| ᠦᠢᠷᠠ ᠳᠤ᠂ ᠣᠲᠤᠭ ᠬᠤᠰᠢᠭᠤᠨ ᠤ ᠤᠷᠲᠤᠰ ᠢᠵᠠᠭᠤᠷ ᠨᠠᠶᠢᠷ ᠤᠨ ᠨᠡᠶᠢᠭᠡᠮᠯᠢᠭ ᠤᠨ ︽ᠨᠠᠶᠢᠷ︾ ᠲᠤᠰᠬᠠᠶ ᠦᠳᠡᠰᠢᠯᠡᠭᠡ ᠤᠯᠠᠭᠠᠨᠪᠠᠯᠭᠠᠰᠤ ᠶᠢᠨ ᠪᠠᠷᠠᠭᠤᠨ | ᠣᠷᠳᠣᠰ ᠤᠨ ᠰᠣᠶᠣᠯ ᠤᠨ ᠭᠤᠤᠯ ᠰᠡᠳᠦᠪᠲᠦ ᠴᠡᠴᠡᠷᠯᠢᠭ ᠲᠤ ᠣᠷᠳᠣᠰ ᠠᠷᠠᠳ ᠤᠨ ᠣᠷᠳᠣ ᠶᠢᠨ ᠳᠠᠭᠤᠤ ︽ᠰᠠᠶᠢᠷᠪᠤᠯᠠᠭ︾ ᠢᠶᠠᠷ ᠬᠥᠰᠢᠭᠡ ᠨᠡᠭᠡᠭᠡᠪᠡ᠃ | ᠦᠳᠡᠰᠢᠯᠡᠭᠡ ᠶᠢᠨ ᠠᠬᠤᠢ ᠲᠠᠯᠠᠪᠠᠢ ᠳᠤ᠂ ᠡᠷᠡᠭᠲᠡᠢ ᠡᠮᠡᠭᠲᠡᠢ ᠶᠢᠨ ᠬᠠᠮᠲᠤ ᠶᠢᠨ ᠪᠥᠵᠢᠭ ︽ᠰᠠᠶᠢᠨ ᠪᠠᠶᠢᠨ᠋ᠠ ᠤᠤ︾᠂ ᠠᠷᠠᠳ ᠤᠨ ᠨᠠᠶᠢᠷᠠᠯ ᠬᠥᠭᠵᠢᠮ ︽ | ᠮᠥᠩᠭᠦᠨ ᠬᠡᠭᠡᠷ ᠮᠣᠷᠢ︾᠂ ᠨᠠᠶᠢᠷᠠᠯ ᠳᠠᠭᠤᠤ ︽ᠪᠠᠶᠠᠷᠲᠤ ᠨᠠᠭᠠᠳᠤᠮ︾᠂ ᠬᠤᠣᠰᠯᠠᠯ ᠳᠠᠭᠤᠤ ︽ᠴᠢᠮᠠ ᠪᠠᠨ ᠬᠠᠶᠢᠷᠠᠯᠠᠶᠠ︾ ᠵᠡᠷᠭᠡ ᠢᠵᠠᠭᠤᠷ ᠨᠠᠶᠢᠷ ᠤᠨ | ᠨᠡᠶᠢᠭᠡᠮᠯᠢᠭ ᠤᠨ ᠭᠡᠰᠢᠭᠦᠳ ᠤᠨ ᠥᠪᠡᠷ ᠢᠶᠠᠨ ᠵᠤᠬᠢᠶᠠᠵᠤ᠂ ᠥᠪᠡᠷ ᠢᠶᠠᠨ ᠨᠠᠶᠢᠷᠠᠭᠤᠯᠤᠨ᠂ ᠥᠪᠡᠷ ᠢᠶᠠᠨ ᠲᠣᠭᠯᠠᠭᠰᠠᠨ ᠭᠤᠴᠣ ᠰᠠᠶᠢᠬᠠᠨ ᠲᠣᠭᠯᠠᠯᠲᠠ ᠨᠢ | ᠤᠷᠳᠤᠰ ᠤᠨ ︽ᠨᠠᠶᠢᠷ︾ ᠤᠨ ᠥᠪᠡᠷᠮᠢᠴᠡ ᠷᠢᠳᠢ ᠰᠢᠳᠢ ᠶᠢ ᠢᠯᠡᠷᠡᠭᠦᠯᠵᠦ᠂ ᠤᠳᠤᠭ ᠤᠨ ᠠᠷᠠᠳ ᠲᠦᠮᠡᠨ ᠤ ᠬᠠᠯᠠᠭᠤᠨ ᠰᠡᠳᠭᠢᠯᠭᠡ᠂ ᠡᠭᠡᠯ ᠪᠣᠷᠣᠭᠵᠢᠭᠤᠨ | ᠠᠮᠢᠳᠤᠷᠠᠯ ᠠᠬᠤᠢ ᠶᠢ ᠳᠠᠭᠤᠯᠠᠵᠤ᠂ ᠮᠠᠯᠴᠢᠨ ᠲᠠᠷᠢᠶᠠᠴᠢᠨ ᠤ ᠰᠢᠵᠢᠷ ᠡᠷᠢᠨ ᠤ ᠰᠢᠨᠡ ᠠᠶᠠᠰ ᠢ ᠴᠢᠪᠬᠠᠳᠠᠨ᠂ ᠲᠤᠬᠠᠢ ᠶᠢᠨ ᠲᠠᠯᠠᠪᠠᠢ ᠶᠢᠨ ᠦᠵᠡᠭᠴᠢᠳ ᠲᠤ ᠨᠢᠭᠡ | ᠤᠳᠠᠭᠠᠨ ᠤ ᠣᠳᠬᠠ ᠤᠷᠠᠯᠢᠭ ᠤᠨ ᠦᠪᠡᠳᠡᠭᠰᠢ ᠨᠠᠶᠢᠷ ᠢ ᠳᠡᠪᠰᠢᠭᠦᠯᠦ᠋ᠭᠰᠡᠨ ᠪᠠᠶᠢᠨᠠ᠃ | ᠣᠲᠤᠭ ᠬᠤᠰᠢᠭᠤᠨ ᠤ ᠤᠷᠲᠤᠰ ᠢᠵᠠᠭᠤᠷ ᠨᠠᠶᠢᠷ ᠤᠨ ᠨᠡᠶᠢᠭᠡᠮᠯᠢᠭ ᠤᠨ ᠭᠡᠰᠢᠬᠦᠨ ᠠᠯᠲᠠᠨᠴᠢᠮᠡᠭ᠄ ︽ᠡᠨᠡ ᠨᠡᠶᠢᠭᠡᠮᠯᠢᠭ ᠤᠨ ᠭᠡᠰᠢᠬᠦᠳ ᠶᠡᠭᠡ ᠰᠢᠷᠭᠠᠭᠤ | ᠬᠠᠲᠠᠭᠤᠵᠢᠯᠲᠠᠢ ᠪᠤᠯᠪᠠᠰᠤᠷᠠᠲᠠᠭ᠂ ᠵᠠᠮ ᠬᠤᠯᠠ ᠴᠤ ᠠᠯᠢᠪᠡ ᠪᠡᠷᠭᠡᠰᠢᠶᠠᠯ ᠢ ᠢᠯᠠᠨ ᠲᠠᠪᠠᠵᠤ ᠴᠠᠭ ᠲᠠᠭᠠᠨ ᠪᠤᠯᠪᠠᠰᠤᠷᠠᠯ ᠢᠶᠠᠨ ᠭᠢᠲᠡᠭ ᠠᠴᠠ ᠦᠨᠤᠲᠤᠷ ᠤᠨ | ᠲᠤᠰᠬᠠᠢ ᠲᠤᠭᠯᠠᠯᠲᠠ ᠳᠤ ᠶᠡᠭᠡ ᠰᠠᠶᠢᠬᠠᠨ ᠪᠠᠯᠡᠳᠭᠡᠯ ᠠᠵᠢᠯ ᠭᠢᠵᠠᠢ᠂ ᠪᠢᠳᠡ ᠡᠨᠡ ᠰᠤᠶᠤᠯ ᠢᠶᠠᠨ ᠨᠠᠩ ᠠᠷᠪᠢᠨ ᠬᠦᠮᠤᠨ ᠳᠤ ᠮᠡᠲᠡᠬᠦᠯᠤᠶᠠ᠂ ᠲᠠᠨᠢᠭᠤᠯᠤᠶᠠ᠂ | ᠤᠶᠢᠯᠠᠭᠠᠭᠤᠯᠤᠶᠠ᠂ ᠤᠯᠠᠮᠵᠢᠯᠠᠶᠡ ᠭᠡᠰᠡᠨ ᠰᠠᠨᠠᠭᠠ ᠲᠠᠢ︾ ᠭᠡᠵᠤ ᠪᠠᠶᠢᠯᠠ᠃ | ᠣᠷᠣᠨ ᠤ ᠲᠠᠰ ᠤᠨ ᠪᠣᠳᠠᠰ ᠤᠨ ᠪᠤᠰᠤ ᠰᠣᠶᠣᠯ ᠤᠨ ᠥᠪ ᠪᠣᠯᠤᠭᠰᠠᠨ ︽ᠣᠷᠳᠣᠰ ᠨᠠᠶᠢᠷ︾ ᠪᠣᠯ ᠠᠷᠠᠳ ᠤᠨ ᠳᠠᠭᠤᠤ᠂ ᠠᠷᠠᠳ ᠤᠨ ᠬᠥᠭᠵᠢᠮ᠂ | ᠠᠷᠠᠳ ᠤᠨ ᠪᠥᠵᠢᠭ ᠵᠡᠷᠭᠡ ᠶᠢ ᠨᠢᠭᠡ ᠴᠣᠭᠴᠠᠵᠢᠭᠤᠯᠤᠭᠰᠠᠨ ᠢᠵᠠᠭᠤᠷ ᠤᠷᠠᠯᠢᠭ ᠶᠤᠮ᠃ ᠤᠲᠤᠭ ᠬᠤᠰᠢᠭᠤᠨ ᠳᠤ ︽ᠨᠠᠶᠢᠷ︾ ᠨᠢ ᠨᠡᠩ ᠴᠤ ᠤᠯᠠᠨ ᠲᠦᠮᠡᠨ ᠤ | ᠰᠣᠶᠣᠯ ᠤᠨ ᠲᠠᠪᠴᠠᠩ ᠪᠤᠯᠵᠤ᠂ ᠮᠠᠯᠴᠢᠳ ᠤᠨ ᠪᠠᠶᠠᠨ ᠴᠢᠨᠡᠭᠡᠯᠢᠭ ᠠᠮᠢᠳᠤᠷᠠᠯ ᠢ ᠬᠠᠷᠠᠭᠤᠯᠬᠤ ᠰᠡᠳᠬᠢᠯ ᠤᠨ ᠠᠨᠢᠰᠤ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ | ︽ᠤᠷᠳᠤᠰ ᠨᠠᠶᠢᠷ ᠢᠶᠠᠨ ᠨᠠᠩ ᠰᠠᠶᠢᠬᠠᠨ ᠬᠦᠭᠵᠢᠬᠦᠯᠵᠤ ᠲᠡᠯᠭᠡᠷᠠᠬᠦᠯᠵᠤ ᠤᠯᠠᠮᠵᠢᠯᠠᠵᠤ ᠶᠠᠪᠤᠶᠡ ᠭᠡᠵᠤ ᠴᠢᠷᠮᠠᠶᠢᠵᠤ ᠶᠠᠪᠤᠵᠤ ᠪᠠᠶᠢᠨᠠ᠃ ᠮᠠᠯᠴᠢᠨ ᠲᠦᠮᠡᠨ ᠮᠠᠨᠢ | ᠴᠤ ᠠᠮᠠᠷ ᠦᠭᠡᠢ᠂ ᠦᠪᠡᠷ ᠤᠨ ᠢᠵᠠᠭᠤᠷ ᠰᠤᠶᠤᠯ ᠢᠶᠠᠨ ᠭᠡᠭᠡᠭᠲᠠᠬᠦᠯᠵᠤ ᠤᠷᠭᠢᠭᠲᠠᠭᠤᠯᠬᠤ ᠦᠭᠡᠢ ᠬᠠᠲᠠᠭᠠᠯᠠᠵᠤ ᠶᠠᠪᠤᠶᠡ ᠭᠡᠵᠤ ᠲᠠᠶᠠᠭᠠᠷ ᠢᠶᠠᠨ ᠴᠢᠷᠮᠡᠶᠢᠵᠤ | ᠪᠠᠶᠢᠨᠠ᠃ ︿ᠲᠥᠮᠡᠨ ᠤ ᠬᠥᠴᠤᠨ ᠳᠤ ᠠᠭᠤᠯᠠ ᠶᠡᠭᠦᠷᠡᠨᠡ﹀ ᠭᠡᠭᠴᠢ ᠪᠠᠷ ᠪᠢᠳᠠ ᠴᠢᠳᠠᠳᠠᠭ ᠵᠦᠢᠯ ᠢᠶᠠᠨ ᠬᠢᠭᠡᠳ ᠪᠠᠶᠢᠬᠤ ᠳᠤ ᠪᠤᠯᠤᠨᠠ᠂ ᠪᠤᠰᠤᠳ ᠢ ᠴᠠᠭ | ᠬᠤᠭᠤᠴᠠᠭᠠ ᠯᠠ ᠥᠨᠡᠯᠡᠬᠦ ᠪᠠᠶᠢᠬᠤ ᠳ᠋ᠠ︾ ᠭᠡᠵᠤ ᠣᠲᠤᠭ ᠬᠤᠰᠢᠭᠤᠨ ᠤ ᠤᠷᠲᠤᠰ ᠢᠵᠠᠭᠤᠷ ᠨᠠᠶᠢᠷ ᠤᠨ ᠨᠡᠶᠢᠭᠡᠮᠯᠢᠭ ᠢ ᠡᠬᠦᠰᠭᠡᠨ ᠪᠠᠶᠢᠭᠤᠯᠤᠭᠴᠢ ᠡᠷᠲᠡᠨᠢᠬᠤᠸᠠᠷ | ᠤᠳᠬᠠ ᠤᠷᠠᠯᠢᠭ ᠤᠨ ᠥᠨᠳᠤᠷ ᠲᠥᠪᠰᠢᠨ ᠠᠴᠠ ᠬᠤᠯᠠ ᠶᠢ ᠬᠠᠷᠠᠵᠤ᠂ ᠴᠠᠭᠠᠨᠠ ᠶᠢ ᠰᠡᠳᠬᠢᠨ ᠤᠴᠢᠷᠯᠠᠵᠤ ᠶᠠᠷᠢᠯᠠ᠃ | ᠤᠷᠳᠤᠰ ᠨᠤᠳᠤᠭ ᠤᠨ ᠰᠤᠶᠤᠯ ᠤᠨ ᠲᠠᠯᠠᠰᠲᠤ ᠪᠤᠯᠤᠭᠰᠠᠨ ᠤᠷᠳᠤᠰ ᠨᠠᠶᠢᠷ ᠨᠢ ᠥᠡᠭᠭᠡ ᠲᠠᠢ᠂ ᠥᠭᠡᠳᠡ ᠲᠠᠢ᠂ ᠥᠨᠢᠷ ᠥᠳᠭᠡᠨ ᠬᠥᠭᠵᠢᠨ ᠲᠡᠯᠭᠡᠷᠡᠭᠦ ᠨᠢ | ᠮᠡᠳᠡᠭᠡᠵᠢ᠃ |