠠᠩ ᠳᠠᠷᠤᠵᠦ | ᠪᠤᠰᠬᠠᠳᠠᠭ ᠭᠡᠰᠡᠨ ᠬᠡᠯᠡᠯᠭᠡ ᠪᠤᠢ᠃ ᠡᠶᠢᠮᠦ ᠠᠴᠠ ᠭᠠᠭᠴᠠ ᠰᠦᠰᠦᠭ ᠪᠠᠶᠢᠭᠠᠳ ᠪᠤᠯᠬᠤ ᠪᠢᠰᠢ᠂ ᠨᠦᠭᠦᠴᠡᠯ ᠪᠦᠷᠢᠯᠳᠦᠬᠦ ᠶᠢ ᠱᠠᠭᠠᠷᠳᠠᠨᠠ᠃ ᠤᠪᠤᠭᠠ ᠳᠠᠬᠢᠬᠤ | ᠴᠠᠭ ᠢᠶᠠᠨ ᠪᠠᠷᠢᠮᠳᠠᠯᠠᠬᠤ ᠶᠢ ᠱᠠᠭᠠᠷᠳᠠᠵᠦ ᠤᠪᠤᠭᠠ ᠶᠢ ᠡᠷᠬᠡᠪᠰᠢ ᠦᠳᠡ ᠶᠢᠨ ᠡᠮᠦᠨᠡ ᠳᠠᠬᠢᠳᠠᠭ᠃ ᠰᠤᠭ ᠳᠡᠭᠡᠵᠢ᠂ ᠰᠦᠰᠦᠭ᠂ ᠨᠦᠭᠦᠴᠡᠯ᠂ ᠴᠠᠭ ᠲᠦᠷᠪᠡ | ᠤᠶᠠᠯᠳᠤᠪᠠᠯ ᠰᠠᠶ᠋ᠢ ᠴᠢᠨᠤ ᠤᠪᠤᠭᠠ ᠳᠠᠬᠢᠯᠭᠠ ᠬᠦᠴᠦᠨ ᠳᠡᠭᠦᠯᠳᠡᠷ ᠪᠦᠭᠡᠳ ᠠᠯᠢᠪᠠ ᠪᠦᠬᠦᠨ ᠤᠷᠤᠭᠰᠢᠳᠡᠢ ᠭᠡᠵᠦ ᠬᠡᠯᠡᠳᠡᠭ᠃ | | |