| | ᠴᠠᠭᠠᠬᠠᠨ ᠴᠢᠷᠠᠢ ᠲᠠᠢ᠂ ᠴᠢᠷᠠᠶᠢᠯᠢᠭ ᠵᠢᠰᠦ ᠲᠠᠢ ᠡᠨᠡ ᠬᠥᠮᠥᠨ ᠢ ᠤᠨᠳᠤᠷᠮᠠ ᠭᠡᠳᠡᠭ᠃ ᠲᠡᠷᠡ ᠪᠣᠯ ᠦᠦᠰᠢᠨ ᠬᠤᠰᠢᠭᠤᠨ ᠤ ᠲᠤᠭ ᠪᠠᠯᠭᠠᠰᠤᠨ ᠤ | ᠮᠠᠶᠢᠷᠠᠨᠰᠦ᠋ᠮᠠ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠪᠦᠰᠡᠭᠦᠢ᠃ ᠮᠥᠨᠴᠦ ᠨᠠᠰᠤ ᠪᠠᠷ ᠢᠶᠠᠨ ᠴᠠᠮ ᠤᠨ ᠪᠠᠭ ᠬᠢᠬᠦ᠂ ᠪᠤᠷᠬᠠᠨ ᠤ ᠬᠦᠷᠦᠭ ᠢ ᠱᠤᠭᠤᠬᠤ᠂ ᠬᠠᠳᠬᠤᠮᠠᠯ ᠤᠷᠠᠯᠠᠯ | ᠵᠡᠷᠭᠡ ᠳᠤ ᠴᠠᠭᠠᠷᠠᠵᠤ ᠶᠠᠪᠤᠭᠰᠠᠨ ᠤᠷᠠᠯᠢᠭᠴᠢᠨ ᠪᠦᠰᠡᠭᠦᠢ ᠪᠠᠶᠢᠭᠠ᠃ | ᠲᠠᠪᠢᠨ ᠨᠠᠰᠤ ᠶᠢ ᠳᠠᠪᠠᠵᠤ ᠶᠠᠪᠤᠭᠠ ᠤᠨᠳᠤᠷᠮᠠ ᠦᠨᠡᠬᠡᠷ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠮᠠᠯ ᠤᠨ ᠮᠥᠷ ᠤᠨ ᠲᠣᠭᠤᠰᠣᠨ ᠳᠤ ᠬᠠᠴᠠᠷ ᠢᠶᠠᠨ ᠪᠣᠷᠣᠯᠠᠭᠤᠯᠤᠨ | ᠶᠠᠪᠤᠵᠤ ᠪᠠᠶᠢᠭᠰᠠᠨ ᠬᠥᠳᠡᠭᠡ ᠶᠢᠨ ᠮᠠᠯᠴᠢᠨ ᠭᠡᠯᠡ ᠴᠤ ᠯᠠᠮᠠ ᠭᠠᠷᠤᠯ ᠲᠠᠢ ᠠᠪᠤ ᠶᠢᠨ ᠢᠶᠠᠨ ᠨᠥᠯᠥᠭᠡᠨ ᠳᠣᠣᠷᠠ ᠰᠦᠮᠡ ᠬᠡᠶᠢᠳ ᠤᠨ ᠬᠠᠮᠢᠶᠠ ᠲᠠᠢ ᠠᠷᠪᠢᠨ | ᠵᠦᠢᠯ ᠤᠨ ᠶᠠᠭᠤᠮᠠ ᠶᠢ ᠰᠤᠷᠴᠤ ᠶᠠᠪᠤᠭᠰᠠᠨ ᠶᠤᠮ᠃ | ᠪᠢᠳᠡ ᠲᠤᠭ ᠪᠠᠯᠭᠠᠰᠤᠨ ᠳᠡᠭᠡᠷᠡ ᠬᠦᠷᠬᠦ ᠳᠤ ᠤᠨᠳᠤᠷᠮᠠ ᠶᠢᠨ ᠬᠢ ᠭᠡᠵᠦ 200 ᠭᠠᠷᠤᠢ ᠲᠡᠭᠰᠢ ᠳᠥᠷᠪᠡᠯᠵᠢᠨ ᠮᠧᠲᠷ ᠤᠨ ᠲᠡᠭᠰᠢ ᠪᠠᠶᠢᠰᠢᠩ ᠬᠠᠷᠠᠭᠳᠠᠵᠤ᠂ | ᠭᠡᠷ ᠳᠣᠲᠣᠷᠠ ᠨᠢ ᠡᠯᠳᠡᠪ ᠵᠦᠢᠯ ᠤᠨ ᠴᠠᠮ ᠤᠨ ᠪᠠᠭ᠂ ᠴᠠᠮ ᠤᠨ ᠬᠤᠪᠴᠠᠰᠤ᠂ ᠬᠠᠳᠬᠤᠮᠠᠯ ᠤᠷᠠᠯᠠᠯ ᠤᠨ ᠪᠦᠲᠦᠭᠡᠯ ᠢ ᠪᠦᠷ ᠰᠢᠯ ᠯᠠᠩᠭᠤᠢ ᠳᠣᠲᠣᠷᠠ ᠲᠣᠬᠢᠲᠠᠢ | ᠪᠠᠶᠢᠷᠢᠯᠠᠭᠤᠯᠵᠤ ᠮᠠᠯᠴᠢᠨ ᠠᠶᠢᠯ ᠤᠨ ︽ᠮᠦᠽᠧᠢ︾ ᠶᠢ ᠪᠦᠷᠢᠯᠳᠦᠭᠦᠯᠵᠡᠢ᠃ ᠤᠨᠳᠤᠷᠮᠠ ᠶᠢᠨ ᠬᠡᠯᠡᠬᠦ ᠪᠠᠷ ᠲᠡᠳᠡᠨ ᠤ ᠬᠢᠨ ᠬᠡᠳᠦᠨ ᠵᠢᠯ ᠤᠨ ᠡᠮᠦᠨᠡ ᠵᠢᠷᠠ ᠲᠠᠯᠠᠨ | ᠲᠦᠮᠡᠨ ᠲᠥᠭᠦᠷᠢᠭ ᠵᠠᠷᠤᠴᠠᠭᠤᠯᠵᠤ ᠲᠤᠭ ᠪᠠᠯᠭᠠᠰᠤᠨ ᠤ ᠬᠠᠭᠤᠴᠢᠨ ᠭᠡᠷ ᠤᠨ ᠪᠠᠭᠤᠷᠢ ᠳᠡᠭᠡᠷᠡ ᠪᠠᠨ ᠡᠨᠡᠬᠦ ᠲᠡᠭᠰᠢ ᠪᠠᠶᠢᠰᠢᠩ ᠢ ᠪᠠᠶᠢᠭᠤᠯᠵᠤ᠂ ᠲᠤᠰᠬᠠᠶᠢᠯᠠᠨ ᠬᠢᠵᠦ | ᠪᠦᠲᠦᠭᠡᠭᠰᠡᠨ ᠪᠦᠲᠦᠭᠡᠯ ᠤᠳ ᠢᠶᠠᠨ ᠳᠡᠯᠭᠡᠨ ᠦᠵᠡᠭᠦᠯᠬᠦ ᠳᠤ ᠪᠡᠯᠡᠳᠬᠡᠭᠰᠡᠨ ᠶᠤᠮ ᠭᠡᠨᠡ᠃ | ᠪᠢᠳᠡᠨ ᠢ ᠬᠠᠯᠠᠭᠤᠮᠰᠤᠭ ᠢᠶᠠᠷ ᠤᠭᠲᠤᠨ ᠠᠪᠤᠭᠰᠠᠨ ᠤᠨᠳᠤᠷᠮᠠ ᠪᠢᠳᠡᠨ ᠳᠤ ᠴᠠᠢ ᠠᠶᠠᠭᠠᠯᠠᠬᠤ ᠶᠢᠨ ᠬᠠᠮᠲᠤ ᠦᠭᠡ ᠶᠢᠨ ᠰᠡᠵᠢᠭᠦᠷ ᠡᠯᠭᠦᠬᠦ ᠳᠡᠭᠡᠨ᠄ ︽ | ᠮᠠᠨᠠᠶᠢᠬᠢᠨ ᠴᠠᠮ ᠤᠨ ᠪᠠᠭ ᠢ ᠬᠢᠭᠡᠳ ᠲᠠᠪᠤᠨ ᠦᠶᠡ ᠪᠣᠯᠵᠤ ᠪᠠᠶᠢᠨᠠ᠃ ᠪᠢ ᠠᠷᠪᠠᠨ ᠲᠤᠯᠤᠭᠠ ᠨᠠᠢᠮᠠᠨ ᠨᠠᠰᠤᠨ ᠠᠴᠠ ᠪᠠᠨ ᠠᠪᠤ ᠶᠢᠨ ᠬᠠᠵᠠᠭᠤ ᠬᠠᠪᠢ ᠪᠠᠷ | ᠡᠷᠭᠢᠴᠡᠵᠦ᠂ ᠨᠠᠭᠠᠯᠲᠠ ᠡᠨᠡ ᠲᠡᠷᠡ ᠶᠢ ᠨᠢ ᠴᠢᠨᠠᠬᠤ ᠭᠡᠬᠦ ᠮᠡᠲᠦ ᠪᠠᠷ ᠠᠵᠢᠯ ᠳᠤ ᠨᠢ ᠬᠠᠮᠵᠢᠵᠤ ᠪᠠᠶᠢᠭᠰᠠᠨ ᠶᠤᠮ᠃ ᠨᠢᠭᠡ ᠮᠡᠳᠡᠬᠦ ᠳᠤ 30 ᠵᠢᠯ ᠤᠨ ᠨᠢᠭᠤᠷ ᠢ | ᠦᠵᠡᠴᠢᠬᠡᠯᠡ︾ ᠭᠡᠯᠡ᠃ | | | | | | ᠲᠠᠶᠢᠮᠤ ᠠ᠋᠂ ᠤᠨᠳᠤᠷᠮᠠ ᠶᠢᠨ ᠠᠩᠬᠠᠨ ᠤ ᠪᠠᠭᠰᠢ ᠪᠣᠯ ᠠᠪᠤ ᠨᠢ ᠪᠠᠶᠢᠬᠤ ᠤᠴᠢᠷᠲᠠᠢ᠃ ᠭᠡᠪᠡᠴᠦ ᠬᠥᠮᠥᠨ ᠬᠥᠮᠥᠨ ᠤ ᠬᠤᠪᠢ ᠲᠠᠪᠢᠯᠠᠩ ᠠᠳᠠᠯᠢ | ᠦᠭᠡᠢ ᠶᠢᠨ ᠤᠴᠢᠷ ᠢᠶᠠᠷ ᠤᠨᠳᠤᠷᠮᠠ ᠶᠢᠨ ᠠᠪᠤ ᠨᠢ ᠡᠷᠲᠡ ᠨᠠᠰᠤ ᠪᠠᠷᠠᠭᠰᠠᠨ ᠠᠴᠠ ᠤᠨᠳᠤᠷᠮᠠ ᠲᠠᠮᠢ ᠤᠳᠠᠯ ᠦᠭᠡᠢ ᠪᠡᠶᠡ ᠪᠠᠨ ᠳᠠᠭᠠᠭᠠᠵᠤ ᠴᠠᠮ ᠤᠨ ᠪᠠᠭ ᠬᠢᠵᠦ | ᠡᠬᠢᠯᠡᠭᠰᠡᠨ ᠶᠤᠮ᠃ ᠬᠠᠮᠤᠭ ᠠᠩᠬᠠᠨ ᠤ ᠪᠦᠲᠦᠭᠡᠯ ᠨᠢ ᠲᠣᠭᠤᠷᠢᠮ ᠤᠨ ᠰᠦᠮᠡ ᠶᠢᠨ ᠴᠠᠮ ᠤᠨ ᠪᠠᠭ ᠢ ᠬᠢᠬᠦ ᠠᠴᠠ ᠡᠬᠢᠯᠡᠭᠰᠡᠨ ᠭᠡᠵᠦ ᠤᠨᠳᠤᠷᠮᠠ ᠶᠠᠷᠢᠨᠠ᠃ | ᠰᠡᠭᠦᠯ ᠳᠤᠨᠢ ᠦᠦᠰᠢᠨᠵᠤᠤ ᠶᠢᠨ ᠰᠦᠮᠡ᠂ ᠭᠠᠯᠠᠭᠤᠲᠤ ᠶᠢᠨ ᠰᠦᠮᠡ ᠵᠡᠷᠭᠡ ᠰᠦᠮᠡ ᠨᠤᠭᠤᠳ ᠢᠶᠠᠷ ᠪᠦᠷ ᠡᠨᠡ ᠲᠠᠯᠠ ᠶᠢᠨ ᠠᠵᠢᠯ ᠢ ᠬᠢᠵᠦ ᠶᠠᠪᠤᠵᠤ ᠰᠢᠷᠭᠠᠭᠤ | ᠬᠦᠳᠡᠯᠮᠤᠷᠢ ᠶᠢᠨ ᠤᠯᠠ ᠮᠥᠷ ᠢᠶᠠᠨ ᠬᠤᠴᠣᠷᠭᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ ᠡᠭᠦᠨ ᠤ ᠬᠠᠮᠲᠤ ᠲᠡᠷᠡ ᠪᠠᠰᠠ ᠨᠥᠬᠦᠷ ᠲᠠᠢ ᠪᠠᠨ ᠬᠤᠶᠠᠭᠤᠯᠠ ᠪᠤᠷᠬᠠᠨ ᠤ ᠬᠦᠷᠦᠭ | ᠳᠦᠷᠢ ᠶᠢ ᠱᠤᠭᠤᠬᠤ ᠠᠵᠢᠯ ᠢ ᠴᠤ ᠳᠠᠭᠠᠭᠠᠴᠢᠯᠠᠨ ᠬᠢᠵᠦ ᠪᠠᠶᠢᠵᠠᠢ᠃ | ᠣᠶᠢᠯᠠᠭᠠᠭᠰᠠᠨ ᠢᠶᠠᠷ ᠴᠠᠮ ᠤᠨ ᠪᠠᠭ ᠢ ᠪᠤᠷᠬᠠᠨ᠂ ᠰᠠᠬᠢᠭᠤᠯᠰᠤᠨ᠂ ᠬᠥᠮᠥᠨ᠂ ᠰᠢᠮᠨᠤᠰ ᠤᠨ ᠬᠢ ᠭᠡᠵᠦ ᠲᠦᠷᠦᠯ ᠬᠤᠪᠢᠶᠠᠨ᠂ ᠭᠤᠣᠯᠳᠠᠭᠤ ᠴᠠᠮ ᠴᠠᠮᠯᠠᠬᠤ᠂ | ᠺᠢᠨᠣ᠋ ᠲᠣᠭᠯᠠᠬᠤ᠂ ᠪᠥᠵᠢᠭ ᠪᠥᠵᠢᠭᠯᠡᠬᠦ ᠵᠡᠷᠭᠡ ᠳᠤ ᠬᠡᠷᠡᠭᠯᠡᠵᠦ ᠪᠠᠶᠢᠨᠠ᠃ ᠨᠠᠭᠠᠯᠲᠠ ᠨᠢ ᠠᠮᠠᠷᠬᠠᠨ ᠬᠠᠳᠠᠳᠠᠭ ᠦᠭᠡᠢ ᠪᠣᠯᠬᠤᠷ ᠭᠤᠣᠯᠳᠠᠭᠤ ᠵᠤᠨ ᠴᠠᠭ ᠬᠢᠬᠦ ᠳᠤ | ᠲᠣᠬᠢᠷᠠᠮᠵᠢᠲᠠᠢ᠃ ᠨᠢᠭᠡ ᠴᠠᠮ ᠤᠨ ᠪᠠᠭ ᠢ ᠬᠢᠬᠦ ᠳᠤ ᠪᠠᠷᠤᠭ ᠠᠷᠪᠠᠭᠠᠳ ᠡᠳᠦᠷ ᠪᠤᠯᠳᠠᠭ᠃ ᠤᠨᠳᠤᠷᠮᠠ ᠶᠢᠨ ᠬᠢᠨ ᠪᠣᠯ ᠶᠡᠷᠦᠳᠡ ᠶᠢᠨ ᠪᠠᠶᠢᠳᠠᠯ ᠳᠤ ᠵᠠᠬᠢᠶᠠᠯᠠᠭᠠ | ᠲᠤᠰᠪᠡᠯ ᠬᠢᠵᠦ ᠪᠠᠶᠢᠬᠤ ᠶᠤᠮ ᠭᠡᠨᠡ᠃ ᠲᠡᠭᠡᠪᠡᠯ ᠴᠠᠮ ᠤᠨ ᠪᠠᠭ ᠢ ᠶᠠᠭᠠᠬᠢᠵᠤ ᠬᠢᠬᠦ ᠪᠤᠢ︖ ᠡᠨᠡ ᠲᠤᠬᠠᠢ ᠤᠨᠳᠤᠷᠮᠠ ᠲᠠᠶᠢᠯᠪᠤᠷᠢᠯᠠᠵᠤ ᠶᠠᠷᠢᠬᠤ ᠳᠠᠭᠠᠨ᠄ ︿ | ᠰᠢᠪᠡᠷ ᠰᠢᠷᠣᠢ ᠶᠢ ᠨᠤᠬᠤᠵᠤ᠂ ᠬᠠᠳᠠᠭᠠᠵᠤ᠂ ᠬᠤᠰᠤᠭᠠᠳ ᠬᠥᠮᠥᠨ ᠠᠮᠢᠳᠡᠨ ᠤ ᠲᠣᠯᠣᠭᠠᠢ ᠰᠢᠭ ᠶᠠᠭᠤᠮᠠ ᠪᠤᠯᠭᠠᠵᠤ᠂ ᠲᠠᠬᠢᠨ ᠬᠤᠨᠢᠨ ᠴᠠᠭᠠᠰᠤ ᠪᠠᠨ ᠳᠡᠭᠡᠷᠡ ᠨᠢ | ᠨᠠᠭᠠᠨᠠ᠃ ᠨᠠᠭᠠᠯᠲᠠ ᠪᠠᠨ ᠰᠢᠩᠭᠡᠨ ᠴᠤ ᠦᠭᠡᠢ᠂ ᠥᠳᠬᠡᠨ ᠴᠤ ᠦᠭᠡᠢ ᠰᠠᠶᠢᠬᠠᠨ ᠴᠢᠨᠠᠵᠤ᠂ ᠳᠠᠪᠬᠤᠷ ᠳᠠᠪᠬᠤᠷ ᠢᠶᠠᠷ ᠨᠠᠷᠢᠯᠢᠭ ᠨᠠᠭᠠᠨᠠ᠃ ᠪᠠᠷᠤᠭ ᠭᠤᠴᠢᠨ | ᠬᠡᠳᠦᠨ ᠳᠠᠪᠬᠤᠷ ᠨᠠᠭᠠᠳᠠᠭ ᠶᠤᠮ᠃ ᠲᠡᠭᠡᠭᠡᠳ ᠲᠠᠷᠠᠭᠠ ᠳᠤᠨᠢ ᠪᠠᠭ ᠤᠨ ᠳᠣᠲᠣᠷᠠᠬᠢ ᠢᠯᠡᠭᠦᠴᠡ ᠬᠡᠰᠡᠭ ᠢ ᠨᠢ ᠭᠦᠪᠢᠵᠦ ᠤᠨᠠᠭᠠᠭᠠᠳ ᠲᠠᠬᠢᠨ ᠵᠠᠰᠠᠯ ᠵᠢᠮᠰᠡᠭ ᠢ ᠨᠢ | ᠣᠷᠣᠭᠤᠯᠵᠤ᠂ ᠬᠠᠮᠤᠭ ᠰᠡᠭᠦᠯ ᠳᠤ ᠨᠢ ᠪᠤᠳᠤᠵᠤ ᠰᠢᠷᠳᠡᠨᠡ﹀ ᠭᠡᠵᠦ ᠨᠠᠷᠢᠯᠢᠭ ᠲᠠᠨᠢᠯᠴᠠᠭᠤᠯᠵᠤ ᠭᠠᠷᠤᠯᠠ᠃ ᠲᠡᠭᠡᠭᠡᠳ ᠲᠡᠷᠡ ᠪᠠᠰᠠ᠄ ︿ᠦᠨᠡ ᠬᠠᠩᠰᠢ ᠨᠢ ᠪᠣᠯ | ᠪᠠᠷᠤᠭ ᠬᠥᠩᠭᠡᠨ ᠨᠢ ᠨᠢᠭᠡ ᠮᠢᠩᠭᠠ ᠭᠠᠷᠤᠢ᠂ ᠦᠨᠡᠲᠡᠢ ᠨᠢ ᠪᠣᠯ ᠭᠤᠷᠪᠠᠨ ᠮᠢᠩᠭᠠ ᠭᠠᠷᠤᠢ ᠲᠥᠭᠦᠷᠢᠭ ᠲᠤ ᠬᠦᠷᠦᠨᠡ᠃ ᠬᠦᠭᠡᠬᠤᠳᠠ᠂ ᠤᠯᠠᠭᠠᠨᠴᠠᠪ ᠵᠡᠷᠭᠡ | ᠭᠠᠵᠠᠷ ᠤᠳ ᠠᠴᠠ ᠴᠤ ᠵᠠᠬᠢᠶᠠᠯᠠᠭᠠ ᠢᠷᠡᠳᠡᠭ ᠶᠤᠮ﹀ ᠭᠡᠵᠦ ᠪᠠᠶᠢᠯᠠ᠃ | | | | | | ᠶᠠᠮᠠᠷᠴᠤ ᠠᠵᠢᠯ ᠲᠥᠷᠥᠯᠲᠡᠨ ᠠᠴᠠ ᠪᠦᠷ ᠵᠤᠸᠠᠩᠶᠤᠸᠠᠨ ᠭᠠᠷᠳᠠᠭ ᠭᠡᠭᠴᠢ ᠪᠠᠷ ᠡᠳᠡᠭᠡᠷ ᠵᠢᠯ ᠤᠳ ᠤᠨ ᠴᠢᠷᠮᠠᠶᠢᠯᠭᠠ ᠨᠢ ᠴᠤ ᠤᠨᠳᠤᠷᠮᠠ ᠳᠤ ᠢᠷᠠᠭᠤ | ᠠᠯᠳᠠᠷ ᠢ ᠣᠯᠭᠤᠵᠤ ᠥᠭᠭᠦᠭᠰᠡᠨ ᠶᠤᠮ᠃ 2018 ᠣᠨ ᠳᠤ ᠲᠡᠷᠡ ᠬᠤᠳᠠ ᠶᠢᠨ ᠲᠡᠰ ᠤᠨ ᠴᠠᠮ ᠤᠨ ᠪᠠᠭ᠂ ᠴᠠᠮ ᠤᠨ ᠬᠤᠪᠴᠠᠰᠤᠨ ᠤ ᠪᠣᠳᠠᠰ ᠤᠨ ᠪᠤᠰᠤ | ᠰᠣᠶᠣᠯ ᠤᠨ ᠥᠪ ᠤᠨ ᠤᠯᠠᠮᠵᠢᠯᠠᠭᠴᠢ ᠪᠠᠷ ᠨᠡᠷᠡᠶᠢᠳᠦᠭᠳᠡᠵᠦ᠂ ᠤᠳᠤ ᠬᠦᠷᠳᠡᠯᠡ ᠪᠠᠰᠠ ᠤᠳᠠᠭᠠ ᠳᠠᠷᠠᠭᠠᠯᠠᠨ ᠪᠣᠯᠪᠠᠰᠤᠷᠠᠯ ᠡᠨᠡ ᠲᠡᠷᠡ ᠪᠠᠷ ᠤᠷᠢᠭᠳᠠᠨ ᠪᠠᠭᠰᠢᠯᠠᠵᠤ | ᠶᠠᠪᠤᠨᠠ᠃ | ᠰᠣᠷᠪᠤᠯᠵᠢᠯᠠᠭᠠ ᠲᠡᠭᠦᠰᠬᠦ ᠳᠤ ᠬᠤᠶᠢᠰᠢᠳᠠ ᠶᠢᠨ ᠲᠥᠯᠥᠪᠯᠡᠭᠡ ᠶᠢᠨ ᠲᠤᠬᠠᠢ ᠰᠤᠷᠠᠬᠤ ᠳᠤ ᠲᠡᠷᠡ᠄ ︿ᠡᠨᠡ ᠲᠦᠷᠦᠯ ᠤᠨ ᠪᠠᠭ ᠤᠨ ᠵᠦᠢᠯ ᠢ ᠬᠢᠬᠦ ᠳᠤ | ᠬᠦᠴᠢᠷᠲᠡᠢ ᠪᠠᠶᠢᠳᠠᠭ ᠪᠣᠯᠬᠤᠷ ᠤᠳᠤ ᠳᠡᠭᠡᠷᠡ ᠪᠠᠨ ᠰᠤᠷᠳᠠᠭ ᠬᠥᠮᠥᠰ ᠴᠥᠭᠡᠨ᠃ ᠬᠡᠷᠪᠡ ᠰᠤᠷᠬᠤ ᠰᠠᠨᠠᠭᠠᠲᠠᠢ ᠬᠥᠮᠥᠨ ᠤᠯᠡᠨ ᠪᠠᠶᠢᠪᠠᠯ ᠪᠢ ᠨᠡᠩ ᠰᠠᠶᠢᠨ | ᠤᠯᠠᠮᠵᠢᠯᠠᠵᠤ ᠬᠥᠭᠵᠢᠭᠦᠯᠵᠦ ᠶᠠᠪᠤᠶᠠ ᠭᠡᠵᠦ ᠯᠨ ᠪᠤᠳᠤᠳᠠᠭ ᠶᠤᠮ﹀ ᠭᠡᠵᠦ ᠪᠠᠶᠢᠯᠠ᠃ | |