| ᠮᠤᠩᠭᠤᠯ 《 ᠳ᠋ᠠᠨᠵᠤᠤᠷ ᠤᠨ ᠲᠤᠬᠠᠢ 》 | | 《 ᠳ᠋ᠠᠨᠵᠤᠤᠷ 》ᠭᠡᠲᠡᠭ ᠨᠢ《 ᠱᠠᠰᠳᠢᠷ ᠤᠨ ᠤᠷᠴᠢᠭᠤᠯᠭᠠ 》ᠭᠡᠰᠡᠨ ᠲᠦᠪᠡᠳ ᠦᠭᠡ ᠶᠤᠮ᠃ | ᠡᠨᠡ ᠨᠢ ᠡᠷᠲᠡᠨ ᠤ ᠡᠨᠡᠳᠭᠡᠭ᠂ ᠲᠦᠪᠡᠳ ᠤᠨ ᠡᠷᠲᠡᠮᠲᠡᠨ ᠪᠠᠨᠳᠢᠳᠠ ᠨᠠᠷ ᠤᠨ ᠲᠠᠪᠤᠨ ᠤᠬᠠᠭᠠᠨ ᠤ《 ᠲᠤᠲᠤᠭᠠᠲᠤ ᠤᠬᠠᠭᠠᠨ 》᠂《 ᠤᠷᠠᠯᠠᠬᠤᠢ | ᠤᠬᠠᠭᠠᠨ 》᠂《 ᠤᠴᠢᠷ ᠰᠢᠯᠲᠠᠭᠠᠨ ᠤ ᠤᠬᠠᠭᠠᠨ 》᠂《 ᠲᠡᠵᠢᠭᠡᠬᠦᠢ ᠤᠬᠠᠭᠠᠨ 》᠂《 ᠲᠠᠭᠤᠨ ᠤᠬᠠᠭᠠᠨ 》 ᠤ 3400 ᠭᠠᠷᠤᠢ ᠵᠤᠬᠢᠶᠠᠯ ᠢ | ᠡᠮᠬᠢᠳᠭᠡᠭᠰᠡᠨ ᠲᠤᠮᠤ ᠴᠤᠮᠤᠷᠯᠢᠭ ᠪᠤᠯᠤᠨᠠ᠃《 ᠳ᠋ᠠᠨᠵᠤᠤᠷ 》 ᠲᠤ ᠪᠠᠭᠲᠠᠬᠤ ᠶᠡᠭᠡ ᠪᠠᠭᠠ ᠲᠠᠪᠤᠨ ᠤᠬᠠᠭᠠᠨ ᠤ ᠵᠤᠬᠢᠶᠠᠯ ᠠᠴᠠ ᠲᠦᠪᠡᠳ ᠬᠡᠯᠡᠨ ᠳᠤ | ᠶᠢᠰᠦᠲᠦᠭᠡᠷ ᠵᠠᠭᠤᠨ ᠤ ᠦᠶᠡᠰ ᠤᠷᠴᠢᠭᠤᠯᠵᠤ ᠡᠬᠢᠯᠡᠭᠡᠳ ᠠᠷᠪᠠᠨ ᠲᠦᠷᠪᠡᠲᠦᠭᠡᠷ ᠵᠠᠭᠤᠨ ᠤ ᠦᠶᠡ ᠳᠤ ᠲᠤᠰᠬᠠᠢ ᠴᠤᠮᠤᠷᠯᠢᠭ ᠪᠤᠯᠭᠠᠵᠠᠢ᠃ | 《 ᠳ᠋ᠠᠨᠵᠤᠤᠷ 》 ᠤᠨ ᠲᠤᠲᠤᠷᠠᠬᠢ ᠨᠤᠮ ᠵᠤᠬᠢᠶᠠᠯ ᠠᠴᠠ ᠮᠤᠩᠭᠤᠯᠴᠤᠳ ᠪᠦᠷ ᠠᠷᠪᠠᠨ ᠲᠦᠷᠪᠡᠲᠦᠭᠡᠷ ᠵᠠᠭᠤᠨ ᠤ ᠡᠬᠢᠨ ᠦᠶᠡᠰ ᠤᠷᠴᠢᠭᠤᠯᠵᠤ᠂ | ᠲᠠᠶᠢᠯᠪᠤᠷᠢ ᠰᠤᠲᠤᠯᠭᠠ ᠬᠢᠵᠦ ᠪᠠᠶᠢᠯᠠ᠃ ᠬᠠᠷᠢᠨ《 ᠳ᠋ᠠᠨᠵᠤᠤᠷ 》 ᠨᠤᠮ ᠢ ᠪᠦᠬᠦᠯᠢ ᠳᠤ ᠨᠢ ᠤᠷᠴᠢᠭᠤᠯᠵᠤ ᠬᠡᠪᠯᠡᠭᠦᠯᠬᠦ ᠠᠵᠢᠯ ᠢ ᠠᠷᠪᠠᠨ ᠨᠠᠢᠮᠠᠲᠤᠭᠠᠷ ᠵᠠᠭᠤᠨ ᠤ | ᠲᠡᠷᠢᠭᠦᠨ ᠬᠠᠭᠠᠰ ᠲᠤ ᠷᠤᠯᠪᠢᠲᠤᠷᠵᠢ ᠶᠢᠨ ᠤᠲᠤᠷᠢᠲᠤᠯᠭᠠ ᠪᠠᠷ ᠮᠤᠩᠭᠤᠯ ᠤᠨ ᠤᠯᠠᠨ ᠨᠤᠲᠤᠭ ᠬᠤᠰᠢᠭᠤᠳ ᠠᠴᠠ ᠴᠤᠬᠯᠠᠷᠠᠬᠰᠠᠨ 200 ᠤᠷᠴᠢᠮ | ᠤᠷᠴᠢᠭᠤᠯᠤᠬᠴᠢ ᠨᠠᠷ ᠪᠤᠭᠤᠨᠢ ᠬᠤᠭᠤᠴᠠᠭᠠᠨ ᠳᠤ ᠠᠮᠵᠢᠯᠲᠠ ᠲᠠᠢ ᠬᠢᠵᠦ ᠬᠦᠢᠴᠡᠳᠭᠡᠭᠰᠡᠨ ᠶᠤᠮ᠃ ᠮᠤᠩᠭᠤᠯ《 ᠳ᠋ᠠᠨᠵᠤᠤᠷ 》 ᠲᠤ ᠠᠩᠬᠠᠨ ᠤ ᠲᠦᠯᠦᠪᠯᠡᠭᠡ | ᠪᠠᠷ ᠢᠶᠠᠨ ᠡᠨᠡᠳᠭᠡᠭ ᠤᠨ ᠡᠷᠲᠡᠮᠲᠡᠨ᠂ ᠵᠤᠬᠢᠶᠠᠯᠴᠢᠳ ᠤᠨ ᠪᠦᠲᠦᠭᠡᠯ ᠠᠴᠠ ᠭᠠᠲᠠᠨᠠ ᠲᠦᠪᠡᠳ ᠤᠨ ᠱᠠᠰᠢᠨ ᠤ ᠲᠤᠮᠤᠬᠠᠨ ᠵᠢᠳᠬᠦᠯᠲᠡᠨ ᠨᠠᠷ ᠤᠨ ᠵᠠᠷᠢᠮ ᠵᠤᠬᠢᠶᠠᠯ | ᠠᠴᠠ ᠤᠷᠤᠭᠤᠯᠵᠤ 253 ᠪᠤᠲᠢ ᠪᠤᠶᠤ 3500 ᠭᠠᠷᠤᠢ ᠨᠤᠮ ᠱᠠᠰᠲᠢᠷ ᠪᠠᠭᠲᠠᠭᠠᠬᠤ ᠵᠤᠷᠢᠯᠭᠠ ᠲᠠᠢ ᠪᠠᠶᠢᠵᠡᠢ᠃ ᠭᠡᠰᠡᠨ ᠴᠦ 1749 ᠤᠨ ᠤ ᠦᠶᠡ ᠳᠤ | ᠬᠡᠪᠯᠡᠭᠲᠡᠭᠰᠡᠨ ᠮᠤᠩᠭᠤᠯ《 ᠳ᠋ᠠᠨᠵᠤᠤᠷ 》 ᠲᠤ 225 ᠪᠤᠲᠢ ᠪᠤᠶᠤ 3427 ᠨᠠᠷᠡ ᠲᠦᠷᠥᠯ ᠤᠨ ᠵᠤᠬᠢᠶᠠᠯ ᠪᠠᠭᠲᠠᠭᠠᠬᠰᠠᠨ ᠪᠠᠶᠢᠨᠠ᠃《 ᠳ᠋ᠠᠨᠵᠤᠤᠷ》 ᠢ ᠴᠤᠬᠤᠮ | ᠤᠷᠴᠢᠭᠤᠯᠵᠤ ᠬᠡᠪᠯᠡᠬᠦ ᠠᠵᠢᠯ 1742—1749 ᠤᠨ ᠤ ᠤᠷᠴᠢᠮ ᠬᠢᠭᠲᠡᠭᠰᠡᠨ ᠪᠤᠯᠪᠠᠴᠦ ᠲᠡᠭᠦᠨ ᠤ ᠪᠡᠯᠡᠳᠭᠡᠯ ᠨᠡᠯᠢᠶᠡᠳ ᠲᠦᠷᠦᠭᠦᠨ ᠡᠬᠢᠯᠡᠭᠰᠡᠨ ᠪᠢᠯᠡ᠃ | 1724 ᠤᠨ ᠳᠤ《 ᠳ᠋ᠠᠨᠵᠤᠤᠷ 》 ᠢ ᠤᠷᠴᠢᠭᠤᠯᠬᠤ᠂ ᠬᠠᠭᠠᠨ ᠤ ᠵᠠᠷᠯᠢᠭ ᠭᠠᠷᠤᠬᠰᠠᠨ ᠠᠴᠠ ᠮᠤᠩᠭᠤᠯ ᠤᠨ ᠤᠯᠠᠨ ᠬᠤᠰᠢᠭᠤ ᠨᠤᠲᠤᠭ ᠠᠴᠠ ᠤᠷᠴᠢᠭᠤᠯᠤᠬᠴᠢ᠂ | ᠠᠷᠢᠭᠤᠳᠬᠠᠨ ᠰᠢᠭᠦᠭᠴᠢ᠂ ᠪᠡᠷᠴᠢᠨ ᠵᠡᠷᠭᠡ ᠬᠡᠪᠯᠡᠯ᠂ ᠤᠳᠬᠠ ᠵᠤᠬᠢᠶᠠᠯ ᠤᠨ ᠮᠡᠷᠭᠡᠵᠢᠯ ᠤᠨ ᠬᠦᠮᠦᠰ ᠢ ᠵᠠᠷᠯᠠᠨ ᠴᠤᠬᠯᠠᠭᠤᠯᠤᠬᠰᠠᠨ ᠠᠵᠢ᠃ | ᠮᠤᠩᠭᠤᠯ《 ᠳ᠋ᠠᠨᠵᠤᠤᠷ 》 ᠲᠤ ᠤᠷᠤᠬᠰᠠᠨ ᠪᠦᠬᠦ ᠵᠤᠬᠢᠶᠠᠯ ᠨᠢ ᠵᠦᠪᠬᠡᠨ 1742—1749 ᠤᠨ ᠤ ᠬᠤᠭᠤᠷᠤᠨᠲᠤ ᠴᠤ᠋ ᠰᠢᠨᠡ ᠪᠠᠷ | ᠤᠷᠴᠢᠭᠤᠯᠤᠬᠲᠠᠬᠰᠠᠨ ᠪᠤᠰᠤ᠂ ᠬᠠᠭᠤᠴᠢᠨ ᠤᠷᠴᠢᠭᠤᠯᠭᠠ ᠶᠢ ᠪᠠᠭᠠ ᠰᠠᠭᠠ ᠨᠠᠶᠢᠷᠠᠭᠤᠯᠤᠨ ᠵᠠᠰᠠᠭᠠᠳ ᠤᠷᠤᠭᠤᠯᠤᠬᠰᠠᠨ ᠨᠢ ᠴᠦᠭᠡᠨ ᠦᠭᠡᠢ ᠪᠤᠢ᠃ ᠡᠭᠦᠨ ᠤ | ᠪᠠᠷᠢᠮᠲᠠ ᠶᠢ ᠮᠤᠩᠭᠤᠯ《 ᠳ᠋ᠠᠨᠵᠤᠤᠷ 》 ᠤᠨ ᠵᠠᠷᠢᠮ ᠵᠤᠬᠢᠶᠠᠯ ᠤᠨ ᠲᠡᠭᠦᠰᠭᠡᠯ ᠤᠨ ᠦᠭᠡᠰ ᠬᠡᠷᠡᠴᠢᠯᠡᠵᠤ ᠪᠠᠶᠢᠨᠠ᠃ | | ᠨᠤᠮ ᠵᠦᠢ〔 ᠮᠤᠩᠭᠤᠯ〕 ᠳ᠋᠊·᠂ ᠴᠡᠷᠢᠩᠰᠤᠳᠨᠠᠮ ᠵᠤᠬᠢᠶᠠᠪᠠ᠂ ᠮᠤᠩᠭᠤᠯ《 ᠭᠠᠨᠵᠤᠤᠷ 》᠂《 ᠳ᠋ᠠᠨᠵᠤᠤᠷ 》 ᠤᠨ ᠲᠡᠭᠦᠰᠭᠡᠯ ᠤᠨ ᠰᠢᠯᠦᠭ᠂ ᠦᠪᠦᠷ | ᠮᠤᠩᠭᠤᠯ ᠤᠨ ᠠᠷᠠᠳ ᠤᠨ ᠬᠡᠪᠯᠡᠯ ᠤᠨ ᠬᠤᠷᠢᠶᠠ᠂ 2019 ᠤᠨ ᠤ 10 ᠰᠠᠷᠠ ᠠᠩᠬᠠᠲᠤᠭᠠᠷ ᠬᠡᠪ᠂ 87—88 . | | |