| ︽ᠠᠮᠢᠳᠦᠷᠠᠯ ᠬᠠᠶᠢᠷᠡ ᠳᠡᠭᠡᠷᠡ ᠳᠤᠭᠲᠠᠳᠠᠭ︾ ᠭᠡᠳᠡᠭ ᠢᠶᠠᠷ᠂ ᠬᠠᠶᠢᠷᠡ ᠶᠢᠨ ᠬᠦᠴᠦᠨ ᠳᠤ ᠳᠡᠯᠡᠬᠡᠢ ᠭᠡᠭᠡᠷᠡᠵᠤ᠂ ᠬᠠᠯᠠᠮᠵᠢ ᠶᠢᠨ ᠲᠤᠶᠠᠭᠠᠨ ᠳᠤ ᠬᠦᠮᠦᠨ | ᠪᠠᠶᠠᠰᠦᠨᠡ᠃ ᠤᠲᠤᠭ ᠤᠨ ᠡᠮᠦᠨᠡᠲᠦ ᠬᠤᠰᠢᠭᠤᠨ ᠤ ᠨᠠᠩᠰᠦ ᠪᠠᠯᠭᠠᠰᠦ ᠶᠢᠨ ᠰᠢᠷᠬᠠᠤᠰᠢᠭᠤ ᠭᠠᠴᠠᠭᠠᠨ ᠳᠤ ᠪᠤᠰᠤᠳ ᠢ ᠳᠤᠰᠠᠯᠠᠬᠤ ᠪᠠᠷ ᠵᠢᠷᠭᠠᠯ ᠢᠶᠠᠨ ᠪᠤᠯᠭᠠᠳᠠᠭ | ᠵᠢᠷ ᠤᠨ ᠨᠢᠭᠡᠨ ᠮᠠᠯᠴᠢᠨ ᠪᠤᠢ᠂ ᠲᠡᠬᠦᠨ ᠤ ᠨᠡᠷᠡ ᠶᠢ ᠳᠤᠷᠠᠰᠬᠠᠯᠲᠦ ᠭᠡᠳᠡᠭ᠃ | ᠳᠤᠷᠠᠰᠬᠠᠯᠲᠦ 2014 ᠤᠨ ᠠᠴᠠ ᠡᠬᠢᠯᠡᠨ ᠬᠠᠭᠤᠴᠢᠨ ᠬᠤᠪᠴᠠᠰᠦ ᠬᠤᠨᠠᠷ ᠢ ᠴᠤᠭᠯᠠᠭᠤᠯᠵᠤ᠂ ᠶᠠᠳᠠᠭᠤ ᠬᠦᠴᠢᠷᠳᠡᠯᠲᠡᠢ ᠭᠠᠵᠠᠷ ᠤᠷᠤᠨ ᠤ ᠬᠡᠤᠬᠡᠳ ᠲᠤ | ᠬᠠᠨᠳᠢᠪᠯᠡᠨ ᠢᠯᠡᠭᠡᠵᠡᠢ᠃ ᠡᠳᠡᠭᠡᠷ ᠵᠢᠯ ᠳᠤ ᠲᠡᠷᠡ ᠤᠷᠢᠳ ᠬᠤᠵᠢᠳ ᠮᠤᠩᠭᠤᠯ ᠤᠯᠤᠰ᠂ ᠭᠠᠨᠰᠦ᠂ ᠬᠦᠬᠡᠨᠠᠭᠤᠷ᠂ ᠲᠦᠪᠡᠳ᠂ ᠰᠧᠴᠤᠸᠠᠨ ᠵᠡᠷᠭᠡ ᠭᠠᠵᠠᠷ | ᠤᠷᠤᠨ ᠤ ᠠᠮᠢᠳᠦᠷᠠᠯ ᠬᠦᠴᠢᠷᠳᠡᠯᠲᠡᠢ ᠬᠡᠤᠬᠡᠳ ᠲᠤ 10 ᠲᠦᠮᠡ ᠢᠯᠡᠬᠦᠦ ᠡᠳ᠋ ᠪᠤᠳᠠᠰ ᠬᠠᠨᠳᠢᠪᠯᠠᠪᠠ᠃ | ︽ᠵᠠᠮ ᠤᠨ ᠬᠠᠵᠠᠭᠤ ᠪᠠᠷ ᠬᠠᠶᠠᠭᠳᠠᠭᠰᠠᠨ ᠬᠠᠭᠤᠴᠢᠨ ᠬᠤᠪᠴᠠᠰᠦ ᠬᠤᠨᠠᠷ ᠢ ᠦᠵᠡᠭᠡᠳ ᠬᠠᠶᠢᠷᠠᠨ ᠰᠠᠨᠠᠭᠳᠠᠵᠤ᠂ ᠲᠡᠳᠡᠭᠡᠷ ᠢ ᠠᠮᠢᠳᠦᠷᠠᠯ ᠬᠦᠴᠢᠷᠳᠡᠯᠲᠡᠢ | ᠬᠦᠮᠦᠰ ᠲᠤ ᠥᠭᠴᠢᠭᠡᠪᠡᠯ ᠶᠠᠮᠠᠷ ᠰᠠᠶᠢᠬᠠᠨ ᠪᠤᠢ ᠬᠡᠵᠤ ᠪᠤᠳᠤᠭᠠᠳ ᠡᠨᠡ ᠬᠦ ᠠᠵᠢᠯ ᠢᠶᠠᠨ ᠡᠬᠢᠯᠡᠵᠤ ᠬᠢᠵᠡᠢ᠃ ᠰᠠᠶ᠋ᠢ ᠡᠬᠢᠯᠡᠩᠬᠦᠳᠡ ᠬᠠᠭᠤᠴᠢᠨ ᠬᠤᠪᠴᠠᠰᠦ | ᠬᠤᠨᠠᠷ ᠢ ᠴᠤᠭᠯᠠᠭᠤᠯᠤᠭᠰᠠᠨ ᠤ ᠳᠠᠷᠠᠭᠠ ᠬᠡᠨ ᠳᠤ ᠥᠭᠬᠦ᠂ ᠬᠠᠮᠢᠭᠠ ᠠᠪᠠᠴᠢᠬᠤ ᠪᠢᠯᠡ ᠭᠡᠵᠤ ᠪᠠᠰᠠ ᠲᠤᠯᠤᠭᠠᠢ ᠡᠪᠡᠳᠴᠦ ᠪᠠᠶᠢᠭᠰᠠᠨ᠃ ᠳᠡᠭᠡᠭᠡᠳ ᠭᠠᠷ | ᠤᠲᠠᠰᠦ ᠪᠠᠷ ᠲᠠᠮᠵᠢᠨ ᠵᠤᠷᠢᠯᠲᠠ ᠨᠢᠭᠡᠲᠡᠢ ᠬᠦᠮᠦᠰ ᠲᠠᠢ ᠲᠠᠨᠢᠯᠴᠠᠵᠤ᠂ ᠤᠯᠠᠨ ᠤ ᠬᠦᠴᠦ ᠪᠠᠷ ᠡᠳᠡᠭᠡᠷ ᠬᠤᠪᠴᠠᠰᠦ ᠬᠤᠨᠠᠷ ᠢᠶᠠᠨ ᠭᠠᠳᠠᠭᠰᠢ ᠬᠠᠨᠳᠢᠪᠯᠡᠨ | ᠶᠠᠪᠤᠭᠤᠯᠬᠤ ᠪᠤᠯᠵᠡᠢ᠃ ᠪᠢ ᠴᠤᠭᠯᠠᠭᠤᠯᠤᠭᠰᠠᠨ ᠬᠤᠪᠴᠠᠰᠦ ᠪᠠᠨ ᠤᠬᠢᠶᠠᠵᠤ ᠠᠷᠢᠭᠤᠳᠬᠠᠭᠰᠠᠨ ᠤ ᠳᠠᠷᠠᠭᠠ ᠤᠷᠢᠳ ᠢᠶᠠᠷ ᠬᠦᠯᠦᠨ ᠪᠤᠶᠢᠷ᠂ ᠰᠢᠯᠢ ᠶᠢᠨ ᠭᠤᠤᠯ | ᠵᠡᠷᠭᠡ ᠭᠠᠵᠠᠷ ᠲᠤ ᠠᠪᠠᠴᠢᠵᠤ᠂ ᠳᠠᠬᠢᠭᠠᠳ ᠴᠠᠭᠠᠰᠢ ᠪᠠᠨ ᠮᠤᠩᠭᠤᠯ ᠤᠯᠤᠰ ᠲᠤ ᠭᠤᠪᠢᠭᠤᠯᠳᠠᠭ︾ ᠭᠡᠵᠤ ᠳᠤᠷᠠᠰᠬᠠᠯᠲᠦ ᠶᠠᠷᠢᠯᠡ᠃ | 2019 ᠤᠨ ᠳᠤ ᠳᠤᠷᠠᠰᠬᠠᠯᠲᠦ ᠶᠢᠨ ᠨᠥᠯᠥᠭᠡᠯᠡᠯ ᠳᠤᠤᠷᠡ ᠤᠳᠤᠭ ᠤᠨ ᠡᠮᠦᠨᠡᠲᠦ ᠬᠤᠰᠢᠭᠤᠨ ᠤ ᠬᠡᠤᠬᠡᠳ ᠪᠠᠭᠠᠴᠤᠳ ᠤᠨ ᠬᠦᠳᠡᠯᠭᠡᠭᠡᠨ ᠤ ᠲᠦᠪ ᠠᠴᠠ | ᠨᠡᠶᠢᠲᠡ ᠶᠢᠨ ᠠᠰᠠᠷᠠᠮᠵᠢ ᠶᠢᠨ ᠨᠡᠶᠢᠬᠡᠮᠯᠢᠭ ᠢ ᠪᠠᠶᠢᠭᠤᠯᠪᠠ᠃ ᠳᠤᠷᠠᠰᠬᠠᠯᠲᠦ ᠴᠢᠯᠥᠭᠡ ᠵᠠᠪ ᠲᠠᠭᠠᠷᠠᠪᠠᠯ ᠨᠡᠶᠢᠬᠡᠮᠯᠢᠭ ᠲᠤ ᠤᠴᠢᠵᠤ ᠥᠪᠡᠷ ᠤᠨ ᠪᠤᠶᠠᠨ ᠤ | ᠠᠵᠢᠯᠯᠠᠭᠠ ᠪᠠᠨ ᠳᠠᠶᠠᠭᠠᠷ ᠲᠠᠢ ᠬᠤᠪᠢᠶᠠᠯᠴᠠᠳᠠᠭ ᠪᠢᠯᠡ᠃ ᠬᠢᠵᠢᠭ ᠤᠨ ᠨᠥᠯᠥᠭᠡ ᠠᠴᠠ ᠪᠤᠯᠵᠤ᠂ ᠡᠨᠡ ᠬᠤᠶᠠᠷ ᠵᠢᠯ ᠳᠤᠷᠠᠰᠬᠠᠯᠲᠦ ᠴᠤᠭᠯᠠᠭᠤᠯᠤᠭᠰᠠᠨ ᠬᠠᠭᠤᠴᠢᠨ | ᠬᠤᠪᠴᠠᠰᠦ ᠬᠤᠨᠠᠷ ᠢᠶᠠᠨ ᠢᠯᠡᠭᠡᠬᠦ ᠪᠠᠨ ᠲᠦᠷ ᠵᠤᠭᠰᠦᠭᠠᠵᠤ᠂ ᠬᠤᠪᠴᠠᠰᠦᠨ ᠤᠢᠢᠯᠡᠳᠪᠦᠷᠢ ᠲᠠᠢ ᠬᠠᠷᠢᠯᠴᠠᠨ ᠰᠢᠨᠡ ᠬᠤᠪᠴᠠᠰᠦ ᠬᠤᠨᠠᠷ ᠬᠤᠳᠠᠯᠳᠤᠨ ᠠᠪᠴᠦ | ᠬᠡᠤᠬᠡᠳ ᠲᠤ ᠭᠤᠪᠢᠭᠤᠯᠳᠠᠭ ᠪᠤᠯᠵᠡᠢ᠃ ︽ᠤᠳᠤᠬᠠᠨ ᠳᠤ ᠨᠡᠶᠢᠬᠡᠮᠯᠢᠭ ᠲᠤ 100 ᠭᠠᠷᠦᠢ ᠭᠡᠰᠢᠬᠦᠨ ᠲᠠᠢ᠃ ᠤᠯᠠᠨ ᠢᠶᠠᠷ ᠢᠶᠠᠨ ᠮᠥᠡᠭᠬᠦ ᠪᠠᠨ ᠴᠤᠭᠯᠠᠭᠤᠯᠤᠨ | ᠰᠢᠨᠡ ᠬᠤᠪᠴᠠᠰᠦ ᠱᠠᠬᠠᠢ᠂ ᠪᠢᠴᠢᠭ ᠤᠨ ᠬᠡᠷᠡᠭᠰᠡᠯ ᠬᠤᠳᠠᠯᠳᠤᠨ ᠠᠪᠴᠦ ᠰᠢᠭᠤᠳ ᠶᠠᠳᠠᠭᠤ ᠬᠦᠴᠢᠷᠳᠡᠯᠲᠡᠢ ᠭᠠᠵᠠᠷ ᠤᠷᠤᠨ ᠤ ᠰᠤᠷᠭᠠᠭᠤᠯᠢ ᠳᠤ ᠬᠠᠨᠳᠢᠪᠯᠠᠳᠠᠭ︾ | ᠭᠡᠵᠤ ᠳᠤᠷᠠᠰᠬᠠᠯᠲᠦ ᠶᠠᠷᠢᠪᠠ᠃ | ᠨᠡᠶᠢᠬᠡᠮᠯᠢᠭ ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠤ ᠳᠠᠷᠠᠭᠠ ᠬᠤᠰᠢᠭᠤᠨ ᠤ ᠬᠡᠳᠤᠨ ᠮᠤᠩᠭᠤᠯ ᠰᠤᠷᠭᠠᠭᠤᠯᠢ᠂ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠳᠤ ᠠᠮᠠᠪᠴᠢ᠂ ᠠᠷᠢᠭᠤᠳᠬᠠᠬᠤ | ᠰᠢᠩᠭᠡᠨ ᠵᠡᠷᠭᠡ ᠡᠳ᠋ ᠪᠤᠳᠠᠰ ᠬᠠᠨᠳᠢᠪᠯᠠᠭᠰᠡᠨ ᠪᠦᠭᠡᠳ ᠬᠦᠬᠡᠨᠠᠭᠤᠷ ᠮᠤᠵᠢ ᠶᠢᠨ ᠠᠩ ᠨᠤᠤ ᠼᠦᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠪᠤᠯᠤᠨ ᠦᠨᠦᠴᠢᠨ ᠬᠡᠤᠬᠡᠳ ᠤᠨ | ᠠᠰᠠᠷᠠᠮᠵᠢ ᠶᠢᠨ ᠰᠤᠷᠭᠠᠭᠤᠯᠢ ᠳᠤ ᠲᠠᠮᠢᠷ ᠤᠨ ᠬᠤᠪᠴᠠᠰᠦ᠂ ᠱᠠᠬᠠᠢ᠂ ᠪᠢᠴᠢᠭ ᠤᠨ ᠬᠡᠷᠡᠭᠰᠡᠯ᠂ ᠨᠤᠮ ᠰᠤᠳᠤᠷ ᠵᠡᠷᠭᠡ ᠡᠳ᠋ ᠪᠤᠳᠠᠰ ᠢ ᠬᠠᠨᠳᠢᠪᠯᠠᠨ ᠢᠯᠡᠭᠡᠭᠰᠡᠨ | ᠪᠠᠶᠢᠨᠡ᠃ ᠳᠤᠷᠠᠰᠬᠠᠯᠲᠦ᠄ ︽ᠰᠤᠷᠭᠠᠭᠤᠯᠢ ᠶᠢᠨ ᠲᠠᠯᠡ ᠠᠴᠠ ᠡᠳᠡᠭᠡᠷ ᠡᠳ᠋ ᠪᠤᠳᠠᠰ ᠢ ᠬᠦᠯᠢᠶᠡᠨ ᠠᠪᠴᠦ ᠰᠤᠷᠤᠬᠴᠢ ᠳᠠᠭᠠᠨ ᠬᠤᠪᠢᠶᠠᠬᠤ ᠳᠤ ᠵᠢᠷᠤᠬ ᠰᠡᠬᠦᠳᠡᠷ᠂ | ᠰᠢᠩᠬᠡᠭᠡᠯᠲᠡ ᠬᠢᠵᠤ ᠵᠢᠷᠬᠢᠶᠡ ᠪᠠᠷ ᠨᠡᠮᠡ ᠳᠤ ᠶᠠᠪᠤᠭᠤᠯᠳᠠᠭ᠃ ᠪᠢ ᠳᠠᠬᠢᠭᠠᠳ ᠡᠳᠡᠭᠡᠷ ᠢ ᠨᠡᠶᠢᠬᠡᠮᠯᠢᠭ ᠤᠨ ᠬᠡᠰᠢᠬᠦᠳ ᠲᠠᠢ ᠪᠠᠨ ᠬᠤᠪᠢᠶᠠᠯᠴᠠᠳᠠᠭ᠃ ᠡᠨᠡ ᠬᠦ | ᠠᠵᠢᠯᠯᠠᠭᠠ ᠳᠤᠭᠲᠠᠭᠰᠠᠨ ᠬᠤᠭᠤᠴᠠᠭᠠ ᠭᠡᠵᠤ ᠦᠭᠡᠢ᠂ ᠲᠡᠳᠡ ᠶᠠᠮᠠᠷ ᠴᠢᠬᠤᠯᠠ ᠤᠴᠢᠷ ᠪᠠᠶᠢᠪᠠᠯ ᠨᠡᠮᠡ ᠪᠠᠷ ᠳᠠᠮᠵᠢᠨ ᠨᠡᠶᠢᠬᠡᠮᠯᠢᠭ ᠲᠠᠢ ᠬᠠᠷᠢᠯᠴᠠᠳᠠᠭ᠂ ᠪᠢᠳᠠ | ᠴᠢᠳᠠᠯ ᠤᠨ ᠬᠢᠷᠢ ᠪᠠᠷ ᠪᠡᠶᠡᠯᠡᠬᠦᠯᠵᠤ ᠥᠭᠳᠡᠭ ᠶᠤᠮ︾ ᠭᠡᠵᠤ ᠶᠠᠷᠢᠯᠡ᠃ ᠲᠦᠷᠦᠬᠦᠭᠡᠨ᠂ ᠠᠩ ᠨᠤᠤ ᠼᠦᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠠᠴᠠ ᠲᠤᠰᠬᠠᠢᠢᠯᠠᠨ ᠡᠳᠡᠨ ᠳᠤ | ᠬᠡᠮᠡᠷᠯᠢᠭ ᠲᠤᠭ ᠪᠡᠯᠡᠭᠯᠡᠵᠤ᠂ ᠲᠠᠯᠠᠷᠬᠠᠯ ᠤᠨ ᠰᠡᠳᠬᠢᠯ ᠢᠶᠠᠨ ᠢᠯᠡᠳᠭᠡᠵᠡᠢ᠃ | ᠤᠷᠴᠢᠮ ᠤᠨ ᠵᠢᠯ ᠠᠴᠠ ᠳᠤᠷᠠᠰᠬᠠᠯᠲᠦ ᠥᠪᠡᠷ ᠢᠶᠠᠨ ᠰᠡᠳᠬᠢᠴᠡ ᠵᠦᠢ ᠰᠤᠷᠤᠯᠴᠠᠵᠤ᠂ ᠰᠤᠷᠭᠠᠭᠤᠯᠢ ᠪᠠᠷ ᠶᠠᠪᠤᠬᠤ ᠳᠠᠭᠠᠨ ᠰᠤᠷᠤᠬᠴᠢ ᠨᠠᠷ ᠲᠤ | ᠰᠡᠳᠬᠢᠴᠡ ᠶᠢᠨ ᠬᠢᠴᠢᠶᠡᠯ ᠤᠷᠤᠳᠠᠭ ᠪᠠᠶᠢᠨᠡ᠃ ᠬᠢᠵᠢᠭ ᠳᠡᠯᠭᠡᠷᠡᠬᠦ ᠠᠴᠠ ᠡᠮᠦᠨᠡ ᠲᠡᠷᠡ ᠦᠷᠬᠦᠯᠵᠢ ᠰᠤᠷᠤᠭᠴᠢᠳ ᠢ ᠵᠤᠬᠢᠶᠠᠨ ᠪᠠᠶᠢᠭᠤᠯᠵᠤ᠂ ᠦᠨᠦᠴᠢᠨ | ᠬᠡᠤᠬᠡᠳ ᠤᠨ ᠬᠦᠷᠢᠶᠡᠯᠡᠩ ᠳᠤ ᠤᠴᠢᠵᠤ ᠨᠡᠶᠢᠲᠡ ᠶᠢᠨ ᠠᠰᠠᠷᠠᠮᠵᠢ ᠶᠢᠨ ᠠᠵᠢᠯᠯᠠᠭᠠ ᠶᠢ ᠥᠷᠨᠢᠬᠦᠯᠳᠡᠭ᠃ | ᠡᠨᠡ ᠳᠤᠯᠤᠭᠠᠨ ᠵᠢᠯ ᠳᠤ ᠳᠤᠷᠠᠰᠬᠠᠯᠲᠦ ᠴᠤᠭᠯᠠᠭᠤᠯᠤᠭᠰᠠᠨ ᠬᠠᠭᠤᠴᠢᠨ ᠬᠤᠪᠴᠠᠰᠦ ᠬᠤᠨᠠᠷ ᠢᠶᠠᠨ ᠴᠦᠮ ᠥᠪᠡᠷ ᠢᠶᠠᠨ ᠤᠬᠢᠶᠠᠵᠤ ᠠᠷᠢᠭᠤᠳᠬᠠᠨ᠂ | ᠮᠥᠡᠭᠬᠦ ᠭᠠᠷᠭᠠᠨ ᠭᠤᠪᠢᠭᠤᠯᠳᠠᠭ ᠪᠢᠯᠡ᠃ ᠡᠳᠤᠭᠡ ᠪᠤᠯᠳᠠᠯᠡ ᠬᠡᠳᠤᠢ ᠵᠤᠭᠤᠰ ᠵᠠᠷᠦᠴᠠᠭᠤᠯᠤᠭᠰᠠᠨ ᠢᠶᠠᠨ ᠲᠡᠷᠡ ᠥᠪᠡᠷ ᠢᠶᠠᠨ ᠪᠠᠰᠠ ᠰᠠᠶᠢᠨ ᠮᠡᠳᠡᠬᠦ ᠦᠭᠡᠢ᠃ ︽ | ᠬᠡᠤᠬᠡᠳ ᠤᠨ ᠬᠤᠪᠴᠠᠰᠦ ᠬᠤᠨᠠᠷ᠂ ᠪᠢᠴᠢᠭ ᠰᠤᠳᠤᠷ ᠭᠠᠷᠳᠠᠵᠤ ᠠᠪᠬᠤ ᠳᠤ ᠨᠢᠭᠤᠷ ᠳᠡᠭᠡᠷᠡ ᠨᠢ ᠳᠤᠲᠤᠷᠠᠭᠰᠠᠨ ᠢᠨᠢᠶᠡᠳᠤ ᠮᠦᠰᠢᠶᠡᠯ ᠪᠤᠯ ᠮᠢᠨᠦ ᠬᠠᠮᠤᠭ ᠤᠨ | ᠶᠡᠭᠡ ᠬᠦᠳᠡᠯᠭᠡᠬᠦ ᠬᠦᠴᠦᠨ ᠪᠤᠯᠤᠨᠡ᠃ ᠡᠨᠡ ᠬᠦ ᠠᠵᠢᠯᠯᠠᠭᠠ ᠪᠠᠨ ᠪᠢ ᠨᠠᠰᠦᠨ ᠲᠤᠷᠰᠢᠳᠠ ᠪᠠᠷᠢᠮᠲᠠᠯᠠᠨᠡ︾ ᠭᠡᠵᠤ ᠳᠤᠷᠠᠰᠬᠠᠯᠲᠦ ᠢᠨᠢᠶᠡᠮᠰᠦᠭᠯᠡᠨ ᠶᠠᠷᠢᠯᠡ᠃ | | | | | ᠲᠤᠷᠠᠰᠬᠠᠯᠳᠤ ᠬᠦᠤ ᠲᠠᠢ ᠪᠠᠨ | |