| ᠡᠷᠲᠡ ᠤᠷᠢᠳᠤ ᠴᠠᠭ ᠲᠤ᠂ ᠨᠢᠭᠡ ᠨᠣᠶᠠᠨ ᠤ ᠭᠡᠷ ᠤᠨ ᠣᠷᠴᠢᠮ ᠳᠤ ᠨᠢᠭᠡ ᠶᠠᠳᠠᠭᠤ ᠡᠷᠤᠭᠡ ᠨᠤᠲᠤᠭᠯᠠᠨ ᠰᠠᠭᠤᠵᠤ ᠪᠠᠶᠢᠵᠠᠢ᠃ ᠨᠢᠭᠡ ᠵᠢᠯ ᠤᠨ ᠴᠠᠭᠠᠨ | ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠨᠢᠭᠡᠨ ᠳᠤ ᠨᠣᠶᠠᠨ ᠤ ᠡᠬᠡᠨᠡᠷ ᠨᠢᠭᠡ ᠬᠦᠦ ᠲᠦᠷᠦᠪᠡ᠃ ᠨᠣᠶᠠᠨ ᠬᠦᠦ ᠲᠠᠢ ᠪᠣᠯᠤᠭᠰᠠᠨ ᠲᠤᠯᠠ ᠶᠡᠬᠡᠳᠡ ᠪᠠᠶᠠᠷᠯᠠᠨ᠂ ᠬᠦᠦ ᠳᠤ ᠪᠠᠨ | ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠤ ᠣᠷᠣᠢ ᠶᠢᠨ ᠳᠡᠭᠡᠳᠦ ᠪᠤᠯᠬᠤ ︽ᠲᠣᠭᠤᠷᠴᠤᠭ︾ ︵ᠮᠠᠯᠠᠭᠠᠢ︶ ᠭᠡᠳᠡᠭ ᠨᠡᠷᠡ ᠬᠠᠶᠢᠷᠠᠯᠠᠵᠠᠢ᠃ ᠡᠨᠡ ᠡᠳᠦᠷ ᠨᠢ ᠶᠠᠳᠠᠭᠤ ᠡᠷᠤᠭᠡ ᠶᠢᠨ | ᠪᠦᠰᠡᠭᠦᠢ ᠪᠠᠰᠠ ᠨᠢᠭᠡ ᠬᠦᠦ ᠲᠦᠷᠦᠵᠠᠢ᠃ ᠲᠡᠷᠡ ᠡᠷᠡ ᠡᠮᠡ ᠬᠤᠶᠠᠭᠤᠯᠠ ᠪᠠᠨ ᠨᠣᠶᠠᠨ ᠠᠴᠠ ᠬᠦᠦ ᠳᠤ ᠪᠠᠨ ᠨᠡᠷᠡ ᠭᠤᠶᠤᠪᠠ᠃ ᠨᠣᠶᠠᠨ ᠳᠣᠲᠣᠷᠠ ᠪᠠᠨ᠂ | ᠡᠨᠡ ᠮᠠᠭᠤ ᠶᠠᠳᠠᠭᠤ ᠡᠷᠤᠭᠡ ᠶᠢᠨ ᠬᠢᠨ ᠪᠠᠰᠠ ᠮᠢᠨᠤ ᠬᠦᠦ ᠶᠢᠨ ᠲᠦᠷᠦᠭᠰᠡᠨ ᠡᠳᠦᠷ ᠬᠦᠦ ᠲᠦᠷᠦᠴᠢᠭᠡᠵᠡᠢ᠂ ᠬᠡᠳᠦᠢ ᠳᠡᠮᠪᠡᠷᠡᠯ ᠮᠠᠭᠤ ᠲᠠᠢ ᠪᠤᠢ︖ ᠭᠡᠵᠦ | ᠠᠭᠤᠷᠯᠠᠬᠤ ᠳᠤ ᠪᠠᠨ ᠶᠠᠳᠠᠭᠤ ᠬᠥᠮᠥᠨ ᠤ ᠬᠦᠦ ᠳᠤ ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠤ ᠬᠥᠯ ᠳᠤ ᠭᠢᠰᠬᠢᠭᠳᠡᠵᠦ ᠶᠠᠪᠤᠬᠤ ︽ᠪᠣᠶᠢᠳᠤᠭ︾ ︵ᠬᠡᠦᠬᠡᠳ ᠤᠨ ᠢᠰᠡᠭᠡᠢ | ᠣᠶᠢᠮᠤᠰᠤ︶ ᠭᠡᠮᠡᠬᠦ ᠨᠡᠷᠡ ᠥᠭᠪᠡ᠃ ᠶᠠᠳᠠᠭᠤ ᠡᠷᠡ ᠡᠮᠡ ᠬᠤᠶᠠᠭᠤᠯᠠ ᠬᠦᠦ ᠳᠤ ᠪᠠᠨ ᠡᠶᠢᠮᠦ ᠳᠣᠷᠣᠮᠵᠢᠯᠠᠭᠳᠠᠭᠰᠠᠨ ᠨᠡᠷᠡ ᠠᠪᠤᠭᠠᠳ ᠬᠡᠬᠦᠳᠡᠭ ᠴᠡᠭᠡᠵᠢᠨ ᠳᠤ | ᠪᠠᠨ ᠠᠭᠤᠷᠯᠠᠭᠰᠠᠨ ᠪᠤᠯᠪᠠᠴᠤ ᠶᠠᠭᠠᠬᠢᠬᠤ ᠶᠢᠨ ᠠᠷᠭᠠ ᠦᠭᠡᠢ ᠪᠠᠶᠢᠪᠠ᠃ ᠵᠠᠪᠰᠢᠶᠠᠨ ᠪᠤᠰᠤ ᠪᠠᠷ ᠶᠠᠳᠠᠭᠤ ᠡᠷᠤᠭᠡ ᠶᠢᠨ ᠪᠣᠶᠢᠳᠤᠭ ᠬᠦᠦ ᠨᠢ ᠵᠠᠭᠤᠷᠮᠠᠭ ᠨᠠᠰᠤᠯᠠᠨ | ᠦᠬᠦᠪᠡ᠃ ᠨᠢᠭᠡ ᠵᠢᠯ ᠤᠨ ᠵᠤᠨ ᠤ ᠣᠪᠣᠭᠠᠨ ᠨᠠᠶᠢᠷ ᠤᠨ ᠲᠠᠶᠢᠯᠭᠠ ᠳᠡᠭᠡᠷᠡ ᠲᠡᠷᠡ ᠨᠣᠶᠠᠨ ᠣᠶᠢᠷᠠ ᠬᠠᠪᠢ ᠶᠢᠨ ᠬᠤᠰᠢᠭᠤᠨ ᠤ ᠨᠣᠶᠠᠳ ᠲᠦᠰᠢᠮᠡᠳ ᠢ ᠤᠷᠢᠵᠤ | ᠢᠷᠡᠭᠦᠯᠦᠨ ᠨᠠᠶᠢᠷᠯᠠᠵᠠᠢ᠃ ᠡᠨᠡ ᠶᠡᠭᠡ ᠨᠠᠶᠢᠷ ᠨᠠᠭᠠᠳᠤᠮ ᠳᠡᠭᠡᠷᠡ ᠨᠣᠶᠠᠨ ᠥᠪᠡᠷ ᠤᠨ ᠲᠣᠭᠤᠷᠴᠤᠭ ᠨᠡᠷᠡ ᠲᠠᠢ ᠬᠥᠪᠡᠭᠦᠨ ᠢᠶᠠᠨ ᠳᠠᠭᠠᠭᠤᠯᠤᠨ ᠢᠷᠡᠵᠤ ᠬᠠᠵᠠᠭᠤ | ᠳᠤ ᠪᠠᠨ ᠰᠠᠭᠤᠯᠭᠠᠵᠤ ᠪᠠᠶᠢᠪᠠ᠃ ᠡᠨᠡ ᠦᠶᠡ ᠳᠤ ᠶᠠᠳᠠᠭᠤ ᠡᠷᠤᠭᠡ ᠶᠢᠨ ᠪᠣᠶᠢᠳᠤᠭ ᠤᠨ ᠡᠴᠢᠭᠡ ᠨᠢ ᠤᠯᠠᠨ ᠬᠥᠮᠥᠨ ᠤ ᠳᠤᠮᠳᠠ ᠨᠣᠶᠠᠨ ᠤ ᠡᠮᠦᠨᠡ᠄ ︽ᠨᠣᠶᠠᠨ | ᠮᠢᠨᠢ ᠠ᠋︕ ᠲᠠᠨ ᠤ ᠲᠣᠭᠤᠷᠴᠤᠭ ᠢ ᠦᠵᠡᠪᠡᠯ ᠮᠢᠨᠤ ᠪᠣᠶᠢᠳᠤᠭ ᠰᠠᠨᠠᠭᠳᠠᠭᠠᠳ ᠪᠠᠶᠢᠨᠠ᠃ ᠲᠠᠨ ᠤ ᠲᠣᠭᠤᠷᠴᠤᠭ ᠮᠢᠨᠤ ᠪᠣᠶᠢᠳᠤᠭ ᠲᠠᠢ ᠶᠠᠭᠠᠬᠢᠭᠰᠠᠨ ᠠᠳᠠᠯᠢᠬᠠᠨ | ᠪᠤᠢ︾ ᠭᠡᠵᠦ ᠲᠠᠭᠤ ᠲᠠᠯᠪᠢᠨ ᠤᠬᠢᠯᠠᠪᠠ᠃ ᠨᠠᠶᠢᠷ ᠲᠤ ᠢᠷᠡᠭᠰᠡᠨ ᠬᠥᠮᠥᠰ ᠡᠨᠡ ᠬᠥᠮᠥᠨ ᠨᠣᠶᠠᠨ ᠤ ᠮᠠᠯᠠᠭᠠᠢ ᠶᠢ ᠥᠪᠡᠷ ᠤᠨ ᠣᠶᠢᠮᠤᠰᠤ ᠲᠠᠢ ᠪᠠᠨ | ᠠᠳᠠᠯᠢᠳᠬᠠᠵᠤ ᠪᠠᠶᠢᠨᠠ ᠭᠡᠳ ︽ᠲᠦᠷ︾ ᠬᠢᠲᠡᠯᠡ ᠢᠨᠢᠶᠡᠯᠴᠡᠪᠡ᠃ ᠨᠣᠶᠠᠨ ᠢᠩᠭᠢᠵᠦ ᠬᠠᠷᠢᠶᠠᠭᠳᠠᠭᠰᠠᠨ ᠳᠤ ᠪᠠᠨ ᠶᠠᠳᠠᠭᠤ ᠪᠣᠶᠢᠳᠤᠭ ᠤᠨ ᠡᠴᠢᠭᠡ ᠶᠢ | ᠬᠤᠷᠣᠰᠤᠨ ᠵᠠᠨᠤᠭᠰᠠᠨ ᠪᠤᠯᠪᠠᠴᠤ ᠶᠠᠭᠠᠬᠢᠬᠤ ᠶᠢᠨ ᠴᠤ ᠠᠷᠭᠠ ᠦᠭᠡᠢ ᠪᠣᠯᠵᠤ ᠰᠠᠨᠳᠤᠷᠴᠤ ᠭᠡᠨᠡ᠃ | ᠲᠠᠷᠬᠠᠭᠰᠠᠨ ᠭᠠᠵᠠᠷ᠄ ᠣᠷᠳᠣᠰ | | |