| ᠤᠷᠢᠳᠤ ᠳᠤ ᠠᠷᠤ ᠬᠤᠷᠴᠢᠨ ᠨᠤᠲᠤᠭ ᠲᠤ ᠨᠢᠭᠡᠨ ᠠᠪᠤᠷᠭᠤ ᠪᠡᠶᠡ ᠠᠭᠤ ᠮᠠᠩᠨᠠᠢ ᠲᠠᠢ᠂ ᠮᠦᠩᠬᠦᠨ ᠰᠠᠬᠠᠯ ᠮᠦᠰᠢᠶᠡᠩᠬᠦᠢ ᠴᠢᠷᠠᠢ ᠲᠠᠢ᠂ ᠠᠷᠤ ᠶᠢᠨ | ᠮᠠᠯᠴᠢᠳ ᠲᠤ ᠪᠠᠨ ᠬᠦᠷᠢᠶᠡᠯᠡᠯ ᠲᠠᠢ᠂ ᠠᠩᠴᠢᠨ ᠰᠢᠪᠠᠭᠤᠴᠢᠨ ᠳᠤ ᠪᠠᠨ ᠬᠦᠨᠳᠦᠲᠡᠢ ︽ᠡᠷᠭᠡᠳᠡᠨ ᠠᠪᠤ︾ ᠴᠣᠯᠠ ᠲᠠᠢ ᠨᠠᠰᠤᠲᠠᠨ ᠪᠠᠶᠢᠭᠰᠠᠨ ᠭᠡᠨᠡ᠃ | ᠨᠠᠰᠤᠲᠠᠨ ᠠᠭᠤᠯᠠ ᠬᠠᠶᠢᠷᠬᠠᠨ ᠤ ᠠᠷᠢᠶᠠᠲᠠᠨ ᠠᠮᠢᠲᠠᠨ ᠢ ᠬᠠᠮᠢᠭᠠᠭᠤᠷ ᠬᠡᠳᠦᠢ ᠪᠠᠶᠢᠬᠤ ᠳᠤ ᠨᠢ ᠬᠦᠷᠲᠡᠯᠡ ᠠᠯᠠᠭᠠᠨ ᠳᠤ ᠪᠠᠨ ᠪᠠᠶᠢᠬᠤ ᠠᠳᠠᠯᠢ ᠠᠨᠳᠠᠯ | ᠦᠭᠡᠢ ᠮᠡᠳᠡᠳᠡᠭ ᠤᠴᠢᠷ ᠠᠴᠠ ᠠᠩᠴᠢᠨ ᠮᠠᠯᠴᠢᠨ ᠲᠡᠭᠦᠨ ᠢ ᠪᠠᠶᠢᠭᠠᠯᠢ ᠳᠡᠯᠡᠬᠡᠢ ᠶᠢᠨ ᠡᠬᠢ ᠪᠠᠶᠠᠯᠢᠭ ᠤᠨ ︽ᠰᠠᠩ ᠬᠠᠮᠢᠶᠠᠷᠤᠭᠴᠢ︾᠂ ᠠᠭᠤᠯᠠ ᠤᠰᠤᠨ ᠤ ︽ | ᠡᠷᠭᠡᠳᠡᠨ︾ ᠢᠶᠠᠷ ᠦᠵᠡᠵᠦ ᠪᠢᠰᠢᠷᠡᠨ ᠬᠦᠨᠳᠦᠳᠭᠡᠳᠡᠭ ᠪᠠᠶᠢᠵᠠᠢ᠃ ᠡᠷᠭᠡᠲᠡᠨ ᠠᠪᠤ ᠠᠭᠤᠯᠠ ᠶᠢᠨ ᠪᠠᠷᠰ ᠢ ᠬᠦᠷᠲᠡᠯᠡ ᠳᠡᠷᠭᠡᠳᠡ ᠪᠠᠨ ᠳᠠᠭᠤᠳᠠᠨ ᠠᠪᠴᠢᠷᠠᠵᠤ | ᠴᠢᠳᠠᠳᠠᠭ ᠲᠤᠯᠠ ᠡᠬᠡᠯ ᠠᠷᠠᠳ ᠠᠴᠠ ᠭᠡᠷᠭᠡᠮᠳᠡᠨ ᠨᠣᠶᠠᠨ ᠬᠦᠷᠲᠡᠯᠡ ᠠᠶᠤᠮᠰᠢᠭ ᠦᠭᠡᠢ ᠲᠡᠭᠦᠨ ᠳᠤ ᠤᠷᠢᠳᠠᠪᠠᠢ ᠮᠡᠳᠡᠭᠳᠡᠵᠦ ᠭᠠᠵᠠᠷ ᠵᠢᠭᠠᠯᠭᠠᠬᠤ ᠦᠭᠡᠢ ᠪᠠᠷ | ᠠᠩᠨᠠᠳᠠᠭ ᠦᠭᠡᠢ ᠭᠡᠨᠡ᠃ | ᠨᠢᠭᠡ ᠤᠳᠠᠭᠠ ᠬᠤᠰᠢᠭᠤᠨ ᠸᠠᠩ ᠶᠡᠭᠡ ᠠᠩ ᠲᠠᠯᠪᠢᠬᠤ ᠭᠡᠳ ᠡᠷᠭᠡᠲᠡᠨ ᠠᠪᠤ ᠠᠴᠠ ᠬᠦᠷᠲᠡᠭᠡᠯ ᠭᠤᠶᠤᠬᠤ ᠪᠠᠷ ᠳᠠᠭᠠᠮᠠᠯ ᠲᠤᠮᠢᠯᠠᠬᠤ ᠭᠡᠬᠦ ᠳᠤ ᠪᠠᠭᠠ | ᠬᠠᠲᠤᠨ ᠨᠢ᠄ ︽ᠶᠢᠷᠲᠢᠨᠴᠦ ᠳᠡᠭᠡᠷᠡ ᠤᠯᠠᠨ ᠤ ᠳᠡᠭᠡᠲᠡᠢ ᠨᠤᠶᠠᠨ ᠪᠠᠶᠢᠭᠠᠳ ᠠᠭᠤᠯᠠᠨ ᠤ ᠠᠮᠢᠲᠠᠨ ᠢ ᠬᠤᠷᠤᠭᠠᠬᠤ ᠳᠤ ᠤᠷᠤᠨ ᠤ ᠡᠪᠦᠭᠡᠨ ᠠᠴᠠ ᠠᠰᠠᠭᠤᠬᠤ | ᠶᠠᠭᠤᠨ︖︾ ᠭᠡᠵᠦ ᠵᠠᠩᠳᠤᠷᠤᠭᠰᠠᠨ ᠲᠤᠯᠠ ᠠᠷᠭᠠ ᠦᠭᠡᠢ ᠡᠷᠭᠡᠳᠡᠨ ᠠᠪᠤ ᠶᠢᠨ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠠᠪᠠ ᠬᠢᠵᠡᠢ᠃ ᠬᠡᠳᠦᠨ ᠡᠳᠦᠷ ᠠᠪᠠᠯᠠᠭᠠᠳ | ᠦᠨᠦᠴᠢᠨ ᠲᠠᠤᠯᠠᠢ ᠴᠦ ᠤᠯᠤᠭᠰᠠᠨ ᠦᠭᠡᠢ ᠲᠤᠯᠠ ᠸᠠᠩ ᠤᠨ ᠬᠠᠲᠤᠨ ᠤ ᠢᠴᠢᠬᠦᠷᠢ ᠨᠢ ᠬᠤᠪᠢᠯᠵᠤ ᠠᠭᠤᠷ ᠪᠣᠯᠣᠭᠠᠳ ᠸᠠᠩ ᠨᠣᠶᠠᠨ ᠳᠤ ᠪᠠᠨ᠄ ︽ | ᠳᠡᠩᠳᠡᠭᠦᠯᠵᠦ ᠶᠠᠷᠢᠳᠠᠭ ᠤᠨᠴᠠ ᠡᠷᠭᠡᠲᠦ ᠡᠪᠦᠭᠡᠨ ᠢᠶᠠᠨ ᠠᠪᠴᠤ ᠢᠷᠡ᠂ ᠪᠢ ᠪᠠᠷᠰ ᠦᠵᠡᠨᠡ︾ ᠭᠡᠵᠦ ᠤᠷᠢᠯᠠᠪᠠ᠃ | ᠡᠷᠭᠡᠳᠡᠨ ᠠᠪᠤ᠂ ᠸᠠᠩ ᠤᠨ ᠵᠠᠬᠢᠶᠠ ᠪᠠᠷ ᠦᠨᠡᠭᠡᠷ ᠨᠢᠭᠡ ᠬᠦᠷᠡᠩ ᠡᠷᠢᠶᠡᠨ ᠪᠠᠷᠰ ᠢ ᠳᠠᠭᠠᠭᠤᠯᠤᠨ ᠢᠷᠡᠪᠡᠯ ᠸᠠᠩ ᠤᠨ ᠬᠠᠲᠤᠨ ᠦᠩᠬᠦᠯᠴᠡᠭ ᠢᠶᠠᠨ | ᠬᠠᠭᠠᠷᠠᠲᠠᠯᠠ ᠠᠶᠤᠭᠠᠳ ᠬᠠᠷᠠ ᠲᠡᠷᠭᠡᠨ ᠳᠤ ᠪᠠᠨ ᠰᠢᠷᠭᠤᠭᠠᠳ ᠬᠠᠷᠠᠯᠲᠠ ᠦᠭᠡᠢ ᠵᠢᠭᠤᠳᠠᠪᠠ ᠭᠡᠨᠡ᠃ | ᠬᠤᠵᠢᠮ ᠨᠢ ᠡᠷᠭᠡᠲᠡᠨ ᠠᠪᠤ ᠶᠢ ᠨᠠᠰᠤ ᠪᠠᠷᠠᠭᠰᠠᠨ ᠤ ᠰᠡᠬᠦᠯᠡᠷ ᠠᠳᠡᠬᠢ ᠠᠭᠤᠯᠠᠨ ᠳᠤ ᠪᠠᠷᠰ ᠪᠠᠶᠢᠬᠤ ᠦᠭᠡᠢ ᠪᠣᠯᠣᠭᠰᠠᠨ ᠪᠦᠭᠡᠳ ᠠᠩ ᠬᠦᠷᠦᠭᠡ ᠴᠦ | ᠴᠦᠭᠡᠷᠡᠵᠦ ᠤᠢ ᠮᠤᠳᠤ ᠨᠢ ᠴᠦ ᠰᠡᠶᠢᠷᠡᠭᠵᠢᠭᠰᠡᠨ ᠠᠴᠠ ᠮᠠᠯᠴᠢᠳ ᠨᠠᠰᠣᠲᠠᠨ ᠢᠶᠠᠨ ᠰᠠᠨᠠᠭᠠᠯᠵᠠᠬᠤ ᠳᠤ ᠪᠠᠨ ᠪᠠᠭ ᠬᠢᠵᠦ ᠬᠦᠷᠦᠭᠡᠯᠡᠭᠡᠳ ︽ᠴᠠᠭᠠᠨ ᠡᠪᠦᠬᠡᠨ︾ | ᠭᠡᠵᠦ ᠲᠠᠬᠢᠲᠠᠭ ᠪᠣᠯᠣᠭᠰᠠᠨ ᠪᠦᠭᠡᠳ ᠵᠢᠯ ᠪᠦᠷᠢ ᠶᠢᠨ ᠲᠠᠪᠤᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠲᠠᠪᠤᠨ ᠪᠣᠯᠬᠤ ᠪᠦᠷᠢ ᠤᠪᠤᠭᠠ ᠲᠠᠬᠢᠨ᠂ ᠪᠠᠷᠰ ᠳᠠᠭᠤᠳᠠᠵᠤ ᠬᠦᠰᠡᠯ | ᠰᠡᠳᠬᠢᠯᠭᠡ ᠪᠠᠨ ᠢᠯᠡᠷᠡᠬᠦᠯᠳᠡᠭ ᠪᠣᠯᠵᠤ ᠭᠡᠨᠡ᠃ |