| ᠵᠤᠬᠢᠶᠠᠭᠴᠢ᠄ ᠡ᠊ ᠣᠷᠳᠣᠨᠠᠰᠣᠳᠣ | | | ᠪᠢᠯᠢᠭᠦᠨ ᠬᠥᠬᠡ ᠠᠭᠤᠯᠠᠰ ᠨᠢ ᠨᠤᠲᠤᠭ ᠤᠨ ᠬᠢ ᠪᠣᠯᠬᠤᠷ ᠰᠦᠷᠯᠢᠭ | ᠪᠢᠲᠡᠭᠦᠦ ᠴᠠᠭᠠᠨ ᠡᠭᠦᠯᠡᠰ ᠨᠢ ᠲᠡᠭᠷᠢ ᠶᠢᠨ ᠬᠢ ᠪᠣᠯᠬᠤᠷ ᠤᠮᠤᠬᠯᠠᠭᠤᠨ | ᠪᠤᠳᠤᠯ ᠰᠡᠳᠬᠢᠯ ᠬᠢᠮᠤᠷᠠᠯᠳᠤᠬᠤ ᠳᠤ ᠵᠢᠷᠦᠬᠡᠨ ᠤ ᠬᠢ ᠪᠣᠯᠬᠤᠷ ᠬᠦᠨᠳᠦᠬᠡᠨ | ᠪᠣᠰᠤᠭᠠ ᠶᠠᠪᠤᠬᠤ ᠶᠢᠨ ᠲᠠᠩᠭᠠᠷᠢᠭ ᠶᠠᠰᠤᠨ ᠤ ᠬᠢ ᠪᠣᠯᠬᠤᠷ ᠰᠢᠵᠠᠷᠠᠭᠤᠨ | | | | | | | ᠬᠠᠯᠢᠭᠤᠨ ᠨᠠᠮᠤᠷ ᠤᠨ ᠵᠢᠪᠠᠷ ᠲᠤ ᠰᠡᠳᠬᠢᠯ ᠨᠢᠭᠡᠯᠡ ᠤᠶᠢᠮᠤᠷᠠᠵᠤ | ᠬᠠᠷᠠᠭᠠ ᠳᠠᠪᠠᠭᠰᠠᠨ ᠠᠭᠤᠯᠠᠰ ᠤᠳ ᠤᠨᠠᠵᠤ ᠪᠣᠰᠤᠭᠠ ᠰᠢᠭ᠋ ᠪᠦᠷᠦᠯᠵᠡᠭᠡᠳ | ᠭᠡᠳᠤ ᠶᠢᠨ ᠤᠮᠤᠬᠯᠠᠭᠤᠨ ᠲᠡᠦᠬᠡ ᠮᠢᠨᠢ ᠲᠤᠮᠤᠭ ᠤᠨ ᠰᠠᠯᠬᠢ ᠰᠢᠭ᠋ ᠱᠤᠤᠭᠢᠭᠠᠳ | ᠬᠡᠴᠢᠨᠡᠨ ᠦᠶᠡ ᠶᠢᠨ ᠠᠶᠠᠯᠠᠯ ᠮᠢᠨᠢ ᠣᠮᠤᠭ ᠤᠨ ᠲᠡᠭᠷᠢ ᠰᠢᠭ ᠴᠡᠩᠬᠡᠷᠯᠡᠭᠡᠳ | | | | | | | ᠰᠠᠯᠬᠢ ᠰᠥᠷᠦᠭᠰᠡᠨ ᠠᠳᠤᠭᠤᠳ ᠮᠢᠨᠢ ᠲᠤᠭᠤᠷᠠᠢ ᠳᠠᠭᠠᠨ ᠭᠠᠯ ᠲᠠᠢ ᠵᠢᠪᠬᠤᠭᠠᠯᠢᠭ | ᠳᠠᠶᠢᠵᠤ ᠶᠠᠪᠤᠭᠰᠠᠨ ᠪᠤᠳᠤᠯ ᠮᠢᠨᠢ ᠲᠡᠭᠷᠢ ᠳᠡᠭᠡᠨ ᠠᠶᠤᠩᠭᠠ ᠲᠠᠢ ᠰᠢᠨᠳᠠᠰᠤᠯᠢᠭ | ᠲᠡᠩᠬᠡᠯ ᠶᠡᠭᠡ ᠤᠰᠤᠨ ᠲᠠᠮᠢᠷ ᠢ ᠲᠡᠵᠢᠭᠡᠭᠰᠡᠨ ᠤᠬᠠᠭᠠᠯᠢᠭ | ᠲᠡᠭᠷᠢ ᠠᠭᠤᠳᠠᠮ ᠬᠠᠩᠭᠠᠢ ᠤᠷᠠ ᠶᠢ ᠳᠡᠯᠡᠭᠰᠡᠨ ᠭᠠᠶᠢᠬᠠᠮᠰᠢᠭ | | | | | | | ᠠᠭᠤᠯᠠᠰ ᠤᠨ ᠬᠦᠷᠡᠩ ᠪᠦᠷᠭᠦᠳ ᠤᠨ ᠦᠳᠦ ᠪᠠᠨ ᠡᠯᠡᠲᠡᠯᠡ ᠬᠠᠯᠢᠯᠳᠤᠬᠰᠠᠨ | ᠤᠷᠢᠳᠤ ᠶᠢᠨ ᠲᠤᠮᠤᠭ ᠲᠠᠢ ᠨᠤᠲᠤᠭ ᠤᠨ ᠮᠢᠨᠢ ᠨᠢᠳᠦ ᠪᠠᠨ ᠴᠢᠯᠡᠲᠡᠯᠡ ᠰᠢᠷᠳᠡᠭᠰᠡᠨ | ᠰᠢᠲᠦᠯ ᠰᠢᠲᠦᠯᠭᠡ ᠬᠤᠶᠠᠷ ᠤᠨ ᠮᠢᠨᠢ ᠪᠠᠭᠤᠴᠠ ᠪᠠᠨ ᠰᠠᠬᠢᠭᠰᠠᠨ ᠭᠡᠭᠡ | ᠰᠠᠶᠢᠭᠡᠭᠦ ᠨᠠᠮᠤᠷ ᠤᠨ ᠭᠢᠷᠠᠭᠤᠨᠠ ᠭᠠᠯ ᠤᠨ ᠲᠦᠯᠦ ᠰᠢᠭ ᠬᠦᠷᠡᠩ | | | | | | | ᠰᠡᠷᠢᠭᠦᠨ ᠨᠠᠮᠤᠷ ᠤᠨ ᠵᠢᠪᠠᠷ ᠲᠤ ᠠᠭᠤᠯᠠᠰ ᠭᠦᠷᠳᠡᠯᠡ ᠪᠤᠭᠤᠷᠤᠯ | ᠰᠡᠳᠬᠢᠯ ᠲᠤᠬᠵᠢᠭᠠᠬᠤ ᠮᠥᠷᠥᠭᠡᠳᠦᠯ ᠤᠨ ᠡᠷᠢᠯ ᠨᠢ ᠭᠦᠷᠳᠡᠯᠡ ᠨᠣᠶᠢᠲᠠᠨ | ᠰᠡᠪᠲᠦᠵᠦ ᠰᠢᠷᠬᠠᠯᠠᠭᠰᠠᠨ ᠵᠢᠷᠦᠬᠡᠨ ᠤ ᠴᠣᠬᠢᠯᠭᠠ ᠪᠦᠷᠢ ᠨᠢ ᠨᠢᠯᠪᠤᠰᠤ | ᠬᠢᠷᠠᠭᠤᠲᠤ ᠨᠠᠮᠤᠷ ᠢᠶᠠᠷ ᠳᠠᠭᠤᠯᠠᠬᠤ ᠳᠤ ᠡᠭᠡᠰᠢᠭ ᠪᠦᠷᠢ ᠨᠢ ᠴᠢᠰᠤ | | | | | | | ᠡᠷᠢᠭᠦᠯᠵᠦ ᠡᠨᠡᠷᠢᠭᠦᠯᠵᠦ ᠡᠭᠰᠢᠷᠡᠭᠦᠯᠦᠭᠡᠳ ᠨᠤᠲᠤᠭ ᠭᠦᠷᠳᠡᠯᠡ ᠨᠠᠮᠤᠷᠰᠢᠨᠠ | ᠤᠭᠢᠯᠠᠭᠤᠯᠵᠤ ᠳᠠᠭᠤᠯᠠᠭᠤᠯᠵᠤ ᠮᠥᠷᠥᠭᠡᠳᠦᠭᠦᠯᠦᠭᠡᠳ ᠬᠠᠶᠢᠷᠠ ᠭᠦᠷᠳᠡᠯᠡ ᠪᠣᠷᠣᠭᠠᠰᠢᠨᠠ | ᠠᠯᠤᠰ ᠤᠨ ᠲᠣᠯᠣᠭᠠᠳ ᠢ ᠬᠠᠷᠠᠭᠠᠳ ᠰᠠᠨᠴᠢᠭ ᠢᠶᠠᠨ ᠪᠢ ᠲᠡᠮᠲᠡᠷᠢᠪᠡ | ᠠᠭᠢᠲᠤ ᠲᠣᠯᠣᠭᠠᠢ ᠶᠢᠨ ᠠᠭᠢ ᠪᠠᠨ ᠳᠤᠷᠠᠰᠤᠭᠠᠳ ᠰᠡᠳᠬᠢᠯ ᠢᠶᠠᠷ ᠢᠶᠠᠨ ᠪᠢ ᠰᠥᠬᠦᠷᠡᠪᠡ ᠁ | | | |