| ᠬᠤᠷᠤᠭᠠᠠᠴᠠᠶᠢᠳᠠᠮ ᠰᠤᠮᠤᠨ ᠤ ᠳᠦᠪ ᠰᠠᠭᠤᠭᠠ ᠬᠤᠷᠤᠭᠠᠨ ᠵᠤᠤ ᠠᠴᠠ ᠡᠮᠦᠨᠡᠰᠢ ᠪᠠᠨ ᠳᠠᠪᠤᠨ ᠭᠠᠵᠠᠷ ᠤᠨ ᠵᠠᠶᠢᠳᠠᠢ ᠨᠢᠬᠡᠨ ᠴᠠᠶᠢᠳᠠᠮ ᠪᠠᠶᠢᠳᠠᠭ᠃ ᠬᠤᠶᠠᠷ | ᠨᠤᠮᠤᠭᠤ ᠶᠢᠨ ᠤᠷᠤᠢ ᠶᠢᠨ ᠬᠤᠶᠢᠳᠤ ᠪᠡᠶᠡ ᠳᠠᠬᠢ ᠬᠠᠳᠠᠨ ᠡᠩᠬᠡᠷ ᠠᠴᠠ ᠡᠬᠢ ᠠᠪᠴᠤ ᠬᠤᠶᠢᠰᠢ ᠪᠠᠨ ᠦᠷᠬᠦᠯᠵᠢᠯᠡᠨ ᠬᠤᠷᠤᠭᠠᠨ ᠵᠤᠤ ᠶᠢᠨ ᠡᠮᠦᠨᠡ ᠬᠦᠷᠴᠦ | ᠡᠷᠬᠢᠬᠡᠳ ᠪᠠᠷᠠᠭᠤᠨᠰᠢ ᠪᠠᠨ ᠭᠤᠷᠪᠠᠨ ᠤᠯᠠᠭᠠᠨ ᠰᠡᠬᠡᠷ ᠤᠨ ᠠᠷᠤ ᠪᠠᠷ ᠪᠤᠷᠤᠳᠤᠯᠤᠭᠠᠢ ᠶᠢᠨ ᠤᠷᠢᠳᠤ ᠬᠦᠪᠡᠭᠡ ᠶᠢ ᠲᠠᠭᠠᠨ᠂ ᠬᠦᠬᠡ ᠳᠠᠯᠠ ᠶᠢᠨ ᠵᠡᠬᠦᠨᠳᠡᠢ ᠬᠦᠷᠦᠭᠰᠡᠨ | ᠴᠠᠶᠢᠳᠠᠮ ᠢ ᠪᠠᠶᠠᠨ ᠴᠠᠶᠢᠳᠠᠮ ᠬᠡᠳᠡᠭ᠃ ᠡᠨᠡᠬᠦ ᠴᠠᠶᠢᠳᠠᠮ ᠤᠨ ᠵᠡᠬᠦᠨ ᠬᠡᠰᠡᠭ ᠤᠨ ᠳᠤᠮᠳᠠᠭᠤᠷ ᠨᠢ ᠰᠠᠳᠠᠭ ᠤᠨ ᠭᠤᠤᠯ ᠤᠷᠤᠰᠴᠤ ᠬᠤᠶᠢᠰᠢ ᠪᠠᠨ ᠤᠯᠠᠭᠠᠨ | ᠳᠤᠭᠤᠷᠢᠮ ᠳᠤ ᠴᠢᠳᠬᠤᠵᠤ ᠪᠠᠶᠢᠳᠠᠭ᠃ ᠭᠤᠤᠯ ᠤᠨ ᠳᠤᠮᠳᠠ ᠬᠡᠰᠡᠭ ᠪᠠ ᠵᠠᠷᠢᠮ ᠭᠠᠵᠠᠷ ᠲᠤᠨᠢ ᠳᠡᠮᠡᠭᠡᠨ ᠴᠦᠬᠦᠷᠦᠮ᠂ ᠮᠤᠷᠢᠨ ᠴᠦᠬᠦᠷᠦᠮ ᠬᠡᠬᠦ ᠬᠦᠨ | ᠤᠰᠤ ᠲᠠᠢ ᠪᠤᠯᠤᠩ ᠳᠤᠬᠤᠢ ᠪᠤᠢ᠃ ᠪᠠᠶᠠᠨ ᠴᠠᠶᠢᠳᠠᠮ ᠤᠨ ᠡᠮᠦᠨᠡᠬᠢ ᠭᠤᠷᠪᠠᠨ ᠰᠡᠬᠡᠷ ᠤᠨ ᠠᠰ ᠬᠤᠶᠢᠰᠢ ᠵᠦᠭ ᠲᠤ ᠬᠤᠷᠤᠭᠠᠨ ᠵᠤᠤ ᠶᠢᠨ ᠪᠠᠷᠠᠭᠤᠨ ᠪᠡᠶᠡ ᠪᠠᠷ | ᠠᠷᠤᠰᠢ ᠪᠠᠨ ᠤᠯᠠᠭᠠᠨ ᠳᠤᠭᠤᠷᠢᠮ ᠬᠦᠷᠦᠭᠰᠡᠨ ᠴᠠᠶᠢᠳᠠᠮ ᠢ ᠦᠬᠡᠬᠦ ᠶᠢᠨ ᠴᠠᠶᠢᠳᠠᠮ ᠬᠡᠳᠡᠭ᠃ ᠬᠤᠷᠤᠭᠠᠨ ᠵᠤᠤ ᠶᠢᠨ ᠪᠠᠷᠠᠭᠤᠨ ᠬᠤᠶᠢᠳᠤ ᠪᠡᠶᠡ ᠪᠠᠷ ᠳᠠᠪᠤ | ᠵᠢᠷᠭᠤᠭᠠᠨ ᠭᠠᠵᠠᠷ ᠤᠨ ᠵᠠᠶᠢᠳᠠᠢ ᠦᠬᠡᠬᠦ ᠶᠢᠨ ᠴᠠᠶᠢᠳᠠᠮ ᠠᠴᠠ ᠡᠬᠢ ᠠᠪᠴᠤ ᠵᠡᠬᠦᠨᠰᠢ᠂ ᠵᠡᠬᠦᠨ ᠤᠷᠤᠭᠰᠢ ᠪᠠᠨ ᠦᠷᠬᠦᠯᠵᠢᠯᠡᠭᠰᠡᠨ ᠴᠠᠶᠢᠳᠠᠮ ᠢ ᠦᠡᠭᠬᠦᠯᠴᠡᠭ ᠤᠨ | ᠴᠠᠶᠢᠳᠠᠮ ᠬᠡᠳᠡᠭ᠃ ᠬᠦᠬᠡ ᠳᠠᠯᠠ ᠶᠢᠨ ᠵᠡᠬᠦᠨ ᠪᠡᠶᠡ ᠳᠤ ᠬᠦᠷᠦᠭᠰᠡᠨ ᠪᠠᠶᠠᠨ ᠴᠠᠶᠢᠳᠠᠮ ᠠᠴᠠ ᠤᠷᠤᠭᠰᠢ ᠪᠠᠨ ᠵᠠᠯᠭᠠᠯᠳᠤᠵᠤ᠂ ᠡᠷᠬᠢᠨ ᠳᠤᠭᠤᠷᠢᠨ ᠢᠶᠠᠷ ᠢᠶᠠᠨ ᠡᠬᠡᠬᠡ | ᠯᠡ ᠬᠤᠷᠤᠭᠠ ᠬᠠᠰᠢᠶᠠ ᠮᠡᠳᠦ ᠪᠠᠶᠢᠷᠢᠯᠠᠵᠤ ᠪᠠᠶᠢᠳᠠᠭ ᠠᠴᠠ ᠪᠠᠨ ᠬᠦᠮᠦᠰ ᠭᠤᠷᠪᠠᠨ ᠴᠠᠶᠢᠳᠠᠮ ᠢ ᠨᠡᠶᠢᠯᠡᠬᠦᠯᠦᠬᠡᠳ ᠶᠡᠷᠦᠩᠬᠡᠶᠢᠯᠡᠨ ᠬᠤᠷᠤᠭᠠᠠᠴᠠᠶᠢᠳᠠᠮ ᠬᠡᠵᠦ ᠨᠡᠷᠡᠯᠡᠨ | ᠳᠠᠭᠤᠳᠠᠳᠠᠭ ᠪᠤᠯᠤᠭᠰᠠᠨ ᠬᠡᠨᠡ᠃ ᠴᠢᠯᠦᠬᠡᠯᠡᠭᠳᠡᠬᠦ ᠦᠶᠡ ᠳᠤ ᠰᠤᠮᠤᠨ ᠤ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠨᠡᠷᠡ ᠪᠤᠯᠵᠤ ᠠᠯᠳᠠᠷᠰᠢᠭᠰᠠᠨ ᠪᠠᠶᠢᠨᠠ᠃ | ᠴᠢᠯᠦᠬᠡᠯᠡᠭᠳᠡᠬᠦ ᠶᠢᠨ ᠤᠷᠢᠳᠤ ᠬᠡᠳᠦᠨ ᠵᠢᠯ ᠳᠤ ᠮᠦᠡᠭᠬᠡᠨᠠᠰᠤᠨ ᠬᠡᠭᠴᠢ ᠵᠠᠯᠠᠭᠤ ᠬᠠᠨᠭ᠍ᠬᠢᠨ ᠤ ᠴᠡᠷᠢᠭ ᠤᠨ ᠠᠯᠪᠠ ᠬᠠᠭᠠᠵᠤ ᠪᠠᠶᠢᠭᠠᠳ ᠬᠠᠨᠭ᠍ᠬᠢᠨ ᠶᠠᠮᠤᠨ ᠤ | ᠳᠤᠮᠢᠯᠠᠭᠠ ᠪᠠᠷ ᠳᠦᠷᠪᠡᠨ ᠵᠠᠯᠠᠭᠤ ᠶᠢ ᠰᠦᠢᠶᠦᠸᠡᠨ ︵ᠬᠦᠬᠡᠬᠤᠳᠠ︶ ᠳᠤ ᠴᠡᠷᠢᠭ ᠤᠨ ᠪᠦᠷᠢᠶᠡᠴᠢᠨ ᠰᠤᠷᠭᠠᠬᠤ ᠪᠠᠷ ᠶᠠᠪᠤᠭᠤᠯᠬᠤ ᠳᠤ ᠳᠡᠳᠡᠨ ᠤ ᠨᠢᠬᠡ ᠨᠢ ᠪᠤᠯᠵᠤ | ᠶᠠᠪᠤᠵᠠᠢ᠃ ᠬᠡᠳᠦᠨ ᠰᠠᠷᠠ ᠶᠢᠨ ᠪᠤᠯᠪᠠᠰᠤᠷᠠᠯ ᠢᠶᠠᠷ ᠳᠠᠮᠵᠢᠭᠠᠳ ᠮᠦᠡᠭᠬᠡᠨᠠᠰᠤᠨ ᠶᠡᠭᠡ ᠰᠠᠶᠢᠨ ᠪᠦᠷᠢᠶᠡᠴᠢᠨ ᠪᠤᠯᠤᠭᠰᠠᠨ ᠪᠠᠶᠢᠵᠠᠢ᠃ ᠬᠡᠪᠡᠴᠦ ᠡᠪᠡᠳᠴᠢᠨ ᠳᠠᠬᠤᠯ | ᠤᠷᠤᠵᠤ ᠵᠠᠰᠠᠷᠠᠵᠤ ᠳᠡᠶᠢᠯᠦᠭᠰᠡᠨ ᠦᠭᠡᠢ ᠪᠠᠷ ᠪᠤᠰᠤᠳ ᠲᠠᠢ ᠬᠠᠮᠳᠤ ᠬᠠᠷᠢᠵᠤ ᠢᠷᠡᠵᠦ ᠳᠡᠶᠢᠯᠦᠭᠰᠡᠨ ᠦᠭᠡᠢ ᠬᠦᠮᠦᠨ ᠤ ᠭᠠᠵᠠᠷ ᠦᠬᠡᠳᠡ ᠪᠤᠯᠤᠭᠰᠠᠨ ᠪᠠᠶᠢᠪᠠ᠃ | ᠮᠦᠡᠭᠬᠡᠨᠠᠰᠤᠨ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠰᠡᠴᠡᠨ ᠰᠡᠷᠬᠦᠯᠡᠩ᠂ ᠳᠠᠭᠤᠯᠠᠵᠤ ᠬᠦᠭᠵᠢᠮᠳᠡᠬᠦ ᠳᠡᠭᠡᠨ ᠠᠪᠢᠶᠠᠰ ᠲᠠᠢ ᠬᠦᠮᠦᠨ ᠪᠠᠶᠢᠵᠠᠢ᠃ ᠳᠡᠬᠡᠬᠡᠳ ᠬᠠᠮᠳᠤ ᠶᠠᠪᠤᠭᠠ | ᠬᠦᠮᠦᠰ ᠳᠡᠭᠡᠨ ᠳᠠᠭᠤᠤ ᠵᠤᠬᠢᠶᠠᠵᠤ ᠬᠡᠷ ᠨᠤᠳᠤᠭ᠂ ᠠᠪᠤ ᠡᠵᠢ ᠪᠠᠨ ᠰᠠᠨᠠᠭᠠᠯᠵᠠᠭᠰᠠᠨ ᠢᠶᠠᠨ ᠢᠯᠡᠳᠬᠡᠵᠦ ᠪᠢᠴᠢᠭᠰᠡᠨ ︽ᠬᠤᠷᠤᠭᠠᠨ ᠴᠠᠶᠢᠳᠠᠮ︾ ᠬᠡᠮᠡᠬᠦ ᠳᠠᠭᠤᠤ ᠨᠢ | ᠬᠤᠯᠠ ᠤᠶᠢᠷᠠ ᠳᠤ ᠠᠯᠳᠠᠷᠰᠢᠨ ᠳᠡᠯᠬᠡᠷᠡᠭᠰᠡᠨ ᠪᠠᠶᠢᠪᠠ᠃ | ᠬᠤᠷᠤᠭᠠᠠᠴᠠᠶᠢᠳᠠᠮ ᠨᠤᠳᠤᠭ ᠲᠠᠢ ᠯᠠ ᠶᠤᠮ | ᠬᠤᠶᠠᠷ ᠦᠨᠳᠦᠷ ᠨᠤᠮᠤᠭᠠᠨ ᠲᠠᠢ ᠯᠠ ᠶᠤᠮ | ᠬᠤᠷᠤᠭᠠᠨ ᠵᠤᠤ ᠶᠢᠨ ᠡᠬᠦᠳᠡᠨ ᠳᠤ | ᠬᠤᠶᠠᠷ ᠮᠤᠳᠤ ᠲᠠᠢ ᠠᠶᠢᠯ ᠪᠠᠶᠢᠯᠠ ᠬᠦ᠋ ᠁ ᠬᠡᠵᠤ ᠳᠠᠭᠤᠯᠠᠨ ᠵᠤᠬᠢᠶᠠᠭᠰᠠᠨ ᠳᠠᠭᠤᠤ ᠨᠢ ᠡᠳᠦᠬᠡ ᠴᠦ ᠬᠡᠳ ᠠᠷᠠᠳ ᠤᠨ ᠳᠤᠮᠳᠠ ᠤᠯᠠᠮᠵᠢᠯᠠᠭᠳᠠᠨ | ᠳᠠᠭᠤᠯᠠᠭᠳᠠᠭᠰᠠᠭᠠᠷ ᠪᠠᠶᠢᠳᠠᠭ᠃ ᠮᠦᠡᠭᠬᠡᠨᠠᠰᠤᠨ ᠤ ᠬᠡᠷ ᠨᠢ ᠳᠠᠷᠤᠢ ᠳᠠᠭᠤᠨ ᠳᠤ ᠳᠠᠭᠤᠯᠠᠭᠳᠠᠭᠰᠠᠨ ᠲᠠᠢ ᠨᠢ ᠳᠡᠷᠡ ᠶᠤᠰᠤᠭᠠᠷ ᠬᠤᠷᠤᠭᠠᠨ ᠵᠤᠤ ᠰᠦᠮᠡ ᠶᠢᠨ | ᠡᠬᠦᠳᠡᠨ ︵ᠡᠮᠦᠨᠡ ᠨᠢ︶ ᠳᠤ ᠨᠠᠢᠮᠠ ᠶᠢᠰᠦᠨ ᠭᠠᠵᠠᠷ ᠤᠨ ᠵᠠᠶᠢᠳᠠᠢ ᠬᠤᠶᠠᠷ ᠬᠠᠶᠢᠯᠠᠰᠤᠨ ᠮᠤᠳᠤ ᠲᠠᠢ ᠠᠶᠢᠯ ᠪᠤᠯ ᠶᠠᠭ ᠳᠡᠬᠦᠨ ᠤ ᠬᠡᠷ ᠨᠢ ᠪᠤᠯᠬᠤ ᠶᠤᠮ᠃ | ᠴᠢᠯᠦᠬᠡᠯᠡᠭᠳᠡᠭᠰᠡᠨ ᠤ ᠳᠠᠷᠠᠭᠠ ᠰᠤᠮᠤ᠂ ᠪᠠᠷᠢᠭᠠᠳᠠ ᠬᠡᠵᠦ ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠤ ᠳᠠᠷᠠᠭᠠ ᠴᠠᠶᠢᠳᠠᠮ ᠶᠡᠭᠡ ᠪᠠᠷᠢᠭᠠᠳᠠ ᠶᠢᠨ ᠵᠦᠪᠯᠡᠯ ᠶᠠᠭ ᠰᠠᠶᠢᠬᠠᠨ | ᠮᠦᠡᠭᠬᠡᠨᠠᠰᠤᠨ ᠤ ᠬᠡᠷ ᠤᠨ ᠪᠠᠭᠤᠷᠢ ᠳᠡᠬᠡᠷᠡ ᠠᠯᠪᠠ ᠬᠢᠵᠦ ᠪᠠᠶᠢᠪᠠ᠃ ᠡᠳᠦᠬᠡ ᠬᠤᠶᠠᠷ ᠬᠠᠶᠢᠯᠠᠰᠤᠨ ᠮᠤᠳᠤᠨ ᠤ ᠨᠢᠬᠡ ᠨᠢ ᠦᠭᠡᠢ ᠪᠤᠯᠴᠢᠬᠠᠵᠠᠢ᠂ ᠨᠢᠬᠡ ᠨᠢ ᠪᠠᠶᠢᠵᠤ | ᠪᠠᠶᠢᠭᠰᠠᠨ ᠢᠶᠠᠨ ᠡᠳᠦᠬᠡ ᠰᠠᠭᠤᠭᠠ ᠠᠶᠢᠯ ᠤᠨ ᠭᠠᠷ ᠦᠵᠦᠬᠦᠷ ᠤᠨ ᠪᠡᠯᠡ ᠪᠤᠯᠵᠤ ᠳᠠᠭᠠᠷᠢᠭᠳᠠᠭᠰᠠᠨ ᠪᠠᠶᠢᠯᠠ᠃ | |