| ᠳᠠᠷᠬᠠᠨ ᠳᠠᠭᠤᠴᠢᠨ ᠬᠠᠭᠠᠨ ᠤᠷᠠᠯᠢᠭᠴᠢᠨ ᡀᠠᠵᠠᠪ ᠤᠨ ᠥᠨᠳᠡᠭᠡᠨ ᠳᠣᠯᠣᠭᠠᠨ ᠭᠠᠯᠠᠭᠤᠨ ᠤ ᠬᠢᠨᠢ ᠬᠤᠰᠢᠭᠤᠴᠢ ᠲᠦᠷᠦᠭᠦᠴᠢ᠂ ᠮᠣᠩᠭᠤᠯ ᠨᠤᠲᠤᠭ | ᠮᠠᠯᠴᠢᠨ ᠲᠦᠮᠡᠨ ᠢᠶᠠᠨ ᠡᠯᠢᠭᠡ ᠵᠢᠷᠦᠬᠡᠨ ᠳᠡᠭᠡᠷᠡ ᠳᠡᠭᠡᠳᠦᠯᠡᠵᠦ ᠶᠠᠪᠤᠭᠰᠠᠨ ᠠᠭᠤᠤ ᠳᠠᠭᠤᠴᠢᠨ ᠲᠠᠯᠢᠢᠭᠠᠴᠢ ᡀᠠᠰᠥ᠋ᠷᠣᠩ ᠪᠣᠯᠤᠨ ᠲᠥᠷᠥ ᠶᠢᠨ ᠲᠡᠷᠢᠭᠦᠨ | ᠪᠠᠶᠢᠷᠢ ᠶᠢᠨ ᠵᠣᠬᠢᠶᠠᠯᠴᠢ᠂ ᠬᠤᠱᠣᠢ ︽ᠰᠣᠯᠣᠩᠭᠠ︾ ᠱᠠᠩᠨᠠᠯᠲᠤ ᠲᠠᠷᠴᠢᠳ ᠡᠯᠬᠡᠩᠭᠡ ᠬᠤᠶᠠᠷ ᠳᠥᠴᠢᠨ ᠵᠢᠯ ᠤᠨ ᠨᠥᠬᠦᠷᠯᠡᠯ ᠲᠠᠢ ᠰᠠᠶᠢᠨ ᠨᠠᠶᠢᠵᠠ᠃ ︽ | ᠰᠢᠯᠢ ᠶᠢᠨ ᠭᠤᠣᠯ︾ ᠭᠡᠵᠤ ᠥᠪᠥᠷ ᠮᠣᠩᠭᠤᠯ ᠤᠨ ᠤᠳᠬᠠ ᠵᠣᠬᠢᠶᠠᠯ ᠤᠨ ᠬᠢᠨ ᠤ ᠡᠮᠦᠨᠡ ᠪᠠᠨ ᠪᠠᠷᠢᠳᠠᠭ ᠰᠡᠳᠬᠦᠯ ᠤᠨ ︽ᠠᠷᠠᠯ︾ ᠶᠢ ᠨᠢ ᠡᠷᠭᠦᠵᠦ ︽ | ᠪᠤᠭᠤᠯᠠᠭᠠ︾ ᠶᠢ ᠨᠢ ᠪᠦᠬᠦᠯᠢ ᠨᠠᠰᠤ ᠪᠠᠷ ᠢᠶᠠᠨ ᠲᠠᠲᠠᠭᠰᠠᠨ ᠲᠣᠮᠣ ᠰᠡᠳᠬᠦᠯᠴᠢ᠂ ᠶᠠᠰᠤᠲᠠᠢ ᠢᠷᠠᠭᠤ ᠨᠠᠶᠢᠷᠠᠭᠴᠢ ᠲᠠᠷᠴᠢᠳ ᠡᠯᠬᠡᠩᠭᠡ ︽ᠮᠠᠩᠭᠤᠳ ᠤᠪᠣᠭ ᠤᠨ | ᠮᠠᠨ ᠤ ᡀᠠᠰᠥ᠋ᠷᠣᠩ ᠮᠠᠨᠳᠣᠭᠰᠠᠨ ᠵᠠᠭᠤᠨ ᠤ ᠲᠠᠷᠬᠠᠨ ᠲᠠᠭᠤᠴᠢᠨ︾ ᠬᠡᠮᠡᠨ ᠡᠮᠭᠡᠨᠢᠯ ᠤᠨ ᠨᠢᠯᠪᠤᠰᠤ ᠪᠠᠨ ᠲᠤᠰᠤᠯᠠᠭᠤᠯᠤᠨ ᠰᠢᠯᠦᠭᠯᠡᠵᠦ ︽ᠲᠣᠷᠣᠨᠠᠳᠠᠬᠢᠨ ᠤ | ᠲᠣᠮᠣ ᠲᠠᠭᠤᠴᠢᠨ︾ ᠬᠡᠮᠡᠨ ᠡᠷᠬᠢᠮ ᠠᠬᠠ ᠳᠠᠭᠠᠨ ᠳᠤᠷᠠᠰᠤᠮᠵᠢ ᠪᠢᠴᠢᠭᠰᠡᠨ ᠢ ᠨᠢ ᠣᠳᠣ ᠲᠠᠨ ᠳᠤ ᠵᠢᠷᠤᠭ ᠰᠡᠭᠦᠳᠡᠷ ᠲᠠᠢ ᠨᠢ ᠬᠠᠮᠲᠤ ᠬᠦᠷᠭᠡᠵᠦ ᠪᠠᠶᠢᠨᠠ᠃ | | ᠲᠣᠷᠣᠨᠠᠳᠠᠬᠢᠨ ᠤ ᠲᠣᠮᠣ ᠲᠠᠭᠤᠴᠢᠨ | — ᠠᠷᠠᠳ ᠤᠨ ᠤᠷᠠᠯᠢᠭᠴᠢᠨ᠂ ᠬᠠᠮᠳᠣ ᠰᠣᠷᠣᠭᠴᠢ᠂ ᠠᠩᠭᠢ ᠶᠢᠨ ᠮᠢᠨᠢ | ᠲᠠᠷᠤᠭᠠ ᡀᠠᠰᠥ᠋ᠷᠣᠩ ᠠᠬᠠ ᠪᠠᠨ ᠡᠮᠬᠡᠨᠢᠨ ᠭᠠᠰᠢᠭᠤᠳᠠᠨᠠᠮ | ᠲᠠᠷᠴᠢᠳ ᠡᠯᠬᠡᠩᠭᠡ | ᠮᠣᠩᠭᠤᠯ ᠣᠷᠳᠣ ᠶᠢᠨ ᠲᠠᠭᠤᠤ ᠪᠠᠷ ᠢᠶᠠᠨ | ᠦᠷᠣᠨᠡ ᠲᠣᠷᠣᠨᠡ ᠶᠢ ᠤᠷᠠᠶᠢᠯᠠᠵᠣ ᠶᠠᠪᠣᠭᠰᠠᠨ | ᠬᠠᠩᠭᠠᠯ ᠬᠠᠳᠠᠨ ᠵᠣᠷᠢᠭ ᠢᠶᠠᠷ ᠢᠶᠠᠨ | ᠬᠠᠯᠠᠭᠤᠨ ᠲᠥᠮᠡᠨ ᠢᠶᠠᠨ ᠤᠮᠣᠭᠰᠢᠭᠤᠯᠵᠤ ᠶᠠᠪᠣᠭᠰᠠᠨ | ᠮᠠᠩᠭᠤᠳ ᠤᠪᠣᠭ ᠤᠨ ᠮᠠᠨ ᠤ ᡀᠠᠰᠥ᠋ᠷᠣᠩ | ᠮᠠᠨᠳᠣᠭᠰᠠᠨ ᠵᠠᠭᠤᠨ ᠤ ᠲᠠᠷᠬᠠᠨ ᠲᠠᠭᠤᠴᠢᠨ | ᠲᠠᠭᠤᠯᠠᠭᠠᠳ ᠯᠡ ᠲᠠᠶᠠᠩ ᠳᠤ ᠠᠯᠳᠠᠷᠰᠢᠭᠰᠠᠨ ᠲᠡᠳᠣᠢ ᠥᠭᠡᠢ | ᠰᠣᠳᠣᠯᠣᠭᠠᠳ ᠯᠡ ᠲᠠᠶᠠᠭᠠᠷ ᠲᠤ ᠲᠠᠭᠤᠷᠢᠰᠣᠭᠰᠠᠨ ᠶᠣᠮ ᠲᠠ | ᠲᠠᠭᠤᠴᠢᠨ ᠤᠷᠠᠯᠢᠭᠴᠢᠨ ᠵᠣᠬᠢᠶᠠᠯᠴᠢ ᠲᠡᠳᠣᠢ ᠥᠭᠡᠢ | ᠤᠳᠣᠷᠢᠳᠣᠭᠴᠢ ᠵᠣᠬᠢᠶᠠᠨ ᠪᠠᠶᠢᠭᠤᠯᠣᠭᠴᠢ ᠪᠠᠷ ᠢᠶᠠᠨ ᠴᠣᠯᠭᠤᠷᠠᠭᠰᠠᠨ ᠶᠣᠮ ᠲᠠ | ᠮᠠᠩᠭᠤᠳ ᠤᠪᠣᠭ ᠤᠨ ᠮᠠᠨ ᠤ ᡀᠠᠰᠥ᠋ᠷᠣᠩ | ᠮᠠᠨᠳᠣᠭᠰᠠᠨ ᠵᠠᠭᠤᠨ ᠤ ᠲᠠᠷᠬᠠᠨ ᠲᠠᠭᠤᠴᠢᠨ | ᠠᠷᠠᠳ ᠢᠶᠠᠨ ᠭᠡᠰᠡᠨ ᠠᠭᠤᠣᠴᠢ ᠰᠠᠨᠠᠭᠠ ᠴᠢᠨᠢ | ᠠᠶᠠᠯᠭᠤ ᠲᠠᠭᠤᠤ ᠶᠢᠨ ᠴᠢᠨᠢ ᠰᠢᠷᠣᠩᠬᠠᠶᠢᠯᠠᠯ ᠪᠠᠶᠢᠭᠰᠠᠨ ᠶᠣᠮ | ᠬᠠᠩᠭᠢᠨᠠᠮᠠ ᠬᠥᠩᠭᠢᠨᠡᠮᠡ ᠬᠠᠮ ᠬᠤᠭᠤᠯᠠᠢ ᠴᠢᠨᠢ | ᠬᠠᠨ ᠲᠡᠭᠷᠢ ᠶᠢᠨ ᠬᠥᠭᠵᠢᠮ ᠪᠠᠶᠢᠭᠰᠠᠨ ᠶᠣᠮ | ᠮᠠᠩᠭᠤᠳ ᠤᠪᠣᠭ ᠤᠨ ᠮᠠᠨ ᠤ ᡀᠠᠰᠥ᠋ᠷᠣᠩ | ᠮᠠᠨᠳᠣᠭᠰᠠᠨ ᠵᠠᠭᠤᠨ ᠤ ᠲᠠᠷᠬᠠᠨ ᠲᠠᠭᠤᠴᠢᠨ | ᠬᠥᠮᠣᠨ ᠬᠤᠷᠸᠠ ᠳᠤ ᠥᠪᠡᠷ ᠢᠶᠠᠨ ᠤᠬᠢᠯᠠᠵᠣ ᠢᠷᠡᠵᠤ᠂ ᠥᠷᠣᠭᠡᠯ ᠢ ᠤᠬᠢᠯᠠᠭᠤᠯᠵᠤ ᠶᠠᠪᠣᠳᠠᠭ ᠭᠡᠳᠡᠭ ᠶᠣᠮ ᠳ᠋ᠠ︕ | ᠠᠷᠠᠳ ᠤᠨ ᠠᠯᠳᠠᠷᠳᠣ ᠤᠷᠠᠯᠢᠭᠴᠢᠨ᠂ ᠬᠠᠮᠳᠣ ᠰᠣᠷᠣᠭᠴᠢ᠂ ᠠᠩᠭᠢ ᠶᠢᠨ ᠮᠢᠨᠢ ᠲᠠᠷᠤᠭᠠ ᡀᠠᠰᠥ᠋ᠷᠣᠩ ᠠᠬᠠ ᠮᠢᠨᠢ 2022 ᠣᠨ ᠤ 12 ᠳ᠋ᠤᠭᠠᠷ | ᠰᠠᠷᠠ ᠶᠢᠨ 31 ᠤ ᠡᠳᠦᠷ ᠤᠨ 23 ᠴᠠᠭ 47 ᠮᠢᠨᠣᠲ ᠲᠤ 2023 ᠰᠢᠨᠡ ᠤᠨ ᠤ ᠰᠢᠵᠢᠷ ᠬᠤᠩᠬᠤᠨ ᠲᠠᠭᠤᠨ ᠠᠴᠠ ᠡᠮᠣᠨᠡᠬᠡᠨ ᠪᠡᠭᠡᠵᠢᠩ ᠳᠤ ᠲᠠᠭᠠᠯᠠᠯ | ᠲᠡᠭᠦᠰᠴᠠᠢ᠃ ᠨᠠᠰᠣᠨ ᠬᠤᠳᠤᠭ 76 ᠲᠠᠢ ︵ᠪᠥᠬᠦᠯᠢ ᠪᠠᠷ ᠢᠶᠠᠨ 75︶᠃ | ᠥᠨᠣ ᠪᠢ ᠡᠮᠬᠡᠨᠢᠯ ᠤᠨ ᠨᠢᠯᠪᠣᠰᠣ ᠪᠠᠨ ᠠᠷᠴᠢᠨ ᠠᠷᠴᠢᠨ ᠬᠠᠶᠢᠷᠠᠳᠣ ᡀᠠᠰᠥ᠋ᠷᠣᠩ ᠠᠬᠠ ᠪᠠᠨ ᠭᠠᠰᠢᠭᠤᠳᠠᠨ ︽ᠲᠣᠷᠣᠨᠠᠳᠠᠬᠢᠨ ᠤ ᠲᠣᠮᠣ ᠲᠠᠭᠤᠴᠢᠨ︾ | ᠭᠡᠬᠦ ᠰᠢᠯᠣᠭ᠌ ᠢᠶᠠᠨ ᠲᠣᠷᠠᠳᠬᠠᠨ ᠪᠢᠴᠢᠵᠣ ᠪᠠᠶᠢᠨᠠ᠃ | ᡀᠠᠰᠥ᠋ᠷᠣᠩ ᠠᠬᠠ ᠮᠢᠨᠢ 1947 ᠣᠨ ᠤ 6 ᠳ᠋ᠤᠭᠠᠷ ᠰᠠᠷᠠ ᠶᠢᠨ 7 ᠤ ᠡᠳᠣᠷ ᠤᠤᠯ ᠤᠨ ᠶᠡᠭᠡ ᠵᠣᠤ ᠠᠶᠢᠮᠠᠭ ᠤᠨ ᠬᠠᠩᠭᠢᠨ ᠬᠤᠰᠢᠭᠤᠨ ᠤ | ᠲᠥᠷᠪᠡᠳᠣᠭᠡᠷ ᠨᠣᠳᠤᠭ ︵ᠡᠯᠡᠰᠣᠳᠠᠢ ᠨᠣᠳᠤᠭ︶ ᠤᠨ ᠴᠠᠭᠠᠨ ᠤᠪᠣᠭᠠ ᠬᠡᠮᠡᠬᠦ ᠭᠠᠵᠠᠷ ᠮᠣᠩᠭᠤᠯ᠂ ᠬᠢᠳᠠᠳ᠂ ᠲᠥᠪᠡᠳ᠂ ᠠᠩᠭ᠍ᠯᠢ ᠳᠤ ᠨᠡᠪᠳᠡᠷᠡᠭᠰᠡᠨ | ᠰᠠᠮᠳᠠᠨᠷᠠᠭᠸᠠ ︵ᠰᠠᠮᠳᠠᠨ ᠭᠥᠤᠱᠢ︶᠂ ᠠᠷᠠᠳ ᠤᠨ ᠲᠠᠭᠤᠴᠢᠨ ᠠᠮᠣᠷᠰᠣᠸᠠ ᠶᠢᠨ ᠬᠡᠣᠬᠡᠳ ᠤᠨ ᠶᠡᠭᠡ ᠨᠢ ᠪᠣᠯᠵᠣ ᠮᠡᠨᠳᠣᠯᠡᠵᠡᠢ᠃ ᡀᠠᠰᠥ᠋ᠷᠣᠩ ᠪᠠᠭᠠ ᠠᠴᠠ | ᠤᠢ ᠪᠢᠯᠢᠭ ᠰᠠᠶᠢᠳᠠᠢ᠂ ᠤᠶᠣᠨ ᠤᠬᠠᠭᠠᠨ ᠬᠤᠷᠴᠠ ᠪᠣᠯᠬᠤᠷ ᠲᠠᠪᠣᠨ ᠨᠠᠰᠣᠳᠠᠢ ᠳᠠᠭᠠᠨ ᠬᠠᠩᠭᠢᠨ ᠬᠤᠰᠢᠭᠤᠨ ᠤ ᠪᠠᠨ ᠭᠠᠨᠵᠤᠣᠷ ᠰᠥᠮᠡ ᠶᠢᠨ ᠲᠠᠪᠣᠳᠣᠭᠠᠷ | ᠲᠥᠷᠢ ᠶᠢᠨ ᠭᠡᠭᠡᠨ ᠢᠶᠠᠷ ᠲᠣᠳᠣᠯᠠᠭᠳᠠᠵᠤ᠂ ᠰᠠᠬᠢᠯ ᠠᠪᠣᠨ ᠰᠢᠷᠡᠭᠡᠨ ᠳᠤ ᠰᠠᠭᠤᠵᠣ᠂ ᠨᠣᠮ ᠤᠨ ᠨᠡᠷᠡ ᠨᠢ ᠰᠣᠨᠣᠮᠯᠣᠪᠰᠠᠩᠳᠠᠩᠽᠨᠨᠨᠣᠷᠪᠤ ᠭᠡᠳᠡᠭ ᠪᠠᠶᠢᠵᠠᠢ᠃ | ᠠᠷᠪᠠᠨ ᠨᠢᠭᠡᠨ ᠨᠠᠰᠣᠨ ᠠᠴᠠ ᠪᠠᠨ ᠰᠣᠷᠭᠠᠭᠤᠯᠢ ᠰᠣᠶᠣᠯ ᠤᠨ ᠮᠥᠷ ᠬᠥᠭᠡᠭᠡᠵᠣ᠂ 13 ᠨᠠᠰᠣᠳᠠᠢ ᠳᠠᠭᠠᠨ ᠬᠤᠰᠢᠭᠤᠨ ᠤ ᠪᠠᠨ ᠤᠯᠠᠭᠠᠨᠮᠥ᠋ᠴᠢᠷ ᠲᠤ ᠰᠢᠯᠭᠠᠭᠳᠠᠨ | ᠤᠷᠣᠵᠣ᠂ ᠰᠡᠭᠦᠯᠡᠷ ᠨᠢ ᠥᠪᠣᠷ ᠮᠣᠩᠭᠤᠯ ᠤᠨ ᠤᠷᠠᠯᠢᠭ ᠤᠨ ᠲᠣᠰᠬᠠᠢ ᠮᠡᠷᠭᠡᠵᠢᠯ ᠤᠨ ᠰᠣᠷᠭᠠᠭᠤᠯᠢ ᠳᠤ ᠵᠠᠭᠤᠨᠠᠰᠣᠳᠣ ᠪᠠᠭᠰᠢ ᠳᠤ ᠱᠠᠪᠢᠯᠠᠨ ᠰᠣᠷᠣᠯᠴᠠᠪᠠ᠃ | ᠡᠷᠭᠢᠭᠡᠳ ᠪᠠᠰᠠ ᠲᠣᠮᠳᠠᠳᠣ ᠤᠯᠣᠰ ᠤᠨ ᠲᠠᠭᠤᠤ ᠬᠥᠭᠵᠢᠮ ᠤᠨ ᠲᠡᠭᠡᠳᠤ ᠰᠣᠷᠭᠠᠭᠤᠯᠢ ᠳᠤ ᠲᠠᠪᠳᠠᠨ ᠪᠣᠯᠪᠠᠰᠣᠷᠠᠵᠣ᠂ ᠥᠪᠣᠷ ᠮᠣᠩᠭᠤᠯ ᠤᠨ ᠷᠠᠳᠢᠤ᠋ ᠬᠤᠷᠢᠶᠠᠨ | ᠤ ᠮᠣᠩᠭᠤᠯ ᠨᠡᠪᠳᠡᠷᠡᠭᠦᠯᠭᠡ ᠳᠤ ᠬᠤᠪᠢᠶᠠᠭᠳᠠᠨ ᠠᠵᠢᠯᠯᠠᠵᠣ ᠪᠠᠶᠢᠭᠰᠠᠨ ᠢᠶᠠᠨ ᠰᠡᠭᠦᠯᠡᠷ ᠨᠢ ᠥᠪᠣᠷ ᠮᠣᠩᠭᠤᠯ ᠤᠨ ᠰᠢᠭᠤᠳ ᠬᠠᠷᠢᠶᠠ ᠤᠯᠠᠭᠠᠨᠮᠥ᠋ᠴᠢᠷ ᠤᠨ | ᠭᠤᠴᠢᠯᠠᠯ ᠲᠠᠭᠤᠴᠢᠨ ᠪᠣᠯᠣᠭᠰᠠᠨ ᠪᠠᠶᠢᠨᠠ᠃ 1986 ᠤᠨ ᠳᠤ ᠥᠪᠣᠷ ᠮᠣᠩᠭᠤᠯ ᠤᠨ ᠶᠡᠭᠡ ᠰᠣᠷᠭᠠᠭᠤᠯᠢ ᠶᠢᠨ ᠤᠳᠬᠠ ᠵᠣᠬᠢᠶᠠᠯ ᠵᠣᠬᠢᠶᠠᠨ ᠪᠥᠳᠣᠭᠡᠬᠦ | ᠰᠣᠳᠣᠯᠬᠤ ᠠᠩᠭᠢ ᠶᠢᠨ ᠰᠣᠳᠣᠯᠬᠤ ᠰᠣᠷᠣᠭᠴᠢ ᠶᠢᠨ ᠰᠣᠷᠣᠯᠭᠠ ᠪᠠᠨ ᠲᠡᠭᠦᠰᠭᠡᠵᠣ᠂ ᠲᠥᠪ ᠤᠨ ᠥᠨᠳᠣᠰᠣᠳᠡᠨ ᠤ ᠲᠠᠭᠤᠤ ᠪᠥᠵᠢᠭ ᠤᠨ ᠪᠥᠯᠬᠦᠮ ᠤᠨ | ᠭᠤᠴᠢᠯᠠᠯ ᠲᠠᠭᠤᠴᠢᠨ ᠢᠶᠠᠷ ᠠᠵᠢᠯᠯᠠᠵᠣ᠂ ᠤᠯᠣᠰ ᠤᠨ ᠨᠢᠭᠡᠳᠣᠭᠡᠷ ᠲᠡᠰ ᠤᠨ ᠲᠣᠭᠯᠠᠭᠴᠢ ᠶᠢᠨ ᠴᠣᠯᠠ ᠬᠠᠮᠠᠭᠠᠯᠠᠪᠠ᠃ ᡀᠠᠰᠥ᠋ᠷᠣᠩ ᠠᠬᠠ 2003 ᠤᠨ ᠠᠴᠠ | ︽ᠳᠣᠮᠳᠠᠳᠣ᠂ ᠮᠣᠩᠭᠤᠯ ᠬᠤᠶᠠᠷ ᠤᠯᠣᠰ ᠢᠶᠠᠷ ᠢᠶᠠᠨ ᠮᠣᠩᠭᠤᠯ ᠣᠷᠳᠣ ᠶᠢᠨ ᠲᠠᠭᠤᠤ ᠪᠠᠨ ᠬᠠᠮᠠᠭᠠᠯᠠᠨ ᠤᠯᠠᠮᠵᠢᠯᠠᠬᠤ ᠲᠣᠰᠬᠠᠢ ᠮᠡᠷᠭᠡᠵᠢᠯᠳᠡᠨ ᠤ ᠠᠵᠢᠯᠯᠠᠬᠤ | ᠲᠣᠭᠤᠶᠢᠯᠠᠩ︾ ᠤᠨ ᠲᠣᠮᠳᠠᠳᠣ ᠶᠢᠨ ᠲᠠᠯᠠ ᠶᠢᠨ ᠲᠡᠷᠢᠭᠦᠨ ᠪᠠᠶᠢᠷᠢ ᠶᠢᠨ ᠲᠣᠰᠬᠠᠢ ᠮᠡᠷᠭᠡᠵᠢᠯᠳᠡᠨ ᠪᠠᠶᠢᠵᠤ᠂ ᠮᠤᠩᠭᠤᠯ ᠤᠷᠳᠣ ᠶᠢᠨ ᠲᠠᠭᠤᠤ ᠪᠠᠨ ᠲᠡᠯᠡᠬᠡᠢ ᠶᠢᠨ | ᠪᠡᠶᠡᠲᠦ ᠪᠣᠰᠣ ᠰᠣᠶᠣᠯ ᠤᠨ ᠥᠪ ᠳᠤ ᠠᠮᠵᠢᠯᠳᠠ ᠲᠠᠢ ᠮᠡᠳᠡᠭᠦᠯᠬᠦ ᠠᠵᠢᠯ ᠳᠤ ᠢᠳᠡᠪᠬᠢᠳᠠᠢ ᠭᠠᠪᠢᠶᠠ ᠵᠢᠳᠭᠦᠯ ᠭᠠᠷᠭᠠᠭᠰᠠᠨ ᠶᠣᠮ᠃ 2007 ᠣᠨ ᠳᠤ ᠥᠪᠣᠷ | ᠮᠣᠩᠭᠤᠯ ᠤᠨ ᠤᠷᠳᠣ ᠶᠢᠨ ᠲᠠᠭᠤᠤ ᠤᠷᠠᠯᠢᠭ ᠤᠨ ᠰᠣᠯᠢᠯᠴᠠᠭᠠ ᠰᠣᠳᠤᠯᠭᠠᠨ ᠤ ᠨᠡᠶᠢᠭᠡᠮᠯᠢᠭ ᠤᠨ ᠠᠩᠬᠠᠳᠠᠭᠴᠢ ᠲᠡᠷᠢᠭᠦᠯᠡᠭᠴᠢ ᠪᠠᠷ ᠰᠣᠩᠭᠤᠭᠳᠠᠪᠠ᠃ | ᡀᠠᠰᠥ᠋ᠷᠣᠩ ᠠᠬᠠ ᠪᠣᠯ ︽ᠰᠢᠨᠡ ᠲᠣᠮᠳᠠᠳᠣ ᠤᠯᠣᠰ ᠤᠨ ᠬᠤᠶᠠᠳᠤᠭᠠᠷ ᠥᠶᠡ ᠶᠢᠨ ᠮᠣᠩᠭᠤᠯ ᠥᠨᠳᠣᠰᠣᠳᠡᠨ ᠤ ᠲᠠᠷᠬᠠᠨ ᠲᠠᠭᠤᠴᠢᠨ︾᠂ ︽ᠣᠷᠴᠢᠨ | ᠤᠳᠣ ᠥᠶᠡ ᠶᠢᠨ ᠲᠠᠷᠬᠠᠨ ᠲᠠᠭᠤᠴᠢᠨ︾᠂ ︽ᠲᠡᠯᠡᠬᠡᠢ ᠶᠢᠨ ᠮᠣᠩᠭᠤᠯ ᠤᠨ ᠲᠣᠮᠣ ᠲᠠᠭᠤᠴᠢᠨ︾᠂ ᠬᠥᠳᠡᠭᠡ ᠲᠠᠯᠠ ᠪᠣᠯ ᠲᠡᠭᠦᠨ ᠤ ᠰᠥᠭ ᠰᠥᠨᠡᠰᠣ ᠨᠢ᠂ | ᠮᠠᠯᠴᠢᠳ ᠪᠣᠯ ᠲᠡᠭᠦᠨ ᠤ ᠡᠯᠢᠭᠡ ᠵᠢᠷᠣᠬᠡ ᠨᠢ ᠶᠣᠮ ᠭᠡᠵᠣ ᠥᠨᠡᠯᠡᠭᠳᠡᠨ ᠡᠷᠭᠦᠮᠵᠢᠯᠡᠭᠳᠡᠵᠠᠢ᠃ ᡀᠠᠰᠥ᠋ᠷᠣᠩ ᠭᠤᠸᠠᠢ ᠠᠩᠬᠠᠨ ᠤ ᠦᠶᠡ ᠶᠢᠨ ᠤᠯᠠᠭᠠᠨᠮᠥ᠋ᠴᠢᠷ ᠤᠨ | ᠲᠣᠭᠯᠠᠭᠴᠢ ᠪᠣᠯᠣᠭᠰᠠᠨ ᠤ ᠬᠤᠪᠢ ᠳᠤ ᠭᠤᠴᠢᠯᠠᠯ ᠲᠠᠭᠤᠴᠢᠨ ᠮᠥᠷᠳᠡᠭᠡᠨ ᠳᠠᠭᠤᠯᠠᠬᠤ ᠶᠢᠨ ᠲᠠᠭᠠᠣ ᠰᠤᠳᠤᠯᠭᠠ ᠪᠠᠨ ᠥᠷᠭᠦᠯᠵᠢᠯᠡᠭᠦᠯᠵᠤ᠂ ᠤᠯᠠᠮᠵᠢᠯᠠᠨ | ᠵᠠᠯᠭᠠᠮᠵᠢᠯᠠᠬᠤ ᠪᠠ ᠵᠢᠭᠠᠨ ᠰᠣᠷᠭᠠᠬᠤ ᠪᠠᠷ ᠨᠠᠰᠣᠨ ᠲᠣᠷᠰᠢ ᠶᠢᠨ ᠥᠢᠯᠡᠰ ᠢᠶᠠᠨ ᠪᠣᠯᠭᠠᠭᠰᠠᠨ ᠠᠯᠳᠠᠷᠳᠣ ᠤᠷᠠᠯᠢᠭᠴᠢᠨ ᠶᠣᠮ᠃ ᠲᠡᠷᠡ ᠨᠢᠭᠡ ᠨᠠᠰᠣ ᠪᠠᠷ ᠢᠶᠠᠨ | ᠤᠷᠳᠣ ᠶᠢᠨ ᠲᠠᠭᠤᠤ ᠪᠠᠨ ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠬᠤ ᠪᠠᠨ ᠨᠢᠭᠡ ᠮᠥᠷᠣᠨ ᠤ ᠡᠭᠦᠷᠭᠡ ᠪᠠᠨ ᠪᠣᠯᠭᠠᠵᠣ᠂ ᠤᠷᠳᠣ ᠶᠢᠨ ᠲᠠᠭᠤᠤ ᠪᠠᠨ ᠬᠥᠳᠡᠭᠡ ᠲᠠᠯᠠ ᠠᠴᠠ | ᠬᠤᠳᠠ ᠳᠤ ᠂ ᠮᠣᠩᠭᠤᠯ ᠭᠡᠷ ᠠᠴᠠ ᠤᠷᠠᠯᠢᠭ ᠤᠨ ᠲᠠᠶᠢᠰᠠᠨ ᠳᠤ ᠬᠠᠩᠭᠢᠨᠠᠳᠠᠯᠠ ᠲᠠᠭᠤᠯᠠᠵᠣ ᠶᠠᠪᠣᠵᠠᠢ᠃ ᠲᠡᠷᠡ ᠤᠯᠠᠨ ᠵᠢᠯ ᠤᠨ ᠲᠣᠷᠰᠢ ᠪᠣᠭᠤᠨᠢ ᠵᠢᠯᠣᠭᠤ | ᠪᠣᠰᠤᠭᠠ ᠲᠥᠷᠣᠭᠡ ᠪᠠᠷ ᠮᠣᠩᠭᠤᠯ ᠤᠷᠳᠣ ᠶᠢᠨ ᠲᠠᠭᠤᠤ ᠣᠷᠠᠯᠢᠭ ᠢᠶᠠᠨ ᠬᠠᠮᠠᠭᠠᠯᠠᠨ ᠰᠣᠳᠣᠯᠬᠤ ᠳᠤ ᠡᠷᠬᠢᠮ ᠥᠨᠡᠳᠣ ᠡᠩ ᠥᠭᠡᠢ ᠥᠨᠡ ᠥᠷᠳᠡᠭ ᠤᠨ ᠥᠪ | ᠬᠥᠷᠣᠩᠭᠡ ᠪᠣᠯᠣᠨ ᠤᠶᠣᠨ ᠰᠠᠨᠠᠭᠠᠨ ᠤ ᠡᠳ᠋ ᠪᠠᠶᠠᠯᠢᠭ ᠢ ᠥᠯᠡᠳᠡᠭᠡᠭᠰᠡᠨ ᠶᠣᠮ᠃ | ᠮᠢᠨᠣ ᠵᠠᠯᠠᠭᠤ ᠪᠠᠭᠠ ᠠᠴᠠ ᠪᠠᠨ ᠰᠢᠳᠣᠵᠣ ᠪᠢᠰᠢᠷᠳᠡᠭ ᠠᠯᠳᠠᠷᠳᠣ ᠲᠠᠭᠤᠴᠢᠨ ᠤ ᠨᠢᠭᠡ ᠨᠢ ᡀᠠᠰᠥ᠋ᠷᠣᠩ ᠠᠬᠠ ᠪᠠᠶᠢᠯᠠ᠃ ᠭᠡᠬᠦ ᠳᠡᠭᠡᠨ ᡀᠠᠰᠥ᠋ᠷᠣᠩ | ᠠᠬᠠ ᠲᠠᠢ ᠠᠩᠬᠠ ᠠᠭᠤᠯᠵᠠᠵᠣ ᠲᠠᠨᠢᠯᠴᠠᠭᠰᠠᠨ ᠮᠠᠨᠢ ᠥᠨᠣ ᠠᠴᠠ ᠲᠥᠴᠢᠨ ᠨᠢᠭᠡᠨ ᠵᠢᠯ ᠤᠨ ᠡᠮᠣᠨᠡ᠂ ᠲᠣᠳᠣᠷᠠᠭᠤᠨ ᠰᠢᠭ᠋ ᠬᠡᠯᠡᠪᠡᠯ 1982 ᠣᠨ ᠤ 10 | ᠳ᠋ᠣᠭᠠᠷ ᠰᠠᠷᠠ ᠳᠤ ᠰᠢᠯᠢ ᠶᠢᠨ ᠭᠤᠣᠯ ᠠᠶᠢᠮᠠᠭ ᠤᠨ ᠠᠩᠬᠠᠳᠠᠭᠴᠢ ᠣᠳᠠᠭᠠᠨ ᠤ ︽ᠲᠠᠯᠠ ᠶᠢᠨ ᠲᠠᠭᠤᠯᠠᠯ︾ ᠨᠡᠷᠡᠮᠵᠢᠳᠣ ᠪᠥᠬᠦ ᠠᠶᠢᠮᠠᠭ ᠤᠨ ᠠᠵᠢᠯ ᠤᠨ | ᠴᠢᠯᠣᠭᠡᠨ ᠤ ᠲᠠᠭᠤᠤ ᠬᠥᠭᠵᠢᠮ ᠤᠨ ᠴᠣᠭᠯᠠᠭᠠᠨ ᠲᠡᠭᠡᠷᠡ ᠪᠢᠯᠡ᠃ ᠪᠢ ᠲᠡᠷᠡ ᠴᠣᠭᠯᠠᠭᠠᠨ ᠲᠡᠭᠡᠷᠡ ︽ᠰᠢᠯᠢ ᠶᠢᠨ ᠭᠤᠤᠯ ᠤᠨ ᠡᠳᠣᠷ ᠤᠨ ᠰᠣᠨᠢᠨ︾ ᠤ | ᠰᠣᠷᠪᠣᠯᠵᠢᠯᠠᠭᠴᠢ ᠪᠠᠷ ᠤᠷᠣᠯᠴᠠᠵᠣ ︽ᠲᠠᠳᠠᠷᠠᠰᠢ ᠥᠭᠡᠢ ᠲᠠᠯᠠ ᠶᠢᠨ ᠲᠠᠭᠤᠤ︾᠂ ︽ᠠᠯᠳᠠᠷᠳᠣ ᠤᠷᠠᠯᠢᠭᠴᠢᠳ ᠮᠠᠨ ᠤ ᠠᠶᠢᠮᠠᠭ ᠲᠤ︾ ᠵᠡᠷᠭᠡ ᠤᠶᠠᠩᠭᠠ | ᠰᠣᠷᠪᠣᠯᠵᠢᠯᠠᠭᠠ ᠰᠣᠷᠪᠣᠯᠵᠢᠯᠠᠵᠣ ᠪᠢᠴᠢᠬᠦ ᠳᠡᠭᠡᠨ ᡀᠠᠰᠥ᠋ᠷᠣᠩ ᠠᠬᠠ ᠵᠡᠷᠭᠡ ᠵᠠᠯᠠᠭᠤ᠂ ᠢᠳᠡᠷ᠂ ᠠᠬᠠᠮᠠᠳ ᠤᠷᠠᠯᠢᠭᠴᠢᠳ ᠤᠨ ᠠᠯᠳᠠᠨ ᠨᠢᠭᠤᠷ ᠲᠠᠢ ᠨᠢ | ᠵᠣᠯᠭᠠᠵᠣ᠂ ᠠᠪᠢᠶᠠᠰ ᠪᠢᠯᠢᠭ ᠢ ᠨᠢ ᠪᠠᠭ᠋ᠠᠷᠬᠠᠭᠰᠠᠨ ᠶᠣᠮ᠃ ᠲᠡᠷᠡ ᠦᠶᠡ ᠶᠢᠨ ᠮᠠᠨ ᠤ ᠰᠣᠨᠢᠨ ᠤ ᠨᠢᠭᠤᠷ ᠬᠠᠭᠤᠳᠠᠰᠣ ᠶᠢᠨ ᠬᠢᠵᠠᠭᠠᠷᠯᠠᠯ ᠠᠴᠠ ᠪᠣᠯᠪᠠᠣ ᠳ᠋ᠠ ︽ | ᠠᠯᠳᠠᠷᠳᠣ ᠤᠷᠠᠯᠢᠭᠴᠢᠳ ᠮᠠᠨ ᠤ ᠠᠶᠢᠮᠠᠭ ᠲᠤ︾ ᠬᠡᠮᠡᠬᠦ ᠰᠣᠷᠪᠣᠯᠵᠢᠯᠠᠭᠠ ᠳᠠᠭᠠᠨ ᠲᠠᠷᠬᠠᠨ ᠲᠠᠭᠤᠴᠢᠨ ᡀᠠᠵᠠᠪ᠂ ᠠᠯᠳᠠᠷᠳᠣ ᠲᠠᠭᠤᠴᠢᠨ ᠲᠥᠳᠣᠪ᠂ ᠵᠠᠯᠠᠭᠤ | ᠲᠠᠭᠤᠴᠢᠨ ᡀᠠᠰᠥ᠋ᠷᠣᠩ᠂ ᠠᠯᠳᠠᠷᠳᠣ ᠬᠤᠪᠢᠰᠴᠢᠨ ᠭᠣ · ᠴᠡᠩᠭᠡᠯᠳᠣ᠂ ᠮᠣᠩᠭᠤᠯ ᠲᠠᠭᠤᠤ ᠮᠠᠰᠢ ᠭᠤᠶᠣ ᠲᠠᠭᠤᠯᠠᠳᠠᠭ ᠬᠢᠳᠠᠳ ᠥᠨᠳᠣᠰᠣᠳᠡᠨ ᠤ ᠠᠯᠳᠠᠷᠳᠣ | ᠲᠠᠭᠤᠴᠢᠨ ᠽᠥᠸᠧ ᠷᠤ᠋ ᠶᠥᠨ ᠵᠡᠷᠭᠡ ᠠᠯᠳᠠᠷᠳᠠᠳ ᠲᠤ ᠬᠥᠮᠤᠨ ᠪᠥᠷᠢ ᠳᠤ ᠬᠡᠳᠣᠨ ᠵᠠᠭᠤᠨ ᠥᠰᠣᠭ᠌ ᠤᠨ ᠯᠡ ᠬᠡᠰᠢᠭ ᠲᠠᠢ ᠨᠢᠭᠡ ᠨᠢᠭᠤᠷ ᠲᠡᠭᠡᠨ ᠪᠠᠭᠳᠠᠭᠠᠨ | ᠲᠠᠨᠢᠯᠴᠠᠭᠤᠯᠣᠭᠰᠠᠨ ᠢᠶᠠᠨ ᠰᠠᠨᠠᠵᠣ ᠪᠠᠶᠢᠨᠠ᠃ | ᡀᠠᠰᠥ᠋ᠷᠣᠩ ᠠᠬᠠ ᠶᠢ ᠰᠣᠷᠪᠣᠯᠵᠢᠯᠠᠬᠤ ᠳᠤ ᠲᠡᠷᠡ᠄ ︽ᠡᠨᠡ ᠤᠳᠠᠭᠠ ᠪᠢ ᠰᠢᠯᠢ ᠶᠢᠨ ᠭᠤᠣᠯ ᠳᠤ ᠢᠷᠡᠭᠰᠡᠨ ᠤ ᠭᠤᠣᠯ ᠵᠣᠷᠢᠯᠭᠠ ᠨᠢ ᠠᠵᠢᠯ ᠤᠨ | ᠴᠢᠯᠣᠭᠡᠨ ᠤ ᠠᠷᠠᠳ ᠤᠨ ᠲᠠᠭᠤᠴᠢᠳ ᠠᠴᠠ ᠰᠣᠷᠣᠯᠴᠠᠬᠤ ᠶᠢᠨ ᠲᠠᠭᠠᠤ ᠠᠯᠳᠠᠷᠳᠣ ᠠᠬᠠᠮᠠᠳ ᠲᠠᠭᠤᠴᠢᠨ ᡀᠠᠵᠠᠪ ᠭᠤᠸᠠᠢ ᠶᠢᠨ ᠤᠷᠠᠯᠢᠭ ᠤᠨ ᠠᠮᠢᠳᠣᠷᠠᠯ ᠤᠨ | ᠲᠣᠬᠠᠢ ᠤᠯᠠᠮ ᠨᠢᠭᠡ ᠠᠯᠬᠤᠮ ᠤᠶᠢᠯᠠᠭᠠᠬᠤ ᠰᠠᠨᠠᠭᠠᠳᠠᠢ᠂ ᠲᠠᠬᠢᠨ ᠬᠡᠯᠡᠪᠡᠯ ᠰᠢᠯᠢ ᠶᠢᠨ ᠭᠤᠣᠯ ᠪᠣᠯ ᠮᠢᠨᠤ ᠲᠠᠭᠤᠤ ᠶᠢᠨ ᠪᠠᠭᠰᠢ ᠵᠠᠭᠤᠨᠠᠰᠣᠳᠣ ᠶᠢᠨ ᠨᠣᠳᠤᠭ᠂ | ᠮᠥᠨ ᠴᠣ᠋ ᠮᠢᠨᠣ ᠭᠡᠷᠭᠡᠢ ᠵᠸᠤ ᠪᠢᠩ ᠵᠢᠶᠠᠨ ︵ᠵᠸᠤ ᠡᠸ᠋ᠨ ᠯᠠᠢ ᠶᠡᠷᠣᠩᠬᠡᠢ ᠰᠠᠶᠢᠳ ᠤᠨ ᠠᠴᠢ ᠥᠬᠢᠨ︶ ᠤ ᠥᠰᠴᠣ ᠪᠣᠶᠢᠵᠢᠭᠰᠠᠨ ᠬᠤᠶᠠᠳᠠᠬᠢ ᠥᠯᠣᠭᠡᠢ᠂ ᠪᠢ | ᠡᠨᠡ ᠨᠣᠳᠤᠭ ᠲᠤ ᠤᠨᠴᠠ ᠶᠢᠨ ᠬᠠᠶᠢᠷᠠ ᠰᠡᠳᠬᠢᠯᠭᠡ ᠲᠠᠢ ᠁ ︾᠂ ︽ᠠᠷᠠᠳ ᠤᠨ ᠲᠠᠭᠤᠴᠢᠨ ᠪᠣᠯᠬᠤ ᠨᠢ ᡀᠠᠰᠥ᠋ᠷᠣᠩ ᠮᠢᠨᠤ ᠠᠳᠠᠪᠠᠰᠢ ᠵᠢᠷᠭᠠᠯ ᠁︾ | ᠭᠡᠵᠣ ᠶᠠᠷᠢᠭᠰᠠᠨ ᠢ ᠥᠨᠣ ᠪᠣᠯᠳᠠᠯᠠ ᠪᠢ ᠴᠡᠭᠡᠵᠢ ᠵᠢᠷᠣᠬᠡᠨ ᠳᠡᠭᠡᠨ ᠬᠠᠳᠠᠭᠠᠯᠠᠭᠰᠠᠭᠠᠷ᠃ ᠤᠷᠣᠢ ᠶᠢᠨ ᠲᠣᠭᠯᠠᠯᠳᠠ ᠲᠡᠭᠡᠷᠡ ᡀᠠᠰᠥ᠋ᠷᠣᠩ ᠠᠬᠠ ︽ᠴᠡᠷᠢᠭ ᠡᠷᠠ | ᠶᠢᠨ ᠲᠠᠭᠤᠤ︾᠂ ︽ ᠴᠡᠷᠢᠭ ᠡᠷᠡ ᠶᠢᠨ ᠭᠡᠷᠭᠡᠢ ᠶᠢᠨ ᠲᠠᠭᠤᠤ︾ ᠵᠡᠷᠭᠡ ᠠᠷᠪᠠᠭᠠᠳ ᠲᠠᠭᠤᠤ ᠶᠢ ᠤᠯᠠᠨ ᠤ ᠠᠯᠠᠭᠠ ᠲᠠᠰᠢᠯᠳᠠ ᠶᠢᠨ ᠲᠣᠮᠳᠠ ᠠᠷᠣ ᠠᠷᠣ ᠠᠴᠠ | ᠨᠢ ᠲᠠᠭᠤᠯᠠᠪᠠ᠃ ᠠᠷᠠᠳ ᠲᠥᠮᠡᠨ ᠤ ᠰᠣᠨᠣᠰᠬᠤ ᠲᠣᠷᠠᠳᠠᠢ ᠬᠠᠯᠠᠮᠰᠢᠯ ᠪᠣᠯᠣᠭᠰᠠᠨ ᠡᠨᠡ ᠬᠤᠶᠡᠷ ᠲᠠᠭᠤᠤ ᠶᠢ ᠬᠢᠯᠢ ᠶᠢᠨ ᠲᠡᠭᠡᠰᠣ ᠴᠢᠩᠭᠠ ᠪᠠᠶᠢᠭᠰᠠᠨ ᠲᠡᠷᠡ | ᠥᠶᠡ ᠳᠤ ᠮᠠᠨ ᠤ ᠰᠢᠯᠢ ᠶᠢᠨ ᠭᠤᠤᠯ ᠳᠤ ᠬᠥᠷᠭᠡᠵᠣ ᠢᠷᠡᠭᠰᠡᠨ ᠠᠩᠬᠠᠨ ᠤ ᠤᠷᠠᠯᠢᠭᠴᠢᠨ ᠪᠣᠯ ᠮᠠᠨ ᠤ ᠠᠯᠳᠠᠷᠳᠣ ᠠᠷᠠᠳ ᠤᠨ ᠲᠠᠭᠤᠴᠢᠨ ᡀᠠᠰᠥ᠋ᠷᠣᠩ ᠠᠬᠠ | ᠪᠠᠶᠢᠬᠠ ᠡ ᠭᠡᠵᠤ ᠪᠢ ᠪᠣᠳᠣᠳᠠᠭ ᠶᠣᠮ᠃ ᠲᠡᠷᠡ ᠦᠶᠡ ᠳᠤ ᠠᠯᠳᠠᠷᠳᠣ ᠲᠠᠷᠬᠠᠨ ᠲᠠᠭᠤᠴᠢᠨ ᠠᠴᠢᠳᠣ ᡀᠠᠵᠠᠪ ᠪᠠᠭᠰᠢ ᠪᠠᠨ ᠪᠢᠴᠢᠬᠦ ᠪᠠᠷ ᠡᠳᠣᠷ ᠤᠨ ᠪᠣᠳᠣᠯ | ᠰᠥᠨᠢ ᠶᠢᠨ ᠵᠡᠭᠦᠳᠣ ᠪᠠᠨ ᠪᠣᠯᠭᠠᠵᠣ ᠪᠠᠶᠢᠭᠰᠠᠨ ᡀᠠᠰᠥ᠋ᠷᠣᠩ ᠠᠬᠠ ᠮᠢᠨᠢ ᠥᠨᠣ ᠲᠣᠮᠳᠠᠳᠣ ᠤᠯᠤᠰ ᠤᠨ ᠮᠣᠩᠭᠤᠯ ᠤᠷᠳᠣ ᠶᠢᠨ ᠲᠠᠭᠤᠤ ᠶᠢᠨ ᠪᠣᠭᠤᠷᠣᠯ | ᠭᠤᠷᠪᠠᠨ ᠤᠷᠭᠢᠯ — ᡀᠠᠵᠠᠪ᠂ ᠪᠣᠶᠠᠨᠳᠡᠯᠭᠡᠷ᠂ ᠵᠠᠭᠤᠨᠠᠰᠣᠳᠣ ᠳᠠᠭᠠᠨ ︽ᠠᠷᠠᠳ ᠤᠨ ᠠᠯᠳᠠᠷᠳᠣ ᠲᠠᠭᠤᠴᠢᠨ ᡀᠠᠵᠠᠪ︾᠂ ︽ᠮᠢᠨᠤ ᠪᠠᠭᠰᠢ ᠵᠠᠭᠤᠨᠠᠰᠣᠳᠣ︾᠂ | ︽ᠪᠣᠶᠠᠨᠳᠡᠯᠭᠡᠷ ᠤᠨ ᠨᠠᠮᠳᠠᠷ︾ ᠵᠡᠷᠭᠡ ᠭᠤᠷᠪᠠᠨ ᠪᠠᠷᠢᠮᠳᠠᠳᠣ ᠷᠣᠮᠠᠨ ᠢᠶᠠᠷ ᠢᠶᠠᠨ ᠮᠥᠩᠬᠡ ᠶᠢᠨ ᠬᠥᠰᠢᠶᠡ ᠪᠣᠰᠬᠠᠵᠠᠢ᠃ ᠡᠨᠡ ᠭᠤᠷᠪᠠᠨ ᠷᠣᠮᠠᠨ ᠪᠣᠭᠤᠷᠣᠯ ᠭᠤᠷᠪᠠᠨ | ᠪᠠᠭᠰᠢ ᠶᠢᠨ ᠨᠠᠮᠳᠠᠷ ᠬᠥᠰᠢᠶᠡ ᠲᠡᠳᠣᠢ ᠥᠭᠡᠢ᠂ ᠭᠤᠨᠳᠠᠨ ᠪᠠᠭᠤᠷᠠᠰᠢ ᠥᠭᠡᠢ ᠮᠣᠩᠭᠠᠣᠯ ᠤᠷᠳᠣ ᠶᠢᠨ ᠲᠠᠭᠤᠤ ᠶᠢᠨ ᠮᠠᠨᠢ ᠥᠨᠢ ᠮᠥᠩᠬᠡ ᠶᠢᠨ ᠭᠤᠷᠪᠠᠨ ᠮᠠᠷᠠᠯ᠂ | ᠡᠩᠬᠡ ᠶᠢᠨ ᠭᠤᠷᠪᠠᠨ ᠬᠥᠰᠢᠶᠡ ᠲᠣᠷᠠᠰᠬᠠᠯ ᠪᠣᠯᠵᠣ ᠮᠥᠩᠬᠡᠷᠡᠵᠠᠢ᠃ | ᠤᠷᠳᠣ ᠶᠢᠨ ᠲᠠᠭᠤᠤ ᠲᠠᠭᠤᠯᠠᠵᠣ ᠪᠣᠯᠬᠤ ᠥᠭᠡᠢ ᠪᠠᠶᠢᠭᠰᠠᠨ ᠥᠨᠣ ᠭᠡᠴᠡᠭᠦᠤ ᠴᠠᠭ ᠲᠤ ᡀᠠᠰᠥ᠋ᠷᠣᠩ ᠠᠬᠠ ᠮᠢᠨᠢ ᠤᠷᠳᠣ ᠶᠢᠨ ᠲᠠᠭᠤᠤ ᠶᠢᠨ ᠢᠶᠠᠨ | ᠤᠶᠠᠩᠭᠠᠳᠣ ᠠᠶᠠ ᠳᠠᠭᠠᠨ ︽ᠤᠮᠠᠷᠠᠳᠣ ᠬᠢᠯᠢ ᠶᠢᠨ ᠬᠠᠷᠠᠭᠤᠯ︾ ᠭᠡᠰᠡᠨ ᠥᠪᠡᠷ ᠢᠶᠠᠨ ᠥᠭᠡ ᠤᠷᠣᠭᠤᠯᠣᠨ ᠲᠠᠭᠤᠯᠠᠵᠣ ᠤᠷᠳᠣ ᠶᠢᠨ ᠲᠠᠭᠤᠤ ᠪᠠᠨ ᠤᠯᠣᠰ | ᠲᠥᠮᠡᠨ ᠤ ᠪᠠᠨ ᠴᠢᠬᠢᠨ ᠠᠴᠠ ᠰᠠᠯᠭᠠᠬᠤ ᠥᠭᠡᠢ ᠴᠢᠷᠮᠡᠶᠢᠵᠣ ᠪᠠᠶᠢᠯᠠ ᠭᠡᠵᠣ ᠲᠥᠪ ᠷᠠᠳᠢᠣ᠋ ᠶᠢᠨ ᠨᠡᠷᠡᠳᠣ ᠨᠡᠪᠳᠡᠷᠡᠭᠦᠯᠣᠭ᠍ᠴᠢ ᠤᠷᠠᠨᠴᠢᠮᠡᠭ ᠤᠨ ᠰᠣᠷᠪᠣᠯᠵᠢᠯᠠᠭᠠ ᠶᠢ | ᠬᠥᠯᠢᠶᠡᠬᠦ ᠳᠡᠭᠡᠨ ᠶᠠᠷᠢᠵᠣ ᠪᠠᠶᠢᠭᠰᠠᠨ ᠢ ᠪᠢ ᠲᠥᠪ ᠷᠠᠳᠢᠣ᠋ ᠠᠴᠠ ᠰᠣᠨᠣᠰᠴᠣ ᠪᠠᠶᠢᠭᠰᠠᠨ ᠪᠢᠯᠡ᠃ | 1984 ᠣᠨ ᠤ ᠬᠠᠪᠣᠷ᠂ ᡀᠠᠰᠥ᠋ᠷᠣᠩ ᠠᠬᠠ ᠪᠢᠳᠡ ᠬᠥᠬᠡᠬᠤᠳᠠ ᠠᠴᠠ ᠬᠡᠳᠣᠭᠦᠯᠡ᠂ ᠡᠯᠡ ᠠᠶᠢᠮᠠᠭ ᠠᠴᠠ ᠲᠣᠰ ᠪᠥᠷᠢ ᠨᠢᠭᠡ ᠨᠢᠭᠡ ᠬᠥᠮᠤᠨ᠂ | ᠰᠢᠨᠵᠢᠶᠠᠩ ᠬᠥᠬᠡᠨᠡᠭᠤᠷ ᠠᠴᠠ ᠭᠤᠷᠪᠠᠨ ᠬᠥᠮᠣᠨ᠂ ᠮᠠᠨ ᠤ ᠬᠤᠷᠢᠭᠤᠯᠠ ᠥᠪᠣᠷ ᠮᠣᠩᠭᠤᠯ ᠤᠨ ᠶᠡᠭᠡ ᠰᠣᠷᠭᠠᠭᠤᠯᠢ ᠶᠢᠨ ᠲᠥᠷᠪᠡᠳᠣᠭᠡᠷ ᠬᠤᠭᠤᠴᠠᠭᠠᠨ ᠤ | ᠵᠣᠬᠢᠶᠠᠨ ᠪᠥᠳᠣᠭᠡᠬᠦ ᠰᠣᠳᠣᠯᠬᠤ ᠠᠩᠭᠢ ᠶᠢᠨ ᠰᠣᠷᠣᠭᠴᠢ ᠪᠣᠯᠪᠠ᠃ ᠡᠨᠡ ᠰᠣᠳᠣᠯᠬᠤ ᠠᠩᠭᠢ ᠶᠢ ᠰᠣᠶᠣᠯ ᠤᠨ ᠬᠤᠪᠢᠰᠬᠠᠯ ᠠᠴᠠ ᠡᠮᠣᠨᠡ ᠬᠤᠶᠠᠷ ᠬᠤᠭᠤᠴᠠᠭᠠ | ᠂ ᠬᠤᠶᠢᠨᠠ ᠬᠤᠶᠠᠷ ᠬᠤᠭᠤᠴᠠᠭᠠ ᠡᠷᠬᠢᠯᠡᠵᠣ ᠪᠠᠶᠢᠭᠠ ᠶᠤᠮ ᠪᠠᠶᠢᠨᠠ᠃ ᠠᠩᠬᠠᠨ ᠤ ᠬᠤᠭᠤᠴᠠᠭᠠᠨ ᠳᠤ ᠨᠠ᠊ · ᠰᠠᠶᠢᠨᠴᠣᠭᠳᠣ᠂ ᠮᠠᠯᠴᠢᠨᠬᠦᠤ᠂ ᠪ᠊ · | ᠪᠥᠷᠢᠨᠪᠠᠬᠢ᠂ ᠠ᠊ · ᠤᠳᠽᠡᠷ ᠨᠠᠷ᠂ ᠬᠤᠶᠠᠳᠣᠭᠠᠷ ᠬᠤᠭᠤᠴᠠᠭᠠᠨ ᠳᠤ ᠵᠥᠴᠣᠭᠡ ᠶᠢᠨ ᠵᠣᠬᠢᠶᠠᠯᠴᠢ ᠴᠣᠭᠳᠣᠨᠠᠷᠠᠨ᠂ ᠶᠦᠨ ᠵᠣᠤ ᠭᠤᠸᠠᠩ᠂ ᠰᠡᠷᠡᠨᠳᠣᠷᠵᠢ ᠨᠠᠷ | ᠂ ᠭᠤᠷᠪᠠᠳᠣᠭᠠᠷ ᠬᠤᠭᠤᠴᠠᠭᠠᠨ ᠳᠤ ᠮ᠊ · ᠠᠰᠠᠷ᠂ ᠨᠤᠯᠮᠠᠰᠡᠷᠡᠩ᠂ ᠮᠠᠨᠳᠣᠮᠣᠢ᠂ ᠭᠣ · ᠷᠢᠨᠴᠢᠨᠨᠠᠮᠵᠢᠯ ᠨᠠᠷ ᠪᠠᠶᠢᠯᠴᠠᠵᠣ ᠮᠠᠨ ᠤ ᠲᠥᠷᠪᠡᠳᠣᠭᠡᠷ ᠬᠤᠭᠤᠴᠠᠭᠠ | ᠨᠢ ᠠᠷᠳᠠᠢ᠂ ᡀᠠᠰᠥ᠋ᠷᠣᠩ᠂ ᠬᠠᠳᠠᠴᠢ ᠭᠠᠩ᠂ ᠵᠠ᠊ · ᠪᠠᠳᠣᠨᠠᠰᠣᠨ᠂ ᠭᠠ᠊ · ᠰᠢᠷᠣᠪᠵᠠᠮᠰᠤ ᠨᠠᠷ ᠢᠶᠠᠷ ᠪᠥᠷᠢᠯᠳᠣᠵᠠᠢ᠃ ᠮᠠᠨ ᠤ ᡀᠠᠰᠥ᠋ᠷᠣᠩ ᠠᠬᠠ | ᠠᠩᠭᠢ ᠶᠢᠨ ᠲᠠᠷᠤᠭᠠ᠂ ᠬᠠᠳᠠᠴᠢ ᠭᠠᠩ ᠠᠩᠭᠢ ᠶᠢᠨ ᠨᠠᠮ ᠤᠨ ᠡᠭᠦᠷ ᠤᠨ ᠱᠥᠵᠢ ᠬᠤᠶᠠᠭᠤᠯᠠ ᠠᠩᠭᠢ ᠶᠢᠨ ᠡᠷᠬᠢᠯᠡᠭᠴᠢ ᠪ᠊ · ᠪᠥᠷᠢᠨᠪᠠᠬᠢ ᠪᠠᠭᠰᠢ ᠶᠢᠨ | ᠵᠢᠯᠣᠭᠤᠳᠣᠯᠭᠠ ᠲᠣᠤᠷᠡ ᠮᠠᠨ ᠤ ᠠᠩᠭᠢ ᠪᠠᠨ ᠭᠤᠶᠣ ᠰᠠᠶᠢᠬᠠᠨ ᠠᠪᠴᠣ ᠶᠠᠪᠣᠭᠰᠠᠨ ᠶᠤᠮ᠃ ᠪᠢᠳᠡ ᠰᠣᠳᠣᠯᠬᠤ ᠠᠩᠭᠢ ᠶᠢᠨ ᠬᠤᠶᠠᠷ ᠵᠢᠯ ᠤᠨ ᠰᠣᠷᠣᠯᠭᠠ ᠪᠠᠨ | ᠠᠮᠵᠢᠯᠳᠠ ᠲᠠᠢ ᠲᠥᠭᠦᠷᠡᠭᠡᠵᠣ ᠲᠣᠰ ᠲᠣᠰ ᠤᠨ ᠠᠵᠢᠯ ᠤᠨ ᠪᠠᠶᠢᠷᠠᠢ ᠳᠠᠭᠠᠨ ᠬᠠᠷᠢᠵᠠᠭᠠᠵᠣ᠂ ᠠᠶᠢᠮᠠᠭ ᠠᠶᠢᠮᠠᠭ ᠤᠨ ᠢᠶᠠᠨ ᠤᠳᠬᠠ ᠤᠷᠠᠯᠢᠭ ᠤᠨ ᠬᠤᠯᠪᠣᠭᠠᠨ | ᠳᠤ ᠡᠭᠦᠷᠭᠡ ᠲᠣᠰᠢᠶᠠᠯ ᠬᠠᠷᠢᠭᠤᠴᠠᠵᠣ ᠠᠮᠵᠢᠯᠳᠠ ᠲᠠᠢ ᠠᠵᠢᠯᠯᠠᠵᠠᠭᠠᠵᠣ᠂ ᠰᠡᠳᠭᠦᠯ ᠤᠳ ᠤᠨ ᠶᠡᠷᠣᠩᠬᠡᠢ ᠨᠠᠶᠢᠷᠠᠭᠤᠯᠣᠭᠴᠢ ᠶᠢᠨ ᠡᠭᠦᠷᠭᠡ ᠲᠣᠰᠢᠶᠠᠯ ᠳᠤ | ᠰᠢᠭᠤᠷᠬᠠᠶᠢᠯᠠᠨ ᠰᠡᠳᠭᠦᠯᠴᠢ ᠶᠢᠨ ᠡᠭᠦᠷᠭᠡ ᠳᠡᠭᠡᠨ ᠥᠯᠵᠡᠢ ᠮᠥᠷ ᠲᠠᠢ ᠶᠠᠪᠣᠵᠣ᠂ ᠥᠪᠡᠷ ᠥᠪᠡᠷᠰᠡᠳ ᠤᠨ ᠢᠶᠠᠨ ᠵᠤᠬᠢᠶᠠᠯ ᠪᠥᠳᠣᠭᠡᠯ ᠳᠤ ᠴᠣ᠋ ᠵᠣᠬᠢᠬᠤ | ᠠᠮᠵᠢᠯᠳᠠ ᠲᠠᠢ ᠶᠠᠪᠣᠭᠠ ᠶᠣᠮ᠃ ᠠᠷᠳᠠᠢ ᠶᠢᠨ ᠢᠷᠠᠭᠤ ᠨᠠᠶᠢᠷᠠᠭ᠂ ᠪᠥᠷᠢᠨᠳᠡᠭᠦᠰ ᠤᠨ ᠷᠣᠮᠠᠨ᠂ ᠬᠠᠳᠠᠴᠢ ᠭᠠᠩ ᠤᠨ ᠤᠳᠬᠠ ᠵᠤᠬᠢᠶᠠᠯ ᠤᠨ ᠤᠨᠣᠯ᠂ ᠰᠢᠭᠦᠮᠵᠢ᠂ | ᠤᠷᠴᠢᠭᠤᠯᠤᠭᠠ᠂ ᡀᠠᠰᠥ᠋ᠷᠣᠩ ᠤᠨ ᠪᠠᠷᠢᠮᠳᠠᠳᠣ ᠷᠣᠮᠠᠨ᠂ ᠭᠠ᠊ · ᠰᠢᠷᠤᠪᠵᠠᠮᠰᠤ ᠶᠢᠨ ᠲᠣᠭᠤᠵᠢᠰ ᠤᠨ ᠵᠣᠬᠢᠶᠠᠯ᠂ ᠰᠡᠴᠡᠨᠪᠢᠯᠢᠭ ᠤᠨ ᠨᠠᠶᠢᠷᠠᠭᠤᠯᠣᠯ᠂ ᠴ᠊ | · ᠮᠥᠩᠬᠡᠰᠥ᠋ᠷᠣᠩ ᠤᠨ ᠰᠢᠯᠣᠭ᠌ ᠵᠡᠷᠭᠡ ᠨᠢ ᠥᠪᠣᠷ ᠮᠣᠩᠭᠤᠯ ᠤᠨ ᠤᠷᠠᠨ ᠵᠤᠬᠢᠶᠠᠯ ᠤᠨ ᠨᠢᠭᠡᠨ ᠥᠶᠡ ᠶᠢᠨ ᠨᠢᠷᠣᠭᠤ ᠪᠣᠯᠵᠣ ᠪᠠᠶᠢᠯᠠ ᠭᠡᠬᠦ ᠳᠤ ᠠᠷᠠᠢ ᠴᠣ᠋ | ᠬᠡᠲᠦᠷᠡᠬᠦ ᠥᠭᠡᠢ ᠰᠢᠭ ᠪᠤᠳᠣᠭᠳᠠᠬᠤ ᠶᠣᠮ᠃ | 1984 ᠣᠨ ᠤ ᠵᠤᠨ ᠤ ᠠᠮᠠᠷᠠᠯᠳᠠ ᠳᠤ ᡀᠠᠰᠥ᠋ᠷᠣᠩ ᠠᠬᠠ ᠮᠠᠨ ᠤ ᠰᠢᠯᠢ ᠶᠢᠨ ᠭᠤᠤᠯ ᠳᠤ ᠢᠷᠡᠵᠣ᠂ ᠮᠠᠨ ᠤ ᠳᠤ ᠢᠷᠡᠵᠣ᠂ ᠨᠠᠮᠠᠢᠢ ᠲᠠᠭᠠᠭᠤᠯᠵᠣ᠂ | ᠲᠣᠬᠠᠢ ᠶᠢᠨ ᠦᠶᠡ ᠶᠢᠨ ᠤᠣᠯ ᠤᠨ ᠰᠢᠯᠢᠩᠬᠤᠳᠠ ᠶᠢᠨ ᠲᠠᠪᠰᠢᠯᠳᠠ ᠰᠣᠮᠣᠨ ᠳᠤ ᡀᠠᠵᠠᠪ ᠪᠠᠭᠰᠢ ᠶᠢᠨ ᠳᠤ ᠬᠥᠷᠴᠣ ᠨᠢᠭᠡ ᠭᠠᠷᠠᠭ ᠰᠠᠭᠤᠨ ᠬᠡᠭᠡᠷᠡ ᠶᠢᠨ | ᠪᠠᠶᠢᠴᠠᠭᠠᠯᠳᠠ᠂ ᠲᠣᠰᠬᠠᠢ ᠰᠣᠷᠪᠣᠯᠵᠢᠯᠠᠭᠠ ᠬᠢᠵᠣ ︽ᠠᠷᠠᠳ ᠤᠨ ᠠᠯᠳᠠᠷᠳᠣ ᠲᠠᠭᠤᠴᠢᠨ ᡀᠠᠵᠠᠪ︾ ᠷᠣᠮᠠᠨ ᠤ ᠪᠠᠨ ᠭᠥᠨ ᠭᠥᠨᠵᠡᠭᠡᠢ᠂ ᠥᠷᠭᠡᠨ ᠲᠡᠯᠭᠡᠷ᠂ | ᠨᠠᠷᠢᠨ ᠨᠢᠭᠳᠠ᠂ ᠪᠣᠳᠠᠳᠣ ᠮᠠᠲ᠋ᠧᠷᠢᠶᠠᠯ ᠢ ᠪᠥᠷᠢᠯᠳᠣᠭᠦᠯᠣᠭ᠍ᠰᠡᠨ ᠶᠣᠮ᠃ ᠡᠳᠣᠷ ᠨᠢ ᡀᠠᠵᠠᠪ ᠪᠠᠭᠰᠢ ᠰᠢᠷᠠ ᠠᠶᠢᠷᠠᠭ ᠢᠶᠠᠨ ᠠᠪᠴᠣ ᠤᠨᠠᠭᠰᠠᠨ ᠰᠢᠷᠣᠢ ᠲᠡᠭᠡᠭᠦᠷ | ᠢᠶᠠᠨ ᠴᠢᠮᠪᠠᠶᠢᠬᠠᠨ ᠠᠯᠬᠤᠯᠠᠵᠣ᠂ ᠬᠠᠶᠠ ᠵᠠᠪᠢᠯᠠᠵᠣ ᠰᠠᠭᠤᠭᠠᠳ ᠰᠢᠷᠠ ᠠᠶᠢᠷᠠᠭ ᠢᠶᠠᠨ ᠰᠢᠮᠡᠨ ᠰᠢᠮᠡᠨ᠂ ᠰᠢᠷᠠ ᠲᠠᠯᠠ᠂ ᠲᠣᠭᠤᠭᠠ ᠠᠭᠤᠯᠠ᠂ ᠬᠢᠳᠤᠭᠠ ᠠᠭᠤᠯᠠ | ᠪᠠᠨ ᠬᠠᠷᠠᠨ ᠬᠠᠷᠠᠨ ᠪᠠᠭᠠ ᠵᠠᠯᠠᠭᠤ ᠢᠳᠡᠷ ᠨᠠᠰᠣᠨ ᠤ ᠥᠯᠢᠭᠡᠷ ᠲᠣᠷᠠᠰᠣᠯ ᠢᠶᠠᠨ ᠲᠡᠯᠭᠡᠨᠡ᠃ ᠤᠷᠣᠢ ᠨᠢ ᠤᠷᠳᠣ ᠶᠢᠨ ᠲᠠᠭᠤᠤ᠂ ᠤᠶᠠᠩᠭᠠ ᠨᠠᠶᠢᠷᠠᠭ᠂ | ᠲᠣᠷᠠᠳᠬᠠᠯ ᠲᠠᠭᠤᠤ ᠬᠥᠭᠵᠢᠮ ᡀᠠᠵᠠᠪ ᠪᠠᠭᠰᠢ ᠶᠢᠨ ᠬᠡᠤᠬᠡᠨ ᠭᠡᠷᠡᠯᠡ᠂ ᠬᠥᠷᠭᠡᠨ ᠡᠷᠳᠡᠨᠢᠪᠢᠯᠢᠭ ᠤᠨ ᠬᠠᠶᠠᠭᠠ ᠶᠢ ᠲᠡᠯᠡᠵᠣ᠂ ᠲᠠᠪᠰᠢᠯᠳᠣ ᠰᠣᠮᠣᠨ ᠤ ᠬᠤᠩᠬᠤᠷ | ᠲᠠᠯᠠᠢ ᠶᠡᠭᠡ ᠨᠠᠶᠢᠷ ᠲᠤ ᠰᠠᠭᠠᠳᠠᠭᠰᠠᠨ ᠰᠢᠭ᠋ ᠪᠠᠶᠢᠪᠠ᠃ ᠲᠡᠷᠡ ᠨᠢᠭᠡ ᠭᠠᠷᠠᠭ ᠪᠣᠯ ᠪᠠᠭᠰᠢ ᡀᠠᠵᠠᠪ ᠱᠠᠪᠢ ᡀᠠᠰᠥ᠋ᠷᠣᠩ ᠬᠤᠶᠠᠷ ᠤᠨ ᠪᠠᠶᠠᠷ ᠴᠠᠯᠬᠢᠯᠠᠭᠰᠠᠨ ᠨᠢᠭᠡ | ᠭᠠᠷᠠᠭ᠂ ᠪᠠᠶᠢᠳᠠᠭ ᠢᠶᠠᠨ ᠲᠡᠯᠭᠡᠭᠰᠡᠨ ᠨᠢᠭᠡ ᠭᠠᠷᠠᠭ᠂ ᠷᠣᠮᠠᠨ ᠤ ᠬᠢᠨᠢ ᠨᠣᠤᠷᠠᠭ ᠤᠨ ᠨᠢᠭᠡ ᠭᠠᠷᠠᠭ᠂ ᠨᠣᠳᠤᠭ ᠤᠰᠣᠨ ᠤ ᠬᠢᠨᠢ ᠬᠡᠶᠢᠮᠣᠷᠢ ᠶᠢᠨ ᠨᠢᠭᠡ ᠭᠠᠷᠠᠭ | ᠪᠠᠶᠢᠯᠠ᠃ | 1985 ᠣᠨ ᠤ ᠵᠣᠨ ᠮᠠᠨ ᠤ ᠰᠢᠯᠢ ᠶᠢᠨ ᠭᠤᠤᠯ ᠳᠤ ᠨᠠᠯᠠᠭᠠᠷ ᠰᠠᠶᠢᠬᠠᠨ ᠣᠶᠠᠩᠭᠠᠯᠢᠭ ᠰᠠᠭᠠᠳᠠᠪᠠ᠃ ᠨᠠᠳᠠ ᠳᠤ ᠴᠣ᠋ ᠬᠠᠨᠠᠭᠠᠷ ᠰᠠᠶᠢᠬᠠᠨ ᠵᠣᠯ | ᠵᠠᠶᠠᠭᠠᠪᠠ᠃ 7 ᠳ᠋ᠣᠭᠠᠷ ᠰᠠᠷᠠ ᠶᠢᠨ ᠠᠷᠪᠠᠨ ᠬᠡᠳᠣᠨ ᠢᠶᠠᠷ ᠪᠢ ᠰᠢᠯᠢ ᠶᠢᠨ ᠭᠤᠤᠯ ᠳᠤ ᠠᠮᠢᠳᠣᠷᠠᠯ ᠳᠤ ᠭᠥᠨᠵᠡᠭᠡᠶᠢᠷᠡᠬᠦ ᠮᠠᠨ ᠤ ᠠᠩᠭᠢ ᠶᠢᠨ ᡀᠠᠰᠥ᠋ᠷᠣᠩ᠂ | ᠬᠠᠳᠠᠴᠢ ᠭᠠᠩ᠂ ᠨᠠᠷᠠᠩᠭᠤᠸᠠ᠂ ᠪᠠ᠊ · ᠬᠠᠰᠮᠥ᠋ᠷᠡᠨ᠂ ᠰᠡᠴᠡᠨᠪᠢᠯᠢᠭ ᠢᠶᠠᠨ ᠲᠣᠰᠴᠣ ᠭᠡᠷ ᠤᠨ ᠲᠠᠶᠢᠯᠠᠯᠭᠠ ᠪᠠᠷ ᠤᠭᠳᠣᠪᠠ᠃ ᠲᠡᠷᠡ ᠦᠶᠡ ᠳᠤ ᠪᠢ ᠴᠢᠨᠢ ᠡᠩ | ᠤᠨ ᠨᠢᠭᠡ ᠲᠥᠷᠪᠡᠨ ᠥᠨᠴᠣᠭ᠌ ᠢ ᠨᠢ ᠲᠤᠭᠤᠰᠬᠠᠬᠯᠠᠬᠰᠠᠨ ᠰᠢᠪᠠᠷ ᠪᠠᠶᠢᠰᠢᠩ ᠭᠡᠷ ᠲᠤ ᠶᠠᠳᠠᠬᠤ ᠳᠤ ᠬᠥᠯᠳᠡᠭᠡᠭᠦᠷ ᠴᠣ᠋ ᠪᠠᠶᠢᠭᠠ ᠥᠭᠡᠢ ᠯᠡ ᠪᠠᠶᠢᠵᠣ ᠳ᠋ᠠ᠃ | ᠲᠥᠷᠣᠭᠦᠤ ᠡᠳᠣᠷ ᠨᠢ ᠬᠥᠳᠡᠭᠡ ᠠᠴᠠ ᠬᠤᠨᠢ ᠠᠪᠴᠢᠷᠠᠵᠣ ᠲᠥᠬᠦᠭᠡᠷᠡᠭᠡᠳ ᠬᠥᠷᠢᠶᠡᠨ ᠤ ᠵᠣᠭᠤᠷᠢᠨ ᠳᠠᠭᠠᠨ ᠬᠢᠵᠣ ᠲᠠᠯᠪᠢᠭᠰᠠᠨ ᠢᠶᠠᠨ ᠭᠠᠷᠭᠠᠵᠣ ᠴᠢᠨᠠᠭᠠᠳ | ᠬᠥᠳᠡᠭᠡ ᠮᠠᠶ᠋ᠢᠭ ᠢᠶᠠᠷ ᠢᠶᠠᠨ ᠢᠳᠡᠭᠡᠨ ᠤ ᠪᠠᠨ ᠲᠡᠭᠡᠵᠢ ᠠᠷᠢᠬᠢ ᠪᠠᠨ ᠠᠶᠣᠰᠢ ᠴᠠᠭᠠᠨ ᠬᠠᠳᠠᠭ ᠲᠡᠭᠡᠷᠡ ᠪᠠᠨ ᠡᠷᠭᠦᠵᠤ ᠢᠷᠡᠭᠰᠡᠨ ᠭᠡᠶᠢᠴᠢᠳ ᠲᠡᠭᠡᠨ ᠪᠠᠷᠢᠵᠣ ᠨᠠᠶᠢᠷ | ᠢᠶᠠᠨ ᠡᠬᠢᠯᠡᠭᠦᠯᠪᠡ᠃ ᠲᠠᠷᠬᠠᠨ ᠲᠠᠭᠤᠴᠢᠨ ᡀᠠᠵᠠᠪ ᠭᠤᠸᠠᠢ ᠨᠠᠶᠢᠷ ᠤᠨ ᠮᠢᠨᠢ ᠭᠤᠤᠯ ᠡᠵᠡᠨ᠂ ᠭᠠᠤᠯᠢᠨ ᠪᠣᠷᠬᠠᠨ ᠪᠠᠶᠢᠪᠠ᠃ ︽ᠵᠢᠭᠠᠬᠨ ᠰᠢᠷᠭᠠ︾᠂ ︽ | ᠵᠢᠷᠤᠭᠠ ᠶᠢᠨ ᠵᠢᠷᠤᠭᠠ︾᠂ ︽ᠪᠠᠭᠠ ᠶᠢᠨ ᠨᠠᠰᠣ︾᠂ ︽ᠬᠤᠯᠠ ᠶᠢᠨ ᠲᠡᠷᠭᠡᠯ ᠬᠥᠳᠡᠭᠡ︾ ᠵᠡᠷᠭᠡ ᠲᠠᠭᠤᠤ ᠶᠢᠨ ᠤᠶᠠᠩᠭᠠᠨ ᠰᠢᠷᠣᠩᠬᠠᠶᠢᠯᠠᠯ ᠳᠤ ᠬᠥᠭᠡᠷᠤᠬᠦᠢ | ᠮᠢᠨᠢ ᠮᠠᠭᠤ ᠪᠣᠭᠤᠨᠢ ᠥᠷᠭᠦᠭᠡ ᠮᠢᠨᠢ ᠴᠣᠬᠤᠮ ᠬᠤᠯᠠ ᠶᠢᠨ ᠲᠡᠷᠭᠡᠯ ᠬᠥᠳᠡᠭᠡ ᠯᠡ ᠪᠠᠶᠢᠯᠠ᠃ ᠱᠥᠵᠢ᠂ ᠲᠠᠷᠤᠭᠠ ᠬᠤᠶᠠᠭᠤᠯᠠ ᠪᠠᠨ᠂ ︽ᠬᠤᠶᠠᠷ ᠴᠡᠷᠢᠭ︾ | ᠬᠤᠶᠠᠭᠤᠯᠠ ᠪᠠᠨ᠂ ︽ᠬᠤᠶᠠᠷ ᠴᠡᠴᠡᠭ︾ ᠤᠨ ᠨᠢᠭᠡ ᠨᠢ᠂ ᠬᠤᠩᠭᠤᠷ ᠬᠠᠰᠮᠥ᠋ᠷᠡᠨ ᠮᠢᠨᠢ ᠭᠡᠷ ᠢ ᠮᠢᠨᠢ ᠭᠡᠶᠢᠭᠦᠯᠵᠣ᠂ ᠨᠡᠷᠡ ᠶᠢ ᠮᠢᠨᠢ ᠨᠢᠯᠴᠢᠬᠢᠨᠡᠭᠦᠯᠣᠯᠡ᠃ | ᠲᠠᠷᠬᠠᠨ ᠲᠠᠭᠤᠴᠢᠨ ᡀᠠᠵᠠᠪ ᠭᠤᠸᠠᠢ᠂ ᠠᠯᠳᠠᠷᠳᠣ ᠲᠠᠭᠤᠴᠢᠨ ᡀᠠᠰᠥ᠋ᠷᠣᠩ ᠪᠠᠭᠰᠢ ᠱᠠᠪᠢ ᠬᠤᠶᠠᠭᠤᠯᠠ ᠶᠢᠨ ᠲᠠᠭᠤᠤ ᠶᠢᠨ ᠲᠣᠮᠳᠠ ᠮᠠᠨ ᠤ ᠬᠠᠳᠠᠴᠢ ᠭᠠᠩ᠂ | ᠬᠠᠰᠮᠥ᠋ᠷᠡᠨ᠂ ᠰᠡᠴᠡᠨᠪᠢᠯᠢᠭ ᠨᠠᠷ ᠴᠣ᠋ ︽ ᠠᠭᠢᠳᠣ ᠲᠣᠯᠣᠭᠠᠢ︾᠂ ︽ᠴᠡᠷᠢᠭ ᠡᠷᠡ ᠶᠢᠨ ᠲᠠᠭᠤᠤ︾᠂ ︽ᠴᠡᠷᠢᠭ ᠠᠮᠢᠳᠣᠷᠠᠯ ᠰᠠᠶᠢᠬᠠᠨ︾ ᠵᠡᠷᠭᠡ ᠲᠠᠭᠤᠤ ᠰᠢᠯᠣᠭ᠌ | ᠢᠶᠠᠨ ᠴᠣ᠋ ᠡᠷᠡ ᠬᠤᠩᠭᠤᠷ ᠬᠤᠭᠤᠯᠠᠢ ᠪᠠᠷ ᠢᠶᠠᠨ ᠣᠶᠠᠩᠭᠠᠯᠠᠯᠠ᠃ ᠵᠥᠴᠤᠭᠡᠴᠢᠨ᠂ ᠺᠢᠨᠤ᠋ ᠲᠣᠭᠯᠠᠭᠴᠢ᠂ ᠪᠥᠵᠢᠭᠴᠢᠨ ᠨᠠᠷᠠᠩᠭᠤᠸᠠ ᠡᠭᠡᠴᠢ ᠵᠢᠭᠠᠬᠠᠨ ᠭᠡᠷ ᠲᠤ | ᠮᠢᠨᠢ ᠤᠷᠠ ᠡᠷᠳᠡᠮ ᠢᠶᠠᠨ ᠭᠠᠷᠭᠠᠬᠤ ᠤᠷᠣᠨ ᠵᠠᠢ ᠪᠠᠶᠢᠭᠰᠠᠨ ᠥᠭᠡᠢ ᠨᠢ ᠬᠠᠷᠠᠮᠰᠠᠯᠳᠠᠢ᠃ ᠠᠷᠢᠬᠢ ᠮᠢᠬᠠ ᠶᠢᠨ ᠲᠠᠶᠢᠯᠠᠯᠭᠠ ᠨᠠᠶᠢᠷ ᠭᠡᠬᠦ ᠪᠠᠷ ᠤᠷᠳᠣ ᠶᠢᠨ ᠲᠠᠭᠤᠤ | ᠤᠶᠠᠩᠭᠠ ᠰᠢᠯᠣᠭ᠌ ᠤᠨ ᠲᠠᠶᠢᠯᠠᠯᠭᠠ ᠨᠠᠶᠢᠷ ᠪᠣᠯᠣᠭᠰᠠᠨ ᠪᠠᠶᠢᠯᠠ᠃ ᠮᠢᠨᠣ ᠵᠢᠭᠠᠬᠠᠨ ᠪᠣᠷᠣ ᠥᠷᠭᠦᠭᠡ ᠠᠷᠠᠳ ᠤᠨ ᠲᠠᠭᠤᠤ ᠪᠠᠷ ᠴᠠᠯᠬᠢᠯᠠᠵᠣ᠂ ᠠᠬᠠ ᠲᠡᠭᠦᠣᠨᠠᠷ ᠤᠨ | ᠬᠠᠶᠢᠷᠠ ᠪᠠᠷ ᠬᠠᠯᠭᠢᠯᠠᠭᠰᠠᠨ᠂ ᠨᠠᠳᠠᠳᠣ ᠳᠠᠭᠠᠨ ᠪᠣᠯ ᠸᠢᠶᠧᠨᠠ ᠶᠢᠨ ᠲᠠᠭᠤᠤ ᠬᠥᠭᠵᠢᠮ ᠤᠨ ᠠᠯᠳᠠᠨ ᠤᠷᠳᠣᠨ ᠠᠴᠠ ᠲᠡᠮᠡᠢ ᠲᠣᠳᠠᠬᠤ ᠥᠭᠡᠢ ᠰᠢᠭ ᠰᠠᠨᠠᠭᠳᠠᠵᠣ | ᠪᠠᠶᠢᠭᠰᠠᠨ ᠳ᠋ᠠ᠃ ᠲᠡᠷᠡ ᠬᠤᠪᠣᠷᠬᠠᠨ ᠴᠠᠭ ᠬᠤᠪᠢᠳᠠᠢ ᠮᠥᠴᠡ ᠮᠠᠨᠢ ᠤᠳᠣ ᠠᠴᠠ ᠨᠢᠭᠡᠨᠳᠡ ᠭᠤᠴᠢᠨ ᠨᠠᠢᠮᠠᠨ ᠵᠢᠯ ᠤᠨ ᠡᠮᠣᠨᠡᠬᠢ ᠲᠣᠷᠠᠰᠣᠯ ᠲᠣᠷᠠᠳᠬᠠᠯ ᠪᠣᠯᠵᠠᠢ᠃ | ᠬᠥᠭᠡᠷᠤᠬᠦᠢ ᡀᠠᠵᠠᠪ ᠪᠠᠭᠰᠢ ᠮᠢᠨᠢ᠂ ᠬᠥᠭᠡᠷᠤᠬᠦᠢ ᠬᠠᠰᠮᠥ᠋ᠷᠡᠨ ᠮᠢᠨᠢ ᠪᠣᠷᠬᠠᠨ ᠪᠣᠯᠣᠭᠠᠳ ᠬᠡᠴᠢᠨᠡᠨ ᠵᠢᠯ ᠪᠣᠯᠵᠣ᠂᠂ ᠬᠥᠭᠡᠷᠤᠬᠦᠢ ᠨᠠᠷᠠᠩᠭᠤᠸᠠ ᠡᠭᠡᠴᠢ ᠮᠢᠨᠢ | ᠨᠢᠳᠣᠨᠣᠨ ᠵᠢᠯ᠂ ᠬᠥᠭᠡᠷᠤᠬᠦᠢ ᡀᠠᠰᠥ᠋ᠷᠣᠩ ᠠᠬᠠ ᠮᠢᠨᠢ ᠴᠠᠭᠠᠳᠣᠬᠠᠨ ᠡᠳᠣᠷ ᠪᠣᠷᠬᠠᠨ ᠤ ᠤᠷᠣᠨ ᠳᠠᠭᠠᠨ ᠶᠠᠪᠣᠴᠢᠬᠠᠯᠠ᠃ | ᠬᠤᠷᠸᠠ ᠶᠠᠮᠠᠷ ᠬᠠᠳᠠᠭᠤ ᠪᠣᠢ᠂ ᠬᠥᠮᠣᠨ ᠶᠠᠮᠠᠷ ᠬᠥᠭᠡᠷᠣᠬᠦᠢ ᠪᠣᠢ︕ | ᠲᠠᠶᠠᠭᠠᠷ ᠨᠡᠶᠢᠭᠡᠮ ᠢᠶᠠᠷ ᠢᠶᠠᠨ ᡀᠠᠰᠥ᠋ᠷᠣᠩ ᠠᠬᠠ ᠲᠠᠨ ᠢ ᠪᠠᠨ ᠡᠮᠬᠡᠨᠢᠨ ᠭᠠᠰᠢᠭᠤᠳᠠᠵᠠᠭᠠᠵᠣ ᠪᠠᠶᠢᠨᠠ᠃ | ᠪᠣᠷᠬᠠᠨ ᠤ ᠤᠷᠣᠨ ᠳᠠᠭᠠᠨ ᠰᠠᠶᠢᠨ ᠶᠠᠪᠣᠭᠠᠷᠠᠢ ᡀᠠᠰᠥ᠋ᠷᠣᠩ ᠠᠬᠠ ᠮᠢᠨᠢ︕ | ᠪᠣᠴᠠᠭᠠᠳ ᠲᠠᠬᠢᠨ ᠮᠣᠩᠭᠤᠯ ᠳᠠᠭᠠᠨ ᠯᠡ ᠢᠷᠡᠭᠡᠷᠡᠢ︕ | ᠬᠤᠷᠣᠢ︕ ᠬᠤᠷᠣᠢ︕ ᠬᠤᠷᠣᠢ︕ | ᠬᠤᠷᠮᠣᠰᠳᠠ ᠲᠡᠭᠷᠢ ᠳᠡᠭᠡᠨ ᠠᠮᠣᠷᠯᠢᠩᠭᠤᠢ ᠨᠣᠶᠢᠷᠰᠣᠭᠠᠷᠠᠢ ᡀᠠᠰᠥ᠋ᠷᠣᠩ ᠠᠬᠠ ᠮᠢᠨᠢ︕ | ᠲᠠᠷᠴᠢᠳ ᠡᠯᠬᠡᠩᠭᠡ ᠴᠢᠨᠢ ᠲᠠᠨ ᠳᠠᠭᠠᠨ ᠨᠠᠮᠠᠨᠴᠢᠯᠠᠨ ᠮᠥᠷᠭᠦᠵᠣ ᠪᠠᠶᠢᠨᠠ︕ | 2023 ᠣᠨ ᠤ 1 ᠳ᠋ᠦ᠋ᠭᠡᠷ ᠰᠠᠷᠠ ᠶᠢᠨ 8 ᠤ ᠡᠳᠣᠷ | ᠪᠣᠣᠷᠠ ᠬᠡᠭᠡᠷᠡ ᠳᠤ | ᠲᠠᠷᠴᠢᠳ ᠡᠯᠬᠡᠩᠭᠡ᠂ ᠲᠥᠷᠥ ᠶᠢᠨ ᠲᠡᠷᠢᠭᠦᠨ ᠪᠠᠶᠢᠷᠢ ᠶᠢᠨ ᠵᠣᠬᠢᠶᠠᠯᠴᠢ᠂ ᠰᠡᠳᠬᠦᠯᠴᠢ᠂ ᠳᠤᠮᠳᠠᠳᠤ ᠤᠯᠤᠰ ᠤᠨ ᠵᠣᠬᠢᠶᠠᠯᠴᠢᠳ ᠤᠨ ᠡᠪᠯᠡᠯ ᠤᠨ ᠭᠡᠰᠢᠭᠦᠨ᠂ | ᠥᠪᠥᠷ ᠮᠣᠩᠭᠤᠯ ᠤᠨ ᠵᠣᠬᠢᠶᠠᠯᠴᠢᠳ ᠤᠨ ᠡᠪᠯᠡᠯ ᠤᠨ ᠭᠡᠰᠢᠭᠦᠨ᠂ ᠳᠤᠮᠳᠠᠳᠤ ᠤᠯᠤᠰ ᠤᠨ᠂ ᠮᠣᠩᠭᠤᠯ ᠰᠡᠳᠬᠦᠯ ᠤᠨ ︽ᠭᠠᠪᠢᠶᠠᠲᠤ ᠨᠠᠶᠢᠷᠠᠭᠤᠯᠤᠭᠴᠢ︾᠂ | ᠰᠢᠯᠢ ᠶᠢᠨ ᠭᠤᠣᠯ ᠠᠶᠢᠮᠠᠭ ᠤᠨ ᠤᠳᠬᠠ ᠤᠷᠠᠯᠢᠭ ᠤᠨ ᠬᠢᠨ ᠤ ᠬᠤᠯᠪᠣᠭᠠᠨ ᠤ ᠳᠡᠳ᠋ ᠲᠡᠷᠢᠭᠦᠯᠡᠭᠴᠢ᠂ ᠪᠠᠶᠢᠴᠠᠭᠠᠨ ᠰᠤᠳᠤᠯᠤᠭᠴᠢ ︵ᠵᠢᠩᠬᠢᠨᠢ ᠭᠠᠵᠠᠷ ᠤᠨ ᠳᠡᠰ︶ | ︽ᠰᠢᠯᠢ ᠶᠢᠨ ᠭᠤᠣᠯ︾ ᠰᠡᠳᠬᠦᠯ ᠤᠨ ᠶᠡᠷᠦᠩᠬᠡᠢ ᠨᠠᠶᠢᠷᠠᠭᠤᠯᠤᠭᠴᠢ᠂ ᠳᠤᠮᠳᠠᠳᠤ ᠤᠯᠤᠰ ᠤᠨ ᠮᠣᠩᠭᠤᠯ ᠰᠡᠳᠬᠦᠯ ᠰᠤᠳᠤᠯᠬᠤ ᠬᠤᠷᠠᠯ ᠤᠨ ᠳᠡᠳ᠋ ᠳᠠᠷᠤᠭᠠ᠃ | ᠬᠤᠱᠣᠢ ︽ᠰᠣᠯᠣᠩᠭᠠ︾ ᠱᠠᠩᠨᠠᠯᠲᠤ ᠤᠷᠠᠨ ᠪᠦᠲᠦᠭᠡᠯᠴᠢ᠃ | | | | | | | | | | | | | |